【遺忘的】《小松奇妙物語》（４）

人類的高度，足夠我去吻住小松了。

一出廳，我便往她唇嘴吻下去。

「唔⋯」小松愣住。

這是，召喚祖先的必要儀式。

原本捉緊住小松的每一隻枯手，忽然被憑空而出的紅線所束縛住，如限制它們的力量。

以我亦跑到廚房，拾起一把肉刀，往那些由牆壁裂隙伸廷出來的怪手，一一砍斬！

「啊～～～～！！！！！」房子傳來怪叫。

所有怪手被我砍斷後，小松雙腳才能碰地。

她不忘提醒：「喂，你可唔可以著番件衫先⋯⋯」

「反正你係祖先，唔係佢本人，睇到都應該無所謂。」我正氣凜然地的手握豬肉刀。

「宜家經歷嘅事情，小松都會有些少共同記憶嫁！仲要咁深刻！！」小松祖先指住我。

正氣凜然地手握豬肉刀的裸男

我要文啊

仲要係大隻靚仔

墨説大人




我可以

Metoo

「整多件衫嚟，得嘛？」我望向房間內的惡魔貓。

「皮膚本來就係一件衫，但如果你有需要，我都好樂意幫忙。」說罷，一件筆直西裝，貼服地穿到我身上。

結構純粹黑和白，簡單整潔。

「你⋯同惡魔打交道？」小松祖先質問。

「唔打嘅話，等得你嚟小松都落咗地獄。」我說。

然惡魔貓，亦憑空消失。

「宜隻到底係咩嚟，可以伸咁多隻手出嚟搞事⋯⋯」我問。

「又係紫魅世界嘅怪物⋯屋主似乎得罪咗某個人。因為怪物嘅生命力，同宜家屋緊緊相連住，隻怪物生前都應該同間屋有些少淵緣。」小松祖先分析。

現在，屋內每隻從牆壁伸出的怪手，都如漏氣汽球軟軟垂著。

「個床架，好大怨氣。」小松祖先行入房間。

「唔⋯唔好打開⋯⋯」江小姐畏怯地說。

文呀

推

她將全身伏在床上，防止我們靠近。

「做嘢。」小松祖先向我打眼色。

我捉走江小姐，讓小松祖先她把封屍符都撕毀掉：「啲符都俾蟲蛀到差唔多爛，我唔撕遲早都會破解。」

「嘶──」小松祖先一手將符撕開。

「用釘鑽實咗⋯⋯」小松敲敲床架，裡面是空心的：「你好似叫⋯葵？」

「嗯。」我答。

「做嘢。」小松祖先盯向床架。

「啪呯！」我用手肘一下擊破殘舊泛黃的檀木板塊。

「人類嘅身體果然好好用⋯⋯」我轉一轉手臂。

「就算你係貓，但你都幾有人性。」小松祖先打量我。

「有人曾經話過我，係個人。」

「咁宜層我就唔清楚。」小松祖先把破碎的木板挪開：「好臭⋯」

「陣味咁似死老鼠嘅一千倍加強版⋯⋯」我只能以此形容。

「喀⋯喀⋯」床架內發出聲音。

「佢⋯佢出嚟啦⋯⋯出嚟啦⋯！」江小姐想要逃走。

「喂，你講清楚先好喎。」小松祖先擋住江小姐的去路。

「佢！我阿媽一定會殺咗我！！！」

「有我保護你。」

「係我將佢變成怨靈⋯！係我啊⋯！報應呀！」江小姐精神開始失常了。

黃月慕巧個嬤嬤係大地之母？！！

「你點將佢變成怨靈。」

「我將佢活埋喺床架入面，餓死佢⋯⋯」江小姐道出真相。

一部份的真相。

小松祖先聽罷，立即使出紅繩技能將江小姐全身束縛住，一下子就動彈不得。

「將佢拉出去廳到，之後要面對嘅嘢⋯可能會好危險。」小松祖先吩咐我。

「嗯⋯」感覺，我在當他的苦工。

「同我諗嘅一樣⋯有條屍收埋喺入面。」小松祖先盯住惡臭的床架內部，徑自分析著：「木板有大量抓痕，死者生前曾經極力掙扎、發狂過，好想逃出宜個黑暗又狹窄嘅空間入面，你點可以咁對你阿媽⋯⋯」

「係佢迫我⋯係佢迫我⋯⋯！」江小姐只能大呼小喊。

「可以點迫你。」

「我鐘意咩都唔得⋯⋯我想讀神學科，佢就罵我垃圾，叫我搵份正經嘅工，搵咗工之後又要照顧佢、俾錢佢用，我頂唔順⋯！」江小姐飲恨地說：「用神學嘅方法殺佢，令到佢變成一世帶住憎恨嘅怨靈⋯⋯」

