【食人魔法師】《小松奇妙物語！》（２）

「啊…！！又嚟多件食人魔！！！」小松望見我的出現，變得更是驚恐。


她的四肢被床角四邊分別綁住，動彈不得。


「哈庫拉，要一齊沐浴品酒～？」背住我的羅蘭，問。


「唔需要……」我用快要流失殆盡的食人魔力量，一口氣助跑、跳到床上，在半空直接越過羅蘭的浴池：「因為…我根本唔係哈庫拉。」


我稍稍回頭，盯住羅蘭。


「…你。」羅蘭意想不到地站起。


我把綁住小松的繩索，都一口氣咬斷：「我嚟，救佢出去。」然後，我把小松抱起。


「……」小松整個人愣然，被我公主抱著。


我低頭望住懷中的她，感覺好奇妙。


因為，平日都是我被她抱住。

羅蘭一手將腰下圍起浴袍，只露出上半身。


沒想到，他上身的肌肉跟我這軀殼一樣健壯。


「穆阿基，哈庫拉？！」羅蘭呼喊著。


可惜叫天不應，叫地不聞。


「捉實。」我對小松細語。


我向後退了步，打算在床上助跑，跳到門外。


「呯──」這下力度大得床也破掉，陷了下來。


半蹲的羅蘭雙腳正凝聚力量，待我越過浴池之際，隨即跳起想要把我捉拿。


幸好，他只捉住鞋子，沒抓住腳掌。


在速度之下，如同金蟬脫殼般，只甩了隻鞋子，並成功著地。


為免引起高低腳的不平衡，我索性把另一隻鞋子亦脫下來，擲向羅蘭。


可鞋子飛到他面前，瞬間就被分成七、八塊碎皮。


此時的羅蘭，經已長出兩手畸形的利爪……

F5壞左

快

係呢度停

如果呢幕葵係無著衫咁就正啦

推

我覺得之後葵會變番做貓。。

pish

推

我把小松抱出門外放下：「之後嘅路，你自己走。」


而我，則選擇擋住大門。


「你係…」小松望著我。


「如果有命出番嚟……」我低頭，說：「再同你講。」


「咔！」羅蘭正用利爪，試圖把大門破裂。


她明白我的用意後，點一點頭便跑離走廊。


「我呢世可能唔會再搵到咁完美嘅貢品……」羅蘭的尖爪穿過我旁邊的門身。


為免被他刺穿胸膛，我決定迎面戰鬥。


「咔！！！」大門被完全分裂成一塊塊。


羅蘭如今的外貌，跟剛才判若兩人。


尖爪、爪牙，稍為變大了些的體格，還有那暴怒的眼神。

「嗄…嗄嗄！！」他的每下喘息，都混合不明的惡臭。


他一手抓住我的脖子，再舉至雙腳離地，使我毫無還擊之力……


「噠、噠」即使不斷往他堅實的胸膛猛踢，也起不了任何用處。


「你肉質可能無佢咁，入口即溶。」羅蘭那張高貴的臉孔，一息就變成狂暴的野人般：「不過你肉身比例完美……除下貓騷味都應該用神戶牛差唔多味道。」


「呯！」他一下子拋我入心形浴池中。


水花四濺。


「喺我接受「黑暗六日」之前，就俾我飽腹一頓。」羅蘭幾聲無形的步伐，就來到浴池前：「反正個貢品，唔會走得甩，哈庫拉，穆阿基會喺出面迎接佢。」


我想掙出水面，他卻死死將我踩住，想將我淹死。


他的腳掌有如千斤巨石，水中我的完全移動不得。


突然，他用力更深！把我含住的一口氣也吐出，正式進入窒息的煎熬。

很多種死法，我最討厭淹死。


那與外界隔絕的空間，和使人腦袋空白的窒息感……


會讓我感受到格外的孤獨。


「咕…咕…咕嚕…」


「啪啦──啪啦──！！！！」玻璃碎裂聲。


羅蘭的背部好像正承受著什麼攻擊。


「啊！！！！」然後，他上半身忽然燃起來。


痛苦的凌叫，強烈得刺穿了水面，傳入我耳膜。


