「都唔知佢係唔係害咗你。」爺爺搖頭、嘆氣。
「痴線!點會係害我。」小松馬上變得不屑。
「講吓啫。」爺爺抿揚起嘴角,說:「你媽咪以前喺我哋圈子入面,有個稱號叫「超自然界松嶋菜菜子」。」
「吓!咁型?」
「係啊~或者咁,如果你想知道媽咪多啲嘢,其實唔入一定要加入驅魔行列,爺爺帶你認識都差唔多。」
「你唔早講!我學咗幾個月你啲爛鬼符咒!!」小松動怒。
「哇呀,小松露出魔鬼真面目喇!」爺爺驚喊。
「緊係啦!」她雙手插腰,不滿道:「次次一講親媽咪‧‧‧‧‧‧你哋都會唔開心,邊有可能直接同你哋提起佢往事喎。」
「係你阿爸最傷心。」
「佢‧‧‧‧‧‧我唔知啦!」
「小松換好衫吧。」
「去邊啊?」
「巫市。」
「巫市?巫師市集啊?」
「類似喇~嗰到有唔小少人識你媽媽。」說畢,爺爺披起一件深綠大褸。