「你所謂嘅「神學」方法，就係將佢困喺一個又黑又窄嘅環境下，活生生咁餓死佢？」小松祖先搖頭。

「係⋯哈⋯哈哈，咁樣我可以順便⋯叫埋博子小姐佢過嚟，幫我驅走呢隻惡鬼⋯⋯」

「杞島博子⋯⋯我嘅子孫？」小松祖先問。

「嗯，小松佢一直都好想見番自己媽媽，祖先你有冇方法，叫佢現身？」我答。

「博子佢都未死⋯⋯點會召到佢過嚟！」我反被祖先責罵。

「佢好似只係失蹤⋯？但你哋屋企人完全做唔到嘢，得小松一個渴望住母親總有一日會出現。」

「根本，就做唔到任何事情。」小松祖先一語道破，說：「喺宜行立足，唔見一年半載係好平常嘅事，有驅魔人會用成近乎十年時間，去捉捕一隻惡魔，又有陰陽師會為心靈上修行，而終身閉關，不問世事，生同死對我哋嚟講，已經係隨時預備好嘅事情。」

「但對於小松未免太⋯⋯」我轉別的話語：「而且小松都係最近先知，成家人係涉及鬼神呢回事。」

小松祖先對我呈現出，深遠的眼神：「或者，佢一早知，而你其實唔知。」

「佢無可能一早知⋯⋯」

「正常我哋世世代代，都唔會對子女有所隱瞞家業，因為涉及生命安全，我哋會要佢哋從小就受訓，面對突破性嘅超自然事件。」

「你咁嘅意思，即係代表⋯⋯」我說下去：「小松有特權，可以特別破例做個平平凡凡嘅小女孩！？」

「唔係⋯」小松祖先無奈地按頭：「係代表⋯我宜個孫，可能有段「空白的記憶」。」

「空白的記憶⋯⋯」第一次聽這用詞。

「即係一段遺忘咗嘅過去。」小松祖先低頭，望著自己一雙幼滑的手：「我都覺得奇怪⋯點解宜個孫，會拎到「月老」嘅神器，無可能憑空出現。」

「月老⋯月下老人？」我不記得在哪裡聽說過，好像是假道學那裡。

「嗯。」小松祖先將手腕脈搏位置露出，發現其中一條筋正呈現深紅顏色，特別透紅：「月老嘅神器，正想唔會交俾任何人，除非小松佢⋯⋯曾經⋯經歷過某種事情。」

「啊⋯」忽然，房間內傳來怪異的叫聲。

「！？」我望向入面。

發現床架中有隻枯萎的手，正想往外爬出⋯⋯

氣氛，又變得緊湊。

「隻怪物，已經返到本體入面。」小松祖先續說：「以後小松有咩危險，你都要好似今日咁，好好保護佢。」

「我叫你出嚟咪得⋯⋯」

「唔好咁無出色，下下叫我出嚟應付啲牛鬼蛇神，真係死咗都無得斷氣⋯⋯」被小松的聲線責問，有點奇妙：「而且，當小松要拎番自身嘅力量時，施加喺佢身上嘅保護咒，就會全數消失，唔可以共存。」

