（心郁郁又想浸）日本各地溫泉旅館 (3)

就咁望下啲plan
湯亭花のれん係就咁煮熟隻蟹俾你拆
月のしずく係蟹料理，甚至係成個蟹course
你問我就一定揀後者，撘杯純米吟嚷或者梅酒，正呀

以前第一浸溫泉揀左強羅環翠樓，呢間係有自家源泉，溫度大概 50 度，調溫後大概 42 度，但浸落去時真係好熱，冇可能一次過浸哂成個身，要慢慢續 d 浸，浸哂成個身後個感覺係心跳加速得好利害，頂唔順要上水抖一抖。

以前冇留意泉質
浸過 掛け流し 同 循環過濾 浸落去嘅分別都幾明顯

如果價錢貴又係循環過濾，呢啲旅館基本上唔會考慮

浸到心臟病發

環翠樓個私人溫泉大唔大？
野食點？

唔算大，當時第一次溫泉覺得得間房好得意，因為一拉開度趟門出面就係庭園，秋天紅葉會非常之靚，兩食都係向房內進行，我之前都有 post 過。

有痔瘡去浸浸溫泉可能會冇左

我住過湯亭花のれん, (應該只有4個貸切果個?)
我唔知果時選PLAN 貴定係點, 佢比包廂我地, 一去食野果層,見一對香港情侶坐出面, 女將LEAD我地去包廂, D 蟹佢會幫我地拆好多, 又蟹粥, 又刺身, 6,7 款唔同既蟹菜式, 食到飽食唔晒, 問佢可否包起做宵夜佢話可以, 但記得放入雪櫃. 果次係我最享受既一次温泉旅館

我記得去浴場浸個個浸完個膊頭以上紅卜卜，d 血上哂腦咁。

玩到咁大…！

以後要醫痔瘡個成本大幅加價。

黨指巴打覺得早雲閣會唔會中伏？野食好似ok,驚個私人風呂太細。 相片望落唔大

本身浸熱水對痔瘡都好，浸溫泉可能仲好效果

有冇巴打住過不動口館 上網睇間嘢得3星 但望落又好鬼死靚

推

名過其實

犬鳴山温泉(加温・循環ろ過)

咁樣係咪姐係有加溫同循環?

係呀...

唔怪之得不動口館得三星

你睇邊度3星？我就咁碌下Google Jalan 樂天 expedia等等都係4分以上

Expedia Agoda果d

即係唔係溫泉水 ?

係温泉水，但係由泉眼流出到比你浸中間，有加熱過，有循環過濾再比你用過

不過我覺得好睇本身個泉係點，本身弱的話，就算かけ流し都無咩感覺

個温泉出名有佢的理由

Agoda嗰個係酒店星級，但溫泉旅館係無星，所以無參考價值，你睇佢評分係8.5/10就知係唔差

溫泉泉質，例如硫磺泉陣臭蛋味，酸性泉個刺痛感，鹼性泉嗰種滑溜，或者係鐵泉嘅混濁，都俾人感官上嘅刺激所以會有種「呢個溫泉好正」嘅錯覺
而浸番單純泉嘅時候就會覺得好似浸熱水咁，但事實上無色無味嘅溫泉所含礦物量(亦即大家評價溫泉嘅優劣)唔一定較差 (但循環or加水，礦物濃度一定會較少)
不過個人覺得睇住個濃度去浸溫泉，就好似睇住營養標籤食飯咁，有少少掃興
我自己評個水得唔得，都係睇兩點：
1. 皮膚軟嫩程度。一開始浸溫泉係唔覺，但你反複同喺浴缸浸熱水比較就會feel到差別，礦物質越豐富就越嫩
2. 保暖效果。浸完個人由熱辣辣去番正常體溫嘅時間，溫泉越好保溫效果係越明顯。
3. 關節痛同肌肉痛，呢個係有類風濕嘅朋友嘅comment，個水靚，止痛效果係會較快同明顯，我自己就未測試到係唔係

至於唔同泉質有咩醫百病呀美肌之類效果，唔好意思，湯療係以月為單位咁浸先有效果出，作為遊客去浸嗰三兩日係唔需要妄想浸完就可以解決咩病痛，有都一定係9up。
不過可以紓緩疲勞同各種痛症就100%真實，亦唔太著重礦物種類同濃度
所以泉水係掛流，係保證效果會較好，就唔等於非掛流就一定差嘅

至於點樣知個泉水好定唔好，我都搵唔到咩好方法
日本個溫泉百選有「泉質」呢個細分，可以參考下