大年初一,輝輝嗰啲當然要返學,佢同略嘢借咗佢哋嘅Museum Card畀我同小明入去景點,於是我哋再次去到Sultanahmet,入去Hagia Sofia,亦即係聖蘇菲亞大教堂。
大教堂喺君士坦丁堡時期建造,原本係東正教教堂,喺鄂圖曼時期被強行改成清真寺,直到現時共和國先改建成博物館,所以喺呢度可以睇到東正教同清真寺嘅融合體。
睇完教堂,我哋去咗見一個故人。Seval?唔係,佢未去到故人。係俄妹Yana。佢又嚟咗Istanbul,我哋喺Sultanahmet傾咗一陣,都係純粹見個面,之後就正式告別。
Grand Bazaar
行行吓個市集,收到Seval嘅訊息,約我哋收工食嘢。於是我同小明就慢慢行去Taksim會合佢。
聽講有人喺度整咗架飛機飛過亞洲
行去食嘢嘅時候,經過幾棟樓,窗入面有幾個妓女向我哋拋媚弄眼,原來Seval特登帶我哋睇吓土耳其嘅紅燈區,話喺呢度好平常。
吖你鬼馬呀!條撚準備!條撚準備!
呢張其實影得有啲衰
食飽飽,邊行邊傾,Seval話佢有個廿五歲嘅男朋友(同我當時同齡,暗示緊啲乜?),依家喺美國讀緊博士,所以佢之後都會去美國探囝囝。喺Seval帶領之下,食咗啲土耳其甜到漏嘅甜品,行吓Kadikoy海灣,我哋就一齊搭巴士,各自返屋企。
係喇,小明一直在場嘅。
佢一馬當先,係咪唔想同我並排行?