「啊⋯你咁樣講。」我望向小松，說：「我突然有啲懷念你，祖先。」

「你乖乖哋繼續做隻忠貓，死喺考慮留個位俾你。」小松祖先淺笑。

「嗄⋯嗄⋯好黑⋯好黑⋯⋯好餓⋯好⋯餓⋯⋯好黑⋯好痛⋯好餓⋯」一隻瘦骨嶙峋、面目全非的生物，從床架爬出。

「我要點做，你即管吩咐我。」我握好拳頭、紮好馬步，做好戰鬥準備。

「收返埋你啲拳頭，」小松祖先伸出一隻手，掌心向它：「束縛！」

繼而，一條紅線從其腕脈激出，把那隻怪物緊緊地束縛住。

「啊啊啊啊啊啊啊啊啊！！！！！！！！」江小姐見到怪物面目後，激動大叫。

「叫嗰女人面對佢。」小松祖先命令。

於是，我把江小姐捉起，放到那隻怪物面前。

「你一日唔講出真相，紫魅嘅怪物係唔會就咁心息。」小松祖先交代。

「我⋯我⋯⋯」江小姐眼珠不定，不斷掙扎：「我好⋯好憎你⋯先殺你⋯想你死後變做怨靈，一世帶住怨恨⋯！困喺嗰檀木箱入面⋯」

「你⋯你⋯笑⋯得⋯好⋯開⋯⋯心！」被束縛住的怪物痛恨地說：「我不斷敲床架⋯不斷敲⋯你⋯都唔放我出嚟⋯！！」

「你未斷氣之前⋯我日日訓住張床⋯係好開心⋯⋯但我之後好後悔！好想放番你出嚟⋯但已經太遲⋯⋯」江小姐正面對她的畏懼：「但我係憎你先⋯⋯」

「呀啊啊啊啊啊！！！！！！」怪物撕叫著。


「雖然我與你素未謀面⋯⋯」小松祖先上前，安撫那隻被紅線束縛住的怪物：「但請你，就此安息。」

不久，它化為一抹塵埃而去。

「搞掂？」我問。

「正常就會用燒屍，比較快啲、有效率，符合嗰班「驅魔人」嘅風格。」小松祖先站起，背住我說：「但我比較懷柔，就算感化唔到佢哋成佛，都希望佢哋帶住真相咁離開。」

剛才，江小姐把自己對母親做的事情，都說出了。

所以⋯

她是個殺人犯！？

「今次⋯⋯佢係咪真正咁走咗！？」江小姐哀問。

「嗯，乜有上一次？」小松祖先反問。

「有，嗰次佢話係十幾年前，博子媽媽幫佢驅逐⋯⋯用塊鏡。」我代江小姐答。

「鏡？」小松祖先托鄂、思考：「鏡好似係用嚟收妖入某個空間⋯⋯」

忽然，小松祖先失去平衡，頭有點痛：「啊⋯⋯睇嚟⋯時間都差唔多⋯」

「你又夠鐘⋯返去天堂之類嘅⋯地方？」幸虧，小松祖先被我扶住了。

小松祖先冷冷一笑：「雖然你係隻⋯貓，但下次記住唔好同惡魔交易⋯⋯特別如果佢講明要收取靈魂做費用⋯」

「祖⋯祖先⋯你叫咩名！？」我趁他仍未離去，便問。

「杞⋯佐伯。」然後，他就慢慢合上眼皮。

再次張眼時，已是小松精靈的目光。

我亦變回杞家的貓兒。

墨巴新年快樂

「又⋯又嚟⋯」小松揉揉眼睛，迷濛地起來：「又有啲⋯零瑣嘅記憶入咗腦⋯⋯」

「小松，你應該記得，啱啱你祖先講過你嘅嘢？」我走去確認。

「一部份啦⋯⋯」小松像剛醒來的孩子，頭髮鬆鬆的。

「你面前宜個人，係殺人犯嚟。」我望向江小姐。

「呃⋯我知⋯」小松下意識地遠離幾步。

「你會點處理。」

「我都唔知⋯⋯」

「不如打俾爺爺問問。」我建議她。

「好⋯」於是，小松立即致電過去。

一接通，她就把剛才的事情詳盡說出。

但祖先與我之間的猜想和對話內容，都沒說出去。

「小松，你返屋企抖吓先，訓一覺就無事。」爺爺如此吩咐。

「真⋯真係就咁走就得⋯？」小松詳細地問：「有條屍喎⋯仲有⋯個江小姐⋯殺人犯一個⋯」

「係啊～有人會處理，你放心咁離開。」爺爺說下去：「而且佢哋應該差唔多時候到⋯⋯」

於是，小松就快快穿鞋，想要開門離開⋯⋯

「小松⋯！」江小姐叫住她。

「你⋯你為咗見我媽咪⋯特登將自己母親⋯⋯變成怨靈⋯」小松對她的做法，完全不解：「你真係⋯好恐怖。」

「呯」小松奪門離去。

「宜個方法⋯⋯」屋中，餘下落寂一人的江小姐：「係我⋯問你媽媽⋯⋯博子小姐⋯」

很快，走廊外傳來一陣徐徐的腳步聲。兩名身穿整齊西裝的黑衣人，戴住太陽鏡強行入屋。

他們快速地打量環境，並開始行動。

「你⋯你哋咩人⋯！！」江小姐慌問。

一個手持針筒槍的西裝黑衣人，在江小姐臂上注射一針，她隨即暈去。

另一個黑衣人，則用某種高科技儀器，探測屋內環境：「磁場穩定⋯⋯但冇幾耐之前，大約二十分鐘前探測到⋯有唔屬於地球嘅超自然現象，正式出現喺宜個座標。」

「繼續追查，刪除宜橦大廈嘅閉路電視，同埋打返總部，叫佢哋暫時斷電、斷網絡十五分鐘，同埋出新聞稿，宜到有年約三十歲嘅女主戶自殺身亡。」

「收到。」黑衣人拿起一捲黃色的警告膠帶，上面印有「危險」、「禁止進入」兩字。

最後，把它拉貼到這單位的大門外。


封閉消息，



抹殺這裡短暫發生過的事。

模擬市民３　高斯家族

Push

好耶 大佬就係佢老母