三色絲可唔可以分享下感受?聽到你話覺醒左有種感動,想聽下你分享
當時有種好特別嘅感覺, 感覺到自己唔同咗
同埋感到狂喜, 啲淚水標出嚟 , 係咁笑
最直接嘅講法係, 終於知道自己係邊個
同埋確實知道呢個肉體, 房嘅牆壁, 仲有地球都係困唔住我
我想去邊就去邊, 我係自由嘅
仲有另一個感覺係覺得好完整
"我"一直都喺度, "真理"一直都喺度, 點可能睇唔倒?
我終於"睇" 倒喇
同埋我係嚟地球旅行嘅, 地球係我嘅旅館
我嘅家喺"一" 嗰度
有個感覺係, 時間只係我哋創造出嚟嘅嘢, 同一架車, 一棟樹冇分別 (同樣係我哋創造出嚟嘅)
呢個如果無錯,係覺悟嘅一部分。非常之好,你已經進入左通向覺醒嘅第二步。記住一定要繼續練習,記住呢個感覺,呢啲真理就係所謂嘅真相,前年我都經歷過,了解到我落嚟地球係要協助地球,由於地球同人類有好強嘅連結,所以我會幫埋人。
的確,呢個世界你見到嘅都唔係最真實,我感覺到呢個世界有好多謊言同埋詐騙,但深信只要自己可以用光行事,分享光嘅一面出去,就一定可以令更多人跟隨光,就好似一百隻猴子嘅實驗咁。
往後應該會有更具"挑戰性"嘅經歷,三色豆要加油。
咁下一步會點?
當然唔排除三色豆已經覺醒左,因為的確係有人會非常快。
用我做例子,當我有同三色豆講嘅野一樣嘅經歷後,我經歷左唔少嘅黑暗,令到我做唔到冥想,經常受到干擾,而且有自殺嘅想法浮現,果時嘅頻率好低好唔舒服。後來好彩重拾番光,並且繼續修行,先發現果時嘅黑暗係我經歷嘅一部分,讓我成長及得到更多"真理"。
每一個人都唔同,我只係一個分享,所以唔係個個人都會經歷到。