【遺忘的】《小松奇妙物語》（４）

俾糖果女孩影響太深

我個小松b

阿妤

墨巴唔好遺忘咗小松

推

小松呢

考完試冇文

兩邊都live咗

一陣出

「小松，睇嚟DSE迫害得你太深。」阿妤神色確切無誤。

「吓！點會呀！」

放學一如昨往，乘搭使人疲累不已的車程。

回到家，繼續那寂靜的溫習。

其實小松這樣活潑，可能要歸夠於居住環境。附近無論早上還是夜晚都非常靜，對喜歡熱鬧的人來說，是很難適應。

這晚，她依然久久不睡，在努力複習練習卷的題目，直至一道電話，打破了屋子的沉默。

「嘟嘟嘟嘟⋯嘟嘟嘟嘟⋯⋯」

專注溫習的小松，居然注意不到聲音的響徹。

「小松⋯下面有聲。」我只好提醒她。

「聲⋯？係喎⋯⋯咩聲嚟。」小松回過神來，準備下去查看。

落到客廳，她當先找找燈制的位置，才敢在這寬闊的空間移動。

「噠」的一聲，全屋照亮。

「咩聲呢⋯⋯」小松跟隨聲源，走到一部家用式電面前：「哇⋯屋企電話響緊？差唔多七、八年無用過喇喎，自從我上咗中學⋯⋯」

「電話？同你成日拎住個部有咩分別。」我問。

「宜隻呢，叫家用式電話～」儘管電話在響，小松依然像教小孩一樣，跟我解釋兩者的差異：「係用嚟聯絡某個家庭，我用開嗰隻就叫手提電話，係屬於私人性質嘅。」

「咁點解家庭電話無用幾年？」

「因為宜個世代嗰個都有電話喇，洗鬼要部又冇得打機、又冇得聽歌嘅家用式咩⋯⋯」

「咁所以⋯呢個電話你仲接唔接⋯⋯？」我再問。

「呃⋯」小松猶豫地，把手放在家用式電話上：「接囉⋯。」

「⋯」

「喂～？」小松接起電話。

「呀啊啊啊啊啊──！！！！！！！」一陣慘烈的驚叫。

「哇呀⋯！」小松馬上掉走電話，小腿軟坐地上。

「唔！？」我跳上電話旁邊，嗅嗅它有什麼古怪。

「唔⋯唔洗⋯聞啦⋯⋯我諗係俾人整⋯蠱嫁⋯⋯痴線嫁⋯！咁夜打過嚟大叫⋯」小松嚇得小腿仍在發顫：「小葵，幫我熄咗部電話⋯！」

「點熄？」家用式電話上，有很多按鈕。

「呀啊⋯！救⋯救命⋯⋯啊啊啊啊！！！」電話又傳來女人的怪聲、呼救聲。

「求其喇！！」小松雙手掩耳，不聞不聽。

我隨便踩了幾個鍵，想看看能否掛掉電話，卻沒想到⋯⋯聲音反而變大了。

「呀啊啊啊啊！！！！杞島博子教授⋯⋯！」那女的，不斷呼喊。

又會咁突然出文嘅衰鬼

「啊啊啊啊！！！小葵你撳咗擴音呀！！」小松更加害怕地大叫。

「佢喊杞島博子⋯⋯」我疑惑地問：「係咪搵錯人。」

「吓⋯？杞⋯島博⋯子？」小松怔住。

「嗯⋯」

小松愣思一陣，立即去把電話湊到耳邊：「你⋯你係邊個啊⋯？搵我⋯媽咪做咩啊⋯？」

「你⋯你又係邊個⋯」電話另一頭的人，反問。

「我係佢⋯個女。」

「咁⋯請你幫我轉達俾教授聽⋯佢⋯佢又嚟咗，應該話佢又返咗嚟⋯！」那女的語氣，十分危緊。

「邊個返咗嚟⋯⋯」

「叫⋯幫我叫博子教授⋯聽日五點半，喺旺角B出口等，我會一直等到佢出現⋯⋯」說畢，那女的就掛掉電話。

屋裡，重拾一片寧靜。

「原來你母親，叫杞島博子⋯⋯日本人」我思索了數秒：「不過啱啱嚟嘅人，到底係邊個。」

「我都唔知⋯⋯」小松仍然心有餘悸。