【遺忘的】《小松奇妙物語》（４）

係因為小葵入去搗亂先咗嬲

江小姐有古怪

今日大爆射

墨B

㗩㗩㗩㗩㗩㗩

明天早出

早抖

文啊。。

小松遇到藏屍變態婆

依家感覺似冇乜心機理依個故咁
互動故害人不淺

佢話小松正評少啊

已經幾日先開依個po一次 都是冇乜文
互動故𠴱邊冇睇過 冇乜興趣

x2 對互動故無興趣

「叮」不出兩分鐘，手機響起。

生芥草以非比尋常的速度，為小松尋出該黃符的資料。此為「封屍符」的一種，常貼於棺木之上，封印怨氣甚重的往生者。

小松面色稍變，可以看出她內心寒了寒，敷衍打個表情感謝芥草，便立即收起手機。

「江小姐，你手工咁純熟嘅。」小松抑制不明的畏意，問。

「細個成日幫手整家施⋯⋯」她答。

「咁你當時出事，點解會搵我媽媽幫手嘅？」

「我讀書嗰陣睇過佢主持嘅靈異節目，令我好有興趣，嗰陣仲好想投身宜一科。」江小姐微微一笑。

「咁⋯即係神學？」

「嗯，但嗰陣我阿媽極力反對。」

「喔⋯」

「咁博子教授呢，佢係咪從小就熏陶你？」

「唔可以咁講嘅⋯⋯我都係最近先知道，家人真正嘅工作。雖然我出於唔知咩原因⋯好自然咁接受咗呢個事實。」小松說下去：「但對於牛鬼蛇神嘅事，我覺得睇吓知吓係好有趣！但如果要真係接觸就⋯⋯」

「就，接觸一啲冇害嘅？」

「可以咁講。」

驀地，小松將我抱起。

不知她是心有不安，還是怎麼樣。

江小姐用電鑽將釘子鑽入時，那模樣不可以用入神來形容，更近乎是「執著」。

「封死佢⋯就出唔到嚟。」江小姐說。

「不過如果係我遇到呢啲情況呢⋯⋯」小松抓抓頭，假笑：「我應該會直接搬走。」


「點解佢要喺床到，放封屍符？」我徑自疑惑起來。

「你隻貓由剛才開始，好似就有啲失神⋯⋯聽人講貓係最容易感受靈體嘅生物，你覺得會唔會係⋯⋯」江小姐盯住我。

「無事，小葵佢係不嬲鐘意講嘢！」小松把我抱得更緊。

「我再去睇下，邊到未封好。」

江小姐手握電鑽，於屋內遊走。

那種壓迫感，油然而生。

「你知唔知？博子教授幫我驅走隻「怪物」之後，我問過佢可唔可以收我做學生。」江小姐一邊幹活，一邊說：「因為我唔單單係神秘學有興趣，更加覺得你媽媽好有親和力。」

「我媽媽⋯」小松都想有這麼一段思憶。

但奈何，那時候她年紀太小。

畫面永遠只存在那幾個瑣碎的。

「之後呢？」小松續問。


「佢拒絕咗。」江小姐停下手腳。

「係嘅⋯我都冇點聽過媽咪曾經有過徒弟、助手之類。」

「但事實上，佢有。」江小姐卻如此說：「有一個⋯行為神態都好封閉嘅少年，做佢徒弟，所以我先問佢肯唔肯收我做學生，可惜佢唔願意，如果唔係我或者唔洗喺到住，已經有自己一片嘅彩雲天⋯⋯」

「你都對宜個行業幾樂觀。」

「哈⋯人係鐘意真相啊嘛，搵唔到，就會有股欲望去驅使你追尋落去，源源不絕咁驅使。」

「咁我媽咪有冇講話，點解拒絕你⋯⋯？」

「佢話，我係一個「無法看清真相之人」。」江小姐低沉地答。

「無法看清真相之人？」

「唔敢面對自己真相嘅人，係唔可以睇清事物嘅本質，宜句係佢講。」江小姐哈哈一笑：「但到宜家，我都仲未知係咩意思⋯⋯」