墨說
2018-12-09 01:47:18
忽然,杞仁站立起來:「我返房先。」他拋下一句,就不理會議,徑自離開。
「洗乜理老豆喎‧‧‧」小松小聲說。
「聽我講,你老豆比任何人都更錫你。」爺爺搭她肩膊。
「睇唔出‧‧‧」
「背後嘅愛,好少人睇得到。」
小松抱住爺爺,問:「我之後係咪要做個驅魔少女‧‧‧放棄校園生活‧‧‧‧‧‧過啲同妖魔鬼怪打交道嘅日子‧‧‧‧‧‧?」
「傻女,唔需要,但你要好好裝備自己。」
「裝備自己?」
「你單單識畫符圖係唔夠,你要乜都識,就算喺冇力量嘅情況下。」
外公承認其說話:「冇錯,俾個個限期小松,如果佢可以通過試煉,就俾佢試吓‧‧‧‧‧‧否則,都係做番個平凡人。」
「但都要問一句,小松你想唔想‧‧‧‧‧‧踏入宜個圈子。」
墨說
2018-12-09 01:56:50
「咁呢個圈子,關唔關我媽咪失蹤嘅事‧‧‧‧‧‧」小松簡而直接地問。
外公和爺爺完全沒料到,她會問這麼一問題,一時間被小松難到。
「仲有‧‧‧‧‧‧奶奶、婆婆呢?都關唔關事?」
「點解你會咁問。」
「我一直覺得好奇,點解全屋‧‧‧‧‧‧得番我一個女性。」小松合上眼睛:「我一直唔覺得係巧合,佢哋全部都係失蹤,我就覺得唔係偶然。失蹤一個叫唔好彩、失蹤第二個叫巧合、失蹤第三個就無得講。」
好敏銳的觀察力,小松居然聯想到自己家人失蹤的事。
良久,深入思考過的外公,緩緩地道:「其實,小松你過去都‧‧‧‧‧‧」
「嘟」爺爺按下掛線。
「爺爺!!?」小松驚愕。
「我哋可以教你靈術、驅魔咒、陰陽術,唯獨係呢件事‧‧‧‧‧‧你就唔好再過問。」爺爺異常嚴肅:「小松。」