羅蘭亂跑亂行掙扎一番後，一同跌落心形浴池中。


相反的我坐起身，貪婪地呼吸著。

一起身，只見小松手上捧住一堆不明的藥瓶，出現在眼前。


「趕得切…」依小松的喘氣程度看來，她跑得好劇烈。


脫困的我與小松對望一眼，就有共識地一同逃出房間，在走廊上狂奔。


「你返咗嚟……」我持續望前。


「你救咗我…我唔會掉低你。」小松答。


「啊啊啊啊啊啊呀呀呀呀呀呀呀！！！！！！！！！！」在那房間的羅蘭發出狂暴的吼叫聲，回音震懾我倆。


「你頭先點樣對付佢…？」我問。


「我見到有間房放咗好多藥瓶，我諗點都應該有用，就入咗佢。」小松即使氣喘，還是繼續訴說：「然後我記起爺爺喺我細個講過，自己點樣對付食人魔嘅故事。」


「你爺爺……？」


「啊…嗄…」小松停下來，低頭喘息：「跑唔郁啦…」

我都沒什麼氣和力，去抱起小松逃走了。


「嗒嗒嗒嗒……！」後方傳來急速的腳步聲。


「佢嚟緊…」我對小松，說。


「咁唯有你走先……」小松抬頭，對我說：「幫我同爸爸爺爺公公講，小松好愛佢哋！估唔到世界真係有鬼怪，證明我一直以嚟都估得冇錯……！」


「你唔會死，呢件事情嘅真相，仲等緊你去揭露……」我捉住小松的手。


「……」腿軟無力的小松望著我。


「嚟…！」我把她牽到鄰近的房間：「雖然唔知佢聞唔聞到，不過再喺條大直路跑都冇用。」


我們進入房間後，立即坐到門前細聽門外的腳步。


「嗒嗒嗒嗒嗒！」數秒後，那步伐聲直接掠過我們所在的房間。


「佢跑過咗…」如果沒有聽錯的話。


「嗄…避過一劫。」小松嘆氣。


「未…我哋仲要諗辦法出去。」我說下去：「依個異空間。」

暫時遠離危險的我們，待回好氣後才繼續對談。


「你係邊個…？」小松第一個問題：「…都係被抽中嘅觀眾？」


「我唔係，我係入嚟救你。」我轉換話題：「你對入嚟之前，有冇記憶？」


「我叫杞小松。」她不忘先作自我介紹：「抽中咗「死亡高斯樂團」星期五晚同羅蘭獨處嘅機會，但根本係假！原來佢哋係變態食人魔！！將我帶咗上三樓一間好細嘅房，入面有啲類似儀式嘅嘢？然後唸唔知咩咒，我就暈吓暈吓咁，一清醒就俾人綁咗喺床上面，被迫同嗰變態佬對話。」


「你講到咁詳盡又咁精靈……」我被小松的意志嚇到了：「完全唔似受到驚嚇。」


「我好驚嫁！」她焦慮地握住兩拳，馬上重申：「但…但係，我可能我細細個就聽慣呢啲故事…？我又唔會嚇到心理不平衡嘅……」


「咁就好…」


不用花時間說些鼓勵的話。

我係葵

「好…？」


「如果肯相信呢啲超自然嘅事物，咁到真係面對時，觀念都唔會話受到特別大嘅衝擊。」於我而言，我也半信著。


「唉，其實呢，啱啱見到隻食人魔都只係想走，冇思考過點解會有呢種生物存在。」小松轉口風，說：「不過，唔知點解我好開心。」


「……開心？！」


小松被嚇傻了？出面還有個想把我吃進肚的恐怖食人魔，居然說開心？！


「就好似世界突然多咗啲奇妙嘅事咁，令生活唔會太苦澀，唔覺咩？」小松反問兼反思：「我一直以嚟都想遇到呢啲嘢！冇錯啦，其實我嘅人生根本應該係咁先啱！刺激、緊張又奇妙嘅冒險，我已經受夠枯燥同乏味嘅生活。」


小松越說越高興，我不得已地掩住她的嘴：「唔好太興奮住……出面仲有隻食人魔。」

出左好多篇!!好happy!!!今日好灰心一見到有文就開心返少少