「Welcome to Turkey.」
係關口通往土耳其既出口,係門口把守既保安見我地要拆袋落黎咁麻煩,望都唔望就放我地走,然後面帶微笑咁講左呢句野歡迎我地。
唔肯定係幻覺定係真實,一出大閘,我竟然覺得氣溫低左好多,有股寒氣撲面而至,然後一望遠處,點解呢邊積雪厚咁多?明明只係隔左一條無形既邊界,但唔知點解真係好似凍好多。
我呆左一陣,心知黎到土耳其應該係我經歷過前所未有咁凍,但我一腔熱血,完全無懼,因為謝霆鋒教過我,哭,是沒有用的,就算凍,路仍然係要行。
最重要既係,再唔行,我就真係企係度凍到鳩裂。
「離呢度最近既城市係Van,大約一百公里。」保安係我地臨走前好心提醒。雖然我早就知道,仲係Van搵埋Warmshowers Host,但依然禮貌地多謝佢。
「行喇。」我跨上忍者龜,呼喚小明上路。
我終於踏足鄙圖曼帝國既領土。
我以為自己好型,開展左新一階段,然後就係最近既城鎮搵野食既時候係成班人面前踩左上薄冰跣低左,佢地仲要忍唔住笑左出聲。
就係呢班人
嗯,唔好驕傲。