【食人魔法師】《小松奇妙物語！》（２）

仲有少少 不過我整一整啲野再打

等你啊墨巴

推

唔好又爆腎呀

牠的出現，亦引至陣陣冷風吹襲，不知是巧合還是注定。


雖然本體是貓，但其影子卻是人模人樣。


「依個出場真係有氣勢。」我強行抑制內心的狂暴食性：「但勸你‧‧‧‧‧‧離我遠一啲。」


萬一我控制不住自己‧‧‧‧‧‧


「你同佢，似乎都遺忘咗一啲事情。」即便牠見我面相獰凌，都依然一副高姿勢。


「嗄‧‧‧」胃液在沸騰著。


再不消化點什麼，也許就連胃壁也溶掉。


「期待你嘅後續。」牠說。


控制不住思維的我，正將準備飛撲，可是一個扭曲的消影，牠就憑空消失，不留一點痕跡。


留下我一人，獨留原地。

忽然，那條連繫住我與小松的紅線，再度出現。


「葵！小葵！」小松的聲音，逐漸走近。


我趁理性尚在，躲到她不會發現的地方。


可是任憑我走去哪，紅線都依然跟緊，完全擺脫不了。


「葵，你做咩離家出走啊？」追逐之間，小松來到我背後了。


「我想食肉‧‧‧‧‧‧」我咬牙切齒地說。


「肉‧‧‧？呃，呃‧‧‧‧‧‧蔬菜有營養啲喎？！！」素食者小松，恍然一想：「係喎！琴晚你飲完食人魔藥劑之後就開始咁‧‧‧‧‧‧」


「係‧‧‧」


「你頂唔頂到返屋企？」看小松動作，是打算過來抱起我。


「盡量‧‧‧！」

小松兩手將我抱起，並伸直了手，與我保持一定距離。


「想點‧‧‧‧‧‧」我不受控地掙扎著。


「緊係帶你返去喇！一陣你周圍亂咬人就死啦！」小松急急腳地，把我帶回家：「啲人會話我培養咗隻怪物出嚟！！」


一陣慌忙的步伐，我被小松強制性帶回家中。


期間不斷想要咬住小松的手指，幸好她都一一避開。


「爺爺拎個籠嚟啊！」一入屋，小松就喊。


「乖孫，做咩啊？」爺爺一見孫女現笑顏。


「我要困住阿葵先！」小松說。


「呢隻食人貓！？小松啊，你小心啲啊！！」爺爺馬上衝過來，將我從小松手上奪走：「佢好危險‧‧‧‧‧‧」


「唉，咁我去拎籠啦！」小松沒好氣地離開。

客廳，只餘下我們兩人。


「你隻食人貓！！居然仲敢返嚟‧‧‧‧‧‧！想食咗我孫女啊？！」他力度大得要將我捏死一樣。


「汪汪！！」忽然，金毛從後咬了咬爺爺的腿，將我解救。


「啊！！」爺爺鬆手，小腿騰痛得單腳跳起：「阿毛你搞乜鬼嘢啊！！！咬我！！？你個二五仔！！」


「爺爺做咩事啊？！」正在上層，搬籠子出來的小松呼問。


「冇事！！」爺爺咬牙忍痛，回答。


「可惡‧‧‧‧‧‧」爺爺盯我一眼，把金毛的骨頭玩具掉給我：「頂住先啦！」


骨頭玩具一落到地面，我馬上張口大咬，唾液更快快地流下，我的食性總算能舒緩一下。


直至小松把籠子搬出來，將我困入裡面，才暫時告一段落。


至少，我不能夠衝出來發瘋咬人。

「佢應該要拎去人道毀滅啦‧‧‧‧‧‧小松。」爺爺指住我。


「痴線！我點會毀滅小葵。」小松抱住籠子：「佢只係惹咗少麻煩啫。」


「鏗！」我不受控地攻擊鐵籠。


「哇‧‧‧」小松馬上退後一步。


爺爺無奈地嘆氣：「咁唯有等你爸爸返嚟，睇吓佢咩病。」


「嗰個人啊！想佢喺到嗰陣，就偏偏唔喺到。」小松微微鼓起腮子，埋怨地抱手：「成日都係咁‧‧‧‧‧‧」


「你爸爸都好辛苦。」爺爺撫摸小松的頭。


「未見過成日開OT，唔返屋企嘅獸醫。」說著說著，小松倒些糧食給我：「小葵，你有咩唔舒服？」


「餓。」小松小心翼翼地，把盤子放進來。


「除咗餓呢？」


然後，我埋頭大吃，沒理會她了。

「唔通小葵肚生蟲！？」小松疑惑起來。


「你爸爸名醫嚟！一定會醫好佢！」爺爺舉起姆指，給予鼓勵。


「咁我都好相信爺爺你個仔嘅‧‧‧‧‧‧」小松望住我，又憂心地搖搖頭：「小葵，你要頂到爸爸返嚟呀！」


如是者，我整夜就給人困在籠子中。


掙扎得累，才停下手腳，沉沉地睡著。


而一直陪伴在旁的小松，見我前往夢鄉，也打個呵欠，靠住籠子睡著。無聊看漫畫的爺爺，見乖孫睡去，就把她抱回入房，留下自己將我獨個看守。


大概凌晨三、四時，我聽見門口一些開鎖聲，才被驚醒過來。


進來的人，是小松父親。


「杞仁。」爺爺居然一直沒睡過。


「嗯？阿爸。」原來小松的父親，叫杞仁。


「隻貓，你睇睇佢。」爺爺大概也累了，面上出現倦容。

原來小松係知小葵變左人？

杞仁皮鞋也不脫，就走到客廳中間俯視住籠裡的我。


「徵狀係「食人魔藥劑」？我諗已經去到第二階段尾端，再過多日應該轉化成食人魔一份子，眼部紅筋同豎立嘅毛髮都處於極度亢奮，應該飲用咗唔至一劑量嘅份量。」我對杞仁有印象的標誌性外觀，就是他那副凌角相稱的知性眼鏡。


