【食人魔法師】《小松奇妙物語！》（２）

推

Push

新po lm

754仲新

追咗陣先live

留低你嘅正評先可以離開

問題解決後，二人就相互不揪不睬地離去，留下恭送二人離開的小松和阿敏。

阿敏以微笑恭送：「再見。」直接她們消失在面前，才驟然變面。

「兩母女都好似有啲極端咁‧‧‧‧‧‧」小松轉問：「阿敏，佢媽媽點啊？」

「好似係，因為班主任同佢阿媽講咗，自己個女「借」錢俾人用嘅事，而令到佢兩母女嘈起上嚟，一個堅稱自己只係借，另一個就一尾罵。」阿敏抱手、搖頭：「又會有阿媽，咁想自己個女係人咃個女。」

剛巧，學校鐘聲響起。

「放飯～」

想著想著，肚子又餓了。

那些乾巴巴的貓糧，話雖不是很難吃，但我仍然想吃魚的鮮、魚的甜，以前經常在石澳燒烤場捕食，真是養貴了口腹。

正值上午，艷陽高照。

我回到公園的樹蔭下乘涼，每每我跟小松上學，想找個地方歇歇就會來到這裡。

有時候，索性會待在小松的書包內，一起陪她聽堂課。從窄小的書包拉縫內，我仰視著‧‧‧‧‧‧

她巧笑倩兮的側臉。

有時候，心底會有一種感覺。

一種，

我不敢去多想的感覺。

猫仔也動情

「哈，你聽唔聽得明啊，小葵？」她有時會問。

然後，我總是會假裝睡去。

「又係你。」公園樹蔭下，坐著一人。

那微捲蓋眼的瀏海，是他最大特點。

這次我還留意到，原來他左邊眼角下，是有顆痣。

「冇大礙？上次。」他問。

「冇。」我跳到他旁邊。

「你唔熱？個頭留到咁厚。」我不禁問。

「‧‧‧」他又無視我的問題。

「你識瞬間轉移？」我轉問。

「點解咁講。」沉默的他，說。

「你上次明明唔喺小巴上面。」

「你眼花。」

「唔通你為咗救我而出現？」我坐開一點。

「唔係‧‧‧為咗你。」看樣子，他不善交談。

「你住喺附近？」不然，則會在上班時間坐公園。

「可以咁講。」突然，他站起身，從不知哪裡取出一枝釣竿。

「枝嘢邊到出現？！你啱啱有拎住？？？」我睜大眼睛。

「我去釣魚。」他眼神終於與我交接：「一齊？」

「出發！」瞬間，我已跳到他膊上。

他被我那迅雷的速度，有點嚇到：「‧‧‧‧‧‧」

之後，我們在公園出發，一直往北面前進。

「我真係想知，點解你上次會出現喺嗰架奇怪嘅小巴到。」我提出疑問。

「你就當，係偶遇。」

「你坐埋入嚟仲疑似將時間停頓埋，我好難當你係普通人。」

「如果，我唔係普通人又點。」

「你係唔係都好，都會多謝你，疑似救咗我哋。」

「你要接受，有啲事情永遠都唔會有答案。」

我坐著怪裡怪氣的他，到達將軍澳海濱長廊一帶。那裡有些別墅式的民居，放眼過去皆是家徒四壁，看來還未出售。

相較於石澳，這個海十分平靜，沒有陣陣波動，的確是個釣魚的好地方。

「你唔洗返工？」我望著他，轉念又道：「咁又係，有咁嘅法力仲洗乜返工。」

「你已經將我假設成有法力嘅人。」他跨欄，走到岸石上。

「我有講錯？」

他不回答，把釣竿揮出。

天空萬里無雲，跟整個大海很相似。

「仲最重要係，你聽得明貓語‧‧‧‧‧‧」我思疑：「同小松好相似。」

「‧‧‧」

「不過小松唔可以好似你咁，玩時間停頓，唉。」我嘆氣。

輕輕一推

推

推

阿敏係咪上次死神故果個？

係呀，劉偉敏呀嗎