踩住忍者龜於市內遊走，向住The Castle進發，只見Van眾生相千奇百怪，細佬係街賣紙巾、阿叔係路邊擦鞋、男人同男人會撓手……點都好過尼泊爾同印度果隻拖手仔既。係The Castle門口俾個阿嬸截停，想要請我地食塊餅乾，本身有少少提防，驚好似印度咁食完會被收錢，但見佢盛意拳拳到肉，我又唔忍心拒絕，最多有咩事上車走架姐。
咁當然，土耳其人冇咁仆街，梗係咩事都冇。事後發現，土耳其人可以話係同伊朗人係好客程度上並駕齊驅。
Maisam友情之手襪vs婦人友情之餅乾
你仆街喇
係The Castle所在既公園，見到白奶奶既雪積到成半尺厚，可以話係咁大個仔都未見過，童心忽起，我同小明就係果度初嚐格劍……丫唔係，係雪戰！將佢就死正法！
我仲堆左我人生中第一個雪人。
啤咩呀啤熊啤啤！未見過咁靚仔既雪人呀？
Who 忽kin’ cares? 邊撚個得閒理？
我擺到明人見人愛，車見車載
沿住被雪覆蓋既斜坡，我地慢慢向小山上既城堡進發。
曾經以為只有係打機同埋電影入面先會見到中世紀既古堡，但當我黎到The Castle，我先知原來有朝一日我係可以親眼望到呢一種幻想世界咁既建築。唔知點解，果一下有少少感動。The Castle未必係最靚既城堡，更加唔會係最受注目既一個，然而，我諗再冇一個城堡可以俾到同樣既感動我。
屌你！上去搵NPC接任喇
黎到呢度，縱然地理上我尚未踏足歐洲，不過我Feel到有少少歐味喇。我亦不禁抖擻精神，為自己既心注入一股動力，為黎緊既未知做好準備。
今日係路上面既第一百八十七日，我黎到一個能夠觸動我既城堡。
夜晚Levent同佢班friend子煮左個土耳其雞煲我地食
右邊坐係度果個係Levent
咁得閒先追囉