457 Like
2 Dislike
墨說
2018-10-29 00:30:17
「葵啊葵!嚇死我咩。」小松依然托好懷裡的我。
直至進入女廁,才把我放出來。
「咳‧‧‧嗄‧‧‧好侷。」我乾咳幾聲。
「玩嘢啊你!小葵。」小松一手插腰,一手指我:「我好專心聽緊書嫁嘛。」
「你晏就唔記得俾罐頭我。」我銳利地盯小松一眼。
「喔。」小松抿嘴,笑問:「想食嘢個陣,就終於識得掛住我啦?」
突然,外面傳來腳步聲,靠近女廁。
小松馬上將我抱起,帶入廁格裡。
其後,那腳步聲的主人,也走進女廁的廁格中。
「呼‧‧‧‧‧‧」小松鬆一口氣,小聲說:「趁依家出去,唔好俾人見到。」
就在她想開門之際,一把怨恨的聲音,從那一格隱約傳出。
「詛咒你!詛咒你!!」
安妮塔公主
2018-10-29 00:32:45
墨說
2018-10-29 01:11:35
「邊個,咁惡毒嘅聲線‧‧‧‧‧‧」小松不敢開門。
對方一連說出七次「詛咒你」,才停下來。
然後,一陣沖廁聲,對方就急腳離去。
「嚇死咩‧‧‧‧‧‧」小松緩緩開門。
見周遭沒人,才將我放下:「小葵你仲留喺學校,小心會俾人捉到啊。」
我淡然地說:「就算我俾人捉到天涯海角,你點都會搵到我。」因為那條紅線的存在。
「咁又係~」小松朗然一笑,輕快離去:「再見喇小葵。」
接著,我當然沒有離開學校,因為我尚要周圍參觀。
時間亦不知不覺間,到了放學。
「喂~喺圖書館做咩啊?」在圖書館角落打盹的我,被經已放學小松發現。
墨說
2018-10-29 01:18:30
「總好過喺出面曬。」窗外的太陽,十分刺熱。
「但係你點偷入嚟嫁?!」小松望望周圍。
「我都估唔到圖書館咁少人。」
小松將我收入書包內:「放你入去先喇?喺學校唔可以太大搖大擺咁放你喺膊頭到。」
她的背包不大不小,恰好能裝載住我。
這位置,意外地舒服。
像睡袋一樣,能把身體包得密密實實。
此外,小松故意將拉鏈打開一點,讓我能夠透氣。
「你依家會返屋企?」我問。
「唔會啊,會周圍行下先。」
墨說
2018-10-29 01:33:43
之後的時間,我都躲藏在小松的書包內。
「小松,等你好耐啊。」這女生的聲線,既青春又成熟。
「果然係阿妤,得你夠義氣等埋我放學。」小松嘆氣,遙想石澳之遠:「不過都冇所謂啦,反正最遲返屋企嘅永遠都係我。」
好奇的我,偷偷把頭伸出瞧一眼,就極速縮回入書包中。那叫阿妤的女生,是個膚色健康、高身腿長、看似不言苟笑的女生。
「咦!?」阿妤怔住。
「咩啊?」
「冇‧‧‧啱啱好似見到啲奇怪嘢啫‧‧‧‧‧‧」阿妤不肯定地說。
我就是她口中的「奇怪嘢」。
「係喎,你知唔知我哋座位表啲相呢,俾人偷咗。」阿妤邊行邊說。
「吓?點解嘅?」小松問。
誰叫愛太鋒利
2018-10-29 01:40:07
肥婆落小松咒
墨說
2018-10-29 01:49:22
「唔知啊,不過學校咁多變態佬。」阿妤不當作一回事:「唔出奇嘅。」
「哇,直接話學校嘅男仔係變態佬。」小松應該正在行樓梯,因為盪得特別厲害。
「有個句講嗰句啫,佢哋成日眼望望咁。」阿妤突然將書包拉鏈拉好:「你書包未拉好啊,唔好似阿糖咁冒失。」
「呃‧‧‧‧‧‧」小松不敢說出真相。
走完樓梯,小松才偷偷把拉鏈拉開,讓我呼吸新鮮空氣。
「你上次真係去咗睇地下偶像啊?」走著走著,阿妤問。
「係啊,仲經歷咗幾多嘢‧‧‧‧‧‧」小松歷歷在目:「不過講你都唔會信嫁啦,平日我早會同你講啲鬼故,你都唔信嘅。」
「咁‧‧‧因為真係幾難令人相信。」阿妤苦笑。
二人在巴士站分道揚鑣後,我總算可以出來吸吸氣。
「呼,依家返屋企?」
「No。」小松站在巴士隊列,答:「我約咗芥草,喺旺角等。」
「又約佢?」
「因為上次食人魔嘅事,仲未完結‧‧‧‧‧‧」
墨說
2018-10-29 01:59:33
「未完結?」我以為,小松一早放下了:「我以為,你已經唔記得咗。」
「我都想,但我呃唔到自己。」小松嘆氣:「包括,我有一小段時間,變得好異常,好似另一個自己咁。」
她說的,就是給我吻過之後吧。
前去旺角後,小松很快就在一間咖啡廳跟生芥草會合。
「芥草!」小松揮手。
「啱啱放學?」
「係啊,準備好調查未?」小松笑問。
「準備好!」
「好,出發。」
「你平時帶出嚟嗰隻貓,今日冇嚟‧‧‧‧‧‧?」生芥草問起。
「佢喺‧‧‧‧‧‧」小松正想回答。
「搵我?」我從小松的書包冒出頭部。
「哇,佢識聽人話‧‧‧?佢又會識喵一聲應我嘅‧‧‧‧‧‧」生芥草感到不可思議。
「哈哈哈哈哈。」小松淺淺地笑。
我要做個好人
2018-10-29 02:50:22
推
唔好咁傻啦
2018-10-29 02:53:07
濕水protein
2018-10-29 06:17:53
安妮塔公主
2018-10-29 10:01:58
我係黎睇故
2018-10-29 12:30:00
忌廉燴飯
2018-10-29 13:36:05
想要更多文
周杰倫杰周
2018-10-29 13:36:14
好威咩而家
2018-10-29 19:02:53
食冷麵辣親個嘴
2018-10-29 21:18:51