我前一排去了找Dolores Cannon的學生了解高我同埋尋找前世,想同大家分享少少。有d長,但我想大家明白多一點過程。
自己本身是一個logic好強, 直到接觸呢個post, 我由post 1 追到現在,由唔信變開始想相信和了解,所以去了個section。
一開始說會先介紹自己同生命中一些重要的事,自己的想法等等。同時導師會同時分享佢的事情和經歷等等,呢一part,講下講下,已經傾左4小時。不過有一樣野我好shock,佢俾左過suggestion 我,叫我係某一段時間去某一個地方體驗,但是我見佢前一星期已經訂了機票,時間地點都一樣。
第二part,催眠去找前世和連接高我。我一直以為催眠係會失去意識,但原來不是,我係有意識。我不明白如何連接高我,佢話我放鬆後跟住佢説話做,回答佢的問題,不用思考,腦中浮現第一個答案就係高我俾你的感覺。呢個體驗係需要想像力,進入狀態後就見到好多今世的畫面。其中一個係向我初戀情人表白的畫面,最後被reject,之後全身突然覺得好凍,凍到震,心好痛。之後去另一個畫面,係我小學的班房,去到之後我就不停流淚,流得好利害,一個好開心同快樂的畫面,點解會流淚?(凍同流淚不是畫面,是現實,因為你是有意識,所以你會知而同時你亦會知道自己講過d乜,但唔知點解會講。)
之後去找前世,去之前叫我想像被白光保護,告訴自己是安全,之後全身覺得好溫暖,不再覺得凍。
我見到自己兩個前世:一個係探驗家,在沙漠中一個森林入面有一個湖,湖水係甜,我在湖中找到一條key,之後去金字塔其中一格開門,開門後就全身被金光覆蓋,不過我冇入去,因為覺得怕,同時感覺入面的東西我不能碰,而key和金字塔的位置是幾個穿制服,動物頭的外星人告訴我。另一世是宇宙人,但唔知是什麼星球,畫面係一個會議入面有一大班人討論我接下來做什麼任務。我focus 在一個冇乜頭髮和八字鬍鬚的老人身上,我見佢好擔心,但我完全係感覺不論是什麼任務都會冇問題的強大和自信。全部人穿灰銀色制服,老人同少數人心口有閃電形狀的章。我自己全身都係黑色衣服,得我一個係咁。之後佢地開完會,老人同我講結論,我聽唔到佢講乜,我只知佢好擔心,而我的態度是覺得佢多餘。
最後導師問高我點解俾呢d畫面我睇,分手畫面係想我放手同唔好留戀過去,而小學畫面之所以流淚係因為我已經忘記快樂同埋好耐冇快樂過。外星人畫面是說明今世的任務,前世因為得天獨厚,強大,自負而令到自己目空一切,從來只有成功不會失敗,而今世的任務是在一個平庸的身體和環境中學習如何面對逆境。老人擔心從未經歷失敗的我一面對失敗會崩潰。
而今世的確係好多逆境。
全程你都會有知覺,答案都係你自己答,你會知道你答左d乜,但唔會明白點解。
巴打解釋得好清楚,你個左腦有無岀黎干擾你
有,中間有幾次叫佢走開,同佢講我係安全