【遺忘的】《小松奇妙物語》（４）

Live

「咩怪物⋯」我尾巴豎起。

「我估，係地縛靈⋯⋯」我們的視線跟隨聲音移動。

「地縛靈？」

「一種會宿居喺屋入面嘅鬼魂邪靈，人死後成為地縛靈有兩種原因⋯⋯」小松邊解說，手心邊堆積鹽巴：「一種係對居所有太深執著，例如收藏咗某種寶物，令佢死後念念不忘⋯另一種，係被困喺居所到嘅人。」

「被困⋯？」

「喺屋內死於非命，或者被人用邪術困住喺到嘅往生者。」小松點頭，確信自己推測：「應該無錯⋯！媽咪某個節目係咁講。」

「佢暴走緊，我諗又要請你祖先出嚟。」我盯向小松。

說畢，我就奔向小松、跳到她身上準備吻她一下。

「等陣⋯！」小松雙手卻捉住我：「等我試下。」

屋內的家俱隱隱作動起來，諸如椅子、廚具、掛畫，彷如有生命般，跟隨這隻看不見的怪物在哀叫。

天花上的燈，一閃一爍。

「咔」的一聲，大門更被鎖上。

忽地，一對枯燥的手從沙發下伸出，將小松腳脛捉住不放。

「啊⋯」小松狼狽地摔倒。

「嘶！」我立即跑到沙發底下，發出警告。

入面匿藏一個骨瘦如柴、全身乾枯、眼白混濁的女人。

「嗄啊⋯」她發出微弱的聲音，繼而以扭曲的身姿鑽入沙發後的某個小洞。

「小松有個人。」我回報。

「蝦！」小松將鹽都撒入沙發下。

「佢會不斷鑽入牆嘅洞到⋯⋯」我說。

「小松⋯」江小姐被我們的騷動擾醒：「係咪⋯有咩事，佢係咪出現咗？」

「嗯⋯」小松保持警戒。

「就算有外人⋯佢果然都會嚟。」江小姐說。

「你牆上面嘅小裂隙⋯⋯係點整成？」小松詢問。

「樓齡太高⋯？近幾年情況一直好差，成日出現裂紋，我已經一直拉人維修補養都係咁⋯⋯」她如實回答。

小松咬唇細想，說：「事出必有因⋯⋯」

「⋯關事咩？」

「唔知，不過要阻止佢出嚟先。」說罷，小松將原本撒在窗邊及門前的鹽巴，都撒到牆壁的小裂隙內。

「沙嗄咔！！！」一聲詭異的叫聲後，屋子內的傢俱都停止作動。

像是，暫時回復平靜。

「成功咗⋯？」江小姐問。

「我諗只係治標不治本⋯⋯」

「嗯⋯？」

小松坐到沙發上，橫視屋內的周圍：「連我媽咪用正統方法幫你驅走過，佢十幾年後都仍然會返嚟再騷擾你，咁我呢啲少少嘅食用鹽，都應該只係暫時性方法⋯⋯」

「如果每日倒鹽落去裂隙到，就可以阻止佢⋯我可以嫁。」江小姐點點頭。

牆入面有條屍

「暫時安全？」我嗅嗅周圍：「我仲感覺到，佢存在嘅氣息，佢嗰陣死腐嘅氣味。」

「你無諗過搬屋咩？江小姐。」小松問。

「無⋯無⋯⋯宜間屋我由細住到大，冇諗過搬走，何況出面啲樓價咁貴，我根本負擔唔起。」江小姐沖了杯茶，給予小松：「你要唔要⋯定驚茶。」

「你飲啊，我仲未見到佢正面⋯⋯」她板直腰子，說：「都仲頂得順。」

「我見到。」我說。

「小葵，唔洗形容俾我聽。」小松雙手掩著耳朵。

「我壓力真係就快爆⋯⋯」江小姐臉色憔悴。

「今晚應該訓唔到，江小姐，睇嚟我只可以一齊捱夜捱到聽朝。」

是晚，兩個女生交談了不同的事情。

儘管二人年齡有十年之距，但話題都沒差多少，一起待在被褥的小鹽圈內閒聊。

「小松你有冇拍過拖？」

「冇啊，你呢？」

「有啊，不過都係好耐以前。」江小姐會心一笑。

「江小姐，你自己一個住咗好耐？」

「都成十幾年啦⋯」她答。

「咁獨立，換轉係我一定捱唔到幾耐。」

「自己一個生活呢，好辛苦⋯好似面對宜種事，想搵嗰傾訴對象都無。」江小姐輕嘆。

墨巴又唔記得轉ac

佢一早講左懶得轉，因為已經揚曬

「咁又係⋯⋯我成日覺得，全個世界得媽咪會明白我。」

「點解咁講？」

「因為細嗰個陣得佢會哄我訓、陪我玩、周圍去，佢溫暖嘅笑容同笑聲⋯⋯仲好似殘留住喺我嗰腦咁。」小松神色黯然，說：「就算過咗好多年，我對佢都一直有住憧憬。」

「真係好⋯你有位咁出色嘅母親⋯⋯杞島博子教授，佢嗰陣都係成晚陪住我、開解我，令我感受到從未有嘅關心。」江小姐苦笑，說：「相反，我阿媽係個好廢嘅人。」

「⋯」

「廢到，個女得十幾歲，就要佢出嚟做嘢，自己就日日喺屋企發臭。」

「江小姐你好細嗰就要養家？」

「係啊⋯仲要日日受佢怨言。」江小姐捏拳：「真係人都癲。」

推

條友殺咗佢老母?!

紫魅世界入面o既怪物係一塊鏡, 江小姐心入面對佢母親o既怨恨產生左呢隻怪物