（心郁郁又想浸）日本各地溫泉旅館 (3)

講開白飯就把鬼火，第一次玩一泊兩食，個釜飯比個冷氣口吹住，未開始食到食完晒成個 course 都唔熱(連熟都唔熟下)…

我第一次一泊兩食
個釜飯太多水， 出嚟變咗爛飯
第二日嗰餐要畢返啲水出嚟

extra左應該多少少掛
本來諗住book伊東熱海個邊，都係萬7-萬9yen，但玩箱根又唔順路，被迫住一晚箱根 果邊D旅館貴到面 又無乜野食

冇渣車唯有箱根，仲要第一次去浸溫泉，東京都係第一次去

想問下大家德島祖谷日歸有冇推介

原來第一頁有講

我去熱海都唔諗住渣車呀
好似好塞又冇位泊咁

原來秋天都咁多蟲
我仲以為係夏天先多添

有無去過雲仙福田屋嘅人分享下晚餐好唔好食? 住得舒服嗎?

高質Report

伊豆高原溫泉
癒楽里～ｙｕｒａｒｉ～

一直都好想去伊豆高原溫泉浸下，因為呢度喺日本係非常出名嘅廢老度假勝地
但本來想去嗰間Isana無房，其他高汁旅館又太過西洋風格，最後遇到樂天super sales，見到個plan幾平，旅館Jalan同樂天評價又幾ok，所以就試下

一泊兩食，房連私人溫泉，每人只係萬3多少少，呢口價應該係可遇不可求

至於評價……就有伏有唔伏，打個和啦super

伏位：間旅館個設計係好怪。我哋間房個廳同睡房係蚊型，然後有一個大到唔知想點嘅偏廳，淨係得兩張吊床，然後有條斜到有驚嚇效果嘅木梯，駁落樓下個私人溫泉，總之個設計係怪到唔知想點……
以我推測，間旅館本來係有7間房同埋3個貸切，然後上邊4間房打通成2間再食咗2個貸切變成豪華房 (我哋book埋另一間所以都幾肯定係咁)
所以如果大家真係有興趣去，記得一定唔好book 101,102,103普通房，而係要book201/202附私人溫泉，唔係話有私人溫泉有咩咁好 (其實我哋都無點浸過)，而係因為普通房係無浴室，要沖涼就一定要去唯一一間公廁貸切。我哋住嗰晚想去望下，結果8點半一直等到11點半個貸切都係occupied，原來下邊101-103班日本人逐個逐個去沖涼，如果無私人溫泉沖涼就要等3粒鐘，真係痴撚線…

驚喜位：晚餐同早餐質素幾得，我哋book個貴少少嘅plan可以食汁煮金目鯛，而條魚亦夠生鮮。
旅館服務超好，咖啡全部用Dolce Gusto，最少好過即溶粉。明明係荒山野嶺但隔離就有間24小時7仔，夜晚宵夜無問題

總括嚟講，萬3yen，無咩好投訴

同場加映下推薦餐廳：伊豆高原ビール本店
呢間餐廳喺正旅館隔離，去開大室山/城崎海岸可以過去食個晏
食材新鮮好食呢啲都係慣例，重點係性價比，一板海膽都係1000yen，成隻蟹熬一個味噌湯都係480yen，各種海鮮丼同定食都係千零yen起跳
同埋叫得伊豆高原ビール都要隊下啤 (要揸車所以只係偷咗一啖飲，然後買咗6支番旅館)
叫到成檯海鮮，埋單都係每人3千幾，誠意推薦

高質留名 等我下次試下先

冇筆直就試下啦
平唔一定唔好
有時可能有驚喜

伊豆 修善寺溫泉
五葉館

呢間係好耐之前已經mark定想去。一般去修善寺多數都會去最出名嘅菊屋，或者扮文青去新井，或者去逃恥嘅宙sola。但我碌相見到五葉館個裝修覺得好有feel所以都無點考慮過其他就book咗了。

五葉館非常難得地係一間「無咁」歧視男性嘅旅館，因為女仔去「照舊」有5款浴衣揀嘅時候，男生亦有兩款可以揀，好滾動

成棟館內部係搵藝術家設計過，所以配色、設計都係將新舊揉合埋一齊，非常有美術感。房係有主題，例如我哋book嘅兩間係「白虎」同「玄武」，房間用色都係跟番。另外地板係用琉球榻榻米，超舒服。
旅館打掃得超級乾淨，所以係要求你赤腳行，無錯，連拖鞋都無對。

溫泉有三個，佢個貸切系統有少少複雜所以跳過，但要貸切晒3個是可以的。有個貸切可以駁自己手機播歌，一路浸一路聽歌唔知jm9 。掛流(修善寺應該全掛流)，鹼性，號稱飲得，溫泉入面準備埋湯勺俾你裝水直接飲

晚飯主打係伊豆牛壽喜燒，份量足，味道ok啦。早餐有兩款特色菜，分別係炸蕎麥麵(幾好食)同溫泉水煮粥(XX()，有少少驚喜。

最後一提，接待我哋個仲居，樣有少少似結衣BB，把聲又甜，幫我哋拎幾個重行李上去又輕輕鬆鬆，晚餐幫我哋砌個靚靚仔仔嘅壽喜燒嚟打卡，又識彈日本箏，超gfable

個架妹正喎。

個日本妹 平時住溫泉旅館都係D呀嬸接待

點解可以有靚靚日本妹妹
上次去溫泉旅館又係姨姨
雖然姨姨資深知心

黎緊1月頭幾日同屋企人(5人)去由布，好多間都冇晒房了 好迷茫

而家先黎搵黎緊一月仲要係由步院呢 d 熱門區既旅館？！你會唔會開玩笑左 d ？

有冇巴打住過雄琴溫泉湯元館葭蘆葦 book左下年2月同屋企人去

因為屋企人好遲先定到幾時去

諗住冬天去北陸
有無推介
奧飛驒睇落好正

白川鄉