【遺忘的】《小松奇妙物語》（４）

「我可以點幫你啊？我普通學嚟渣⋯不如⋯我叫我爺爺幫你啊！佢係呢行，可能會有辦法⋯⋯」小松撒手搖頭。

「幫到我就得⋯唔該哂你⋯！」江梓華連忙點頭答謝，誰不知太用力，敲到檯面了：「呀⋯」

「你冷靜啲先啊⋯⋯」小松開始致電給爺爺：「喂⋯爺爺啊？」

「小松？咁難得打俾我啊哈哈。」爺爺一如在渡假的聲音。

「我⋯」小松不知怎樣開口，才好說：「我⋯有個朋友呢，佢遇上咗啲小問題。」

「小問題？如果係錢銀上嘅⋯⋯」從聲音也可聽出，爺爺面有難色。

「唔係，係關於超自然嘅嘢⋯⋯」小松望一望她，再說：「佢懷疑遇到鬼⋯？」

「唔係鬼⋯！係怪物⋯！」她確切地說。

「所以，想請你幫幫手啊。」小松說。

「呵呵，但爺爺退咗休好耐囉，除非係小孫女你出事喇，否則我都唔會再接觸呢啲事。」

「咁啊⋯」

「叫佢自己另尋高明喇～」

如是者，請求被爺爺婉拒了。

「冇人幫⋯我啊？咁一定會俾佢捉走⋯」

「捉走？點解佢咁肯定係捉，唔係殺死。」我提出疑問。

小松亦以人話，復述我的提問給她。

「係博子教授講⋯⋯」

「嗯⋯？」

「想當年我遇到宜種事情嗰陣，我其實都搵過好多驅魔人同靈媒，但佢哋唔係神棍，就話自己對付開嘅生命體，並唔係宜一種。」

「得我媽咪，先知道點樣對付？」

「係。」江梓華握緊咖啡杯，說：「佢稱，宜種生命體為⋯⋯嚟自紫魅世界嘅怪物，或者簡稱「詭異」。」

「詭異⋯我知道，我媽咪係專門研究「紫魅世界」，對入面都有好深嘅認識。」小松平日在母親的舊節目上，就看不少解說：「嗰到，可以話係另一個世界。」

「冇錯⋯！」江梓華見她懂那麼多，稍為激動起來：「請你一定要跟我返屋企，去幫我驅趕嗰隻怪物！」

「呃唔⋯小葵你認為呢？」小松問我。

「你自己認為？」我反問。

「我⋯其實⋯我都想了解⋯⋯」小松默默抬頭，說：「媽咪嘅世界。」

「既然係咁，你冇理由拒絕。」我說。

「但會唔會好似上次學校咁⋯⋯」

「可能會有危險，但上次係有高人幫手，今次冇。」這次，假道學應該不會在旁：「所以你覺得有危險⋯⋯就走。」

加速

Live

「好⋯我明啦。」她小作考慮後，便下定決心：「江小姐，我可能試吓幫你，但唔擔保一定得⋯⋯有咩事我都會即刻走，明未？」

「好啊好啊！！唔該你呀！」對方感激地握手。

在晚上前，兩個只屬點頭之交的人，便在旺角附近一帶購物，購買所需的用品。

途中，江小姐為我們簡述了那隻怪物的情況：

－喜歡在被窩出現

－一旦去到人多的地方，便會消失

這些資訊其實可有可有，但給小松預先想像到畫面，到真正發生時便不會大叫大嚷。

──章節──

安心

旺角，一田超市。

裡面人山人海，暫時使兩人從恐怖的話題上抽離。

「佢喺被窩出現⋯咁你有冇掉走張被，或者唔用被訓覺？」小松詳問情況。

「冇，因為唔用被⋯⋯我會覺得更加不安，越嚟越驚，好似冇嘢保護自己周圍咁。」說著說著，江小姐抱臂而行：「就算我會被多張被，佢都依然會出現⋯」

「咁應該唔關被事，係分明針對你。」小松販賣食物調味料的架子前，說：「買啲鹽先，傳統上鹽係可以防止不祥嘅嘢入屋，有冇用都試一下。」

「你係邊到學番嚟？」我拍拍小松的頭。

「爺爺本筆記囉。」

我諗起路人超能100個靈幻師傅

我都係咁諗

買好鹽後，小松即問：「江小姐，你住喺邊啊？」

「一包⋯鹽，就搞掂⋯？」江梓華感到意外。

「我學識有限啊。」小松尷尬得抓頭：「不過，我仲識畫少少驅魔符陣嘅⋯⋯」

「唔⋯」

江小姐住於天水圍，某橦公屋。

樓齡有點舊了，狹窄的走廊亦很長，凝造出一種壓迫感。

「呢到⋯都幾陰沉下。」雙手抽住一袋鹽的小松，說。

「咔──」江小姐把門打開。

「喺朝早⋯佢唔會出嚟。」門已開。

打錯好多字喎

說好的大量
btw 墨巴好忙? 兩邊都無乜文

唔準吹墨巴

無吹阿 關心下

唔準催

個天依家紫色啱啱起身以為入咗紫魅

有文=2篇
多文=4篇
大量=6篇