他‧‧‧


他也清楚「食人魔藥劑」是什麼！！？


「呢隻貓，喺邊到飲咁多劑‧‧‧‧‧‧」爺爺不可置信地問：「佢誤打誤撞入咗食人魔巢穴啊？」


「琴晚，佢同小松入咗去。」杞仁仍然一面冰冷，開始戴起手套。


「吓！！！！！！！！？？？」爺爺極為震驚，表情接近心臟病發般：「小‧‧‧小松‧‧‧‧‧‧小松！點解會入咗去嗰啲地方！！？佢明明已經‧‧‧‧‧‧」


「既然係注定，就點都避唔到，小松恢復記憶‧‧‧‧‧‧可能只係時間問題。」杞仁續說：「況且，我哋已經入去個空間，捉咗隻食人魔，佢唔會再接近到小松。」


「然後你哋好似之前咁，對外公佈咩事都無發生過？否認一切超自然現象？你哋班政府部門真係‧‧‧‧‧‧」爺爺搖搖頭：「咁你點對小松講？」

改了，

不知道

「同佢講，可能只係睇偶像太攰，訓著咗，發咗個夢。」杞仁從公事包，取出一枝針筒。


「你知佢唔會信。」爺爺說。


「當一個真相，只有一個人相信。」相信小松在異空間短暫轉變的性格，是遺傳自杞仁：「咁‧‧‧‧‧‧佢存唔存在，都再冇任何意義。」


「唔可以，再俾佢觸碰超自然現象。」杞仁托托眼鏡，神情低沉：「否則杞家女性嘅詛咒，會再度被觸發‧‧‧‧‧‧我唔想冇埋個女。」


「仔，一直埋藏真相就有用？」爺爺嘆氣：「小松佢咁好奇好動，總一日，會察覺到呢個世界嘅不一樣。」


「我會喺小松受詛咒觸發之前‧‧‧‧‧‧」杞仁把針筒，注射到我身上：「搵出真相。」


然後，我便感暈眩。


失去意識。

D伏線留得好正

第二天，我被安好地放在貓墊上。


可能藥力未散，頭部仍然感到有些重‧‧‧‧‧‧


但是，那「食性」沒有了。


我再沒有想大吃一頓的念頭，反而回想起昨日吃了這麼多垃圾，突然好想通通吐出來‧‧‧‧‧‧


是對我動手術，把我醫好了嗎？


不過，昨晚他兩父子的對話，還真耐人尋味。


總感覺，小松自身連繫住某種命運。


還有，我在外面遇到的神秘黑貓，又是一個不明來歷的傢伙。


至從來到小松家後，真是多了許多支線。


其實我也很好奇，小松所謂的詛咒，是什麼一回事。

人類社會，果然是複雜的。


能像隻貓自由自在，也是幸福的事情吧。


「小葵！！！」一把歡悅的甜笑，將我擁入懷內：「哇，你今日精靈番啊。」


「有‧‧‧？」一大早被她抱住，真是有些不好意思。


「你琴晚對眼好紅好多筋，啲毛又好似電親咁豎起哂喎，今日就睇落溫馴啲。」小松輕撫我的頭。


這少女，


到底有著什麼遺忘的過去。


又有著什麼，不為人知的真相？


那樣樂天的少艾，真不想她會出什麼意外。


「今日係你入我哋大家庭，差唔多滿一個月嘅日子。」小松舉起手機，設定自拍模式：「嚟，我哋第一張合照！」


「三、」


「二、」


「小松，你今日唔洗返學？」我驀地想起，問。


「一！」愣然、哀苦、驚慌，都一瞬呈現在小松的雪鵝臉蛋上。


「嚓──」


以這表情已留在相片中，永久保存。

第二章──人偶

剛記起要上學的她，換好一身童軍服後，就乖乖坐到餐桌前吃早餐。今天是玉米片加牛奶，我提議小松她多吃點肉，身形就不會那麼瘦。


話說，她到底是什麼構造，上學不是很基本的事情嗎，跟我們貓兒每天要舔毛清潔一樣。


「瘦唔好咩。」小松一邊哼歌，一邊嘴嚼餐後蘋果。


「咁瘦，仲邊有力氣打怪獸。」我喜歡坐在桌布上。


「上次呢，我喺嗰個世界遇到個男仔啊！」小松像是驀然記起。


「之後？」


「我都唔記得問佢咩名添。」蘋果也吃好的小松，伸個懶腰便出發上學：「葵，你要唔要跟我一齊返學啊？」


「點返。」


「帶你去我學校附近，你喺外面周圍行吓？！或者偷偷入嚟班房都得！當然要鬼鬼鼠鼠啦。」小松說。


「你平時唔係會留我喺屋企～？」


「好多人講貓狗智商得二至五歲左右，但係我覺得你幾聰明！跟我返學嘅話，話唔定你學到好多嘢。」小松一副認真地點頭：「培養你幫我做功課都唔錯。」

我好願意幫小松做功課

佢哋有紅繩牽住㗎喎