容我張狂，由香港踩單車去英國幫曼聯洗廁所 ( 拾 )

睇到上哂癮

屌誇鳩張

暗鳩爽 ？

少少梗有

有文未

抖夠就好出文喇

文呢？

仲以為你班撚屌見到我話有俄妹就會厹上身問我攞圖，證明你地都冇留意睇既。

形容下Yana先。Yana之前係美洲一個國家讀書，唔記得墨西哥定亞軍廷，所以佢識講西班牙文。畢業之後，為左見識呢個世界，佢決定backpack去佢所去既地方，而土耳其就係其中之一，佢更加係鍾意土耳其到去完唔知邊度又再返黎，依家講土耳其文流利到可以同當地人作日常溝通。

而且佢亦係一個好玩得既人，成日講笑不特止，仲會跳黎跳去，咩都玩一餐，孖仔玩倒立佢玩埋一份，踢波佢又踢埋一份，冇時停。


細仔真係好搞笑

係喇，有冇發覺我冇形容過Yana個樣？嗯……留返少少幻想空間俾大家。

Yana係一個專業既Hitchhiker，佢一路靠住截順風車黎鳩遊列國，而留係Tatvan呢一日，我同小明接受佢既邀請，同佢一齊試下Hitchhike上山玩。

第一次Hitchhiking其實有d緊張，但其實我同小明只係freerider，無論截車、講目的地同上到車溝通，Yana一手包辦，冇計，土耳其人太好客，加上女人點都著數d。

只係兩程車，我地已經上到山。山上係一個滑雪場，唔少一家大細都係度玩，而我地三條窮鳩只係不斷踏雪有痕咁舉步維艱地行上山，係冇目的架，純粹想上去睇下上面咩料，最重要係，屌你老母我淨係著住對千年跑鞋，已經凍到冇知覺，我懷疑我既腳部神經早就壞死晒，係土耳其開始完全唔驚凍，去到歐洲連d歐洲人都當我神咁拜。


滑雪downhill上山用既纜車


小明唔夠高，要Yana托佢上去，笑撚左

積雪去到膝頭哥咁深，每行一步都好吃力，但Yana又可以行得好快架喎！因為佢仲保持份童真，對咩都好好奇，一定要先過人去睇。反觀我自己，其實我係一個幾悶既人，好難對一件事表達興奮，因為我係一個係陌生環境對住陌生人好內斂既人，可能細個撞板撞得多，就算我對一件事或者一個人有興趣，我都會扮到漠不關心。

我亦知道呢種性格十分難親近，出左黎，見多左，識多左人之後，其實個人都開朗左。換轉係以前，明知山上面冇野睇，我肯撚定一口拒絕Yana既提議，想我上雪山吹風濕腳？屌你我留係屋企鎖自己係Home theatre開av打飛機唔撚好？而依家我會係：「咦？截順風車呀？喂好丫，未試過，試下囉！」同埋：「山上面冇野玩？唔緊要啦，上去望下傾下偈囉！」

縱然其實心底都係覺得好無聊，佢地一嗌走我就會頭也不回咁碌落山。

上到好高，俾風吹到頭都痛，其實真係冇咩好睇，於是又戇鳩鳩行返落山，上山容易落山難，屌佢老母好幾次差d仆街，Yana又可以極速狗衝落去架喎，點做到？


MK之歲月，好似係Yana影

落返滑雪場，又靠Yana截左兩個阿叔既車，載到我地去Fikret屋企門口，先知原來兩個阿叔係Fikret醫院d同事。係喇，唔記得講，Fikret係一個男護士。

新讀者留名

新讀者留名

以下呢篇獻俾你：

Fikret一家六口，得佢一個返工，老婆湊住四條化骨龍，佢都仲可以養掂成家人再拎錢出黎起左棟別墅，可想而知土耳其東部既生活指數係幾咁低。

諗深一層，係土耳其，你讀過下書，唔愁工而又想做下皇帝，大可以搬到一d偏遠既城市，橫掂城內商場超市乜柒都有，絕對唔會唔方便；反觀香港，屌，我可以搬去邊？

唉唔撚放負喇，雖然最近真係冇乜心情。


點解你可以咁得意架？

你見我成日話Fikret個細仔得意，可能睇相唔覺，但呢條塞豆窿真係好撚過癮，你做乜佢都跟住你做，你戚眉佢又戚眉，你扮放屁佢又扮放屁，再配合埋佢個扮古惑笑容，真係好撚好玩。

有大屋，有老婆仔女，有份穩定職業，擺係香港，Fikret可以話係一個人生贏家。

同好多Couchsurfing host一樣，Fikret一家接待遊客係因為佢地嚮往世界各地既文化，但實際上佢地冇時間出外遊歷，只要個surfer唔太奇怪，Fikret都會盡佢能力去接待，Yana已經係第二次係度住，而當我地走左之後，Yana同返我地講，之後佢仲有第三次返去Tatvan住係Fikret屋企。


Home Theatre

上兩篇講過我同小明開始瘋狂爆呔，係山上面返黎之後，我拎出Adam遠從挪威帶過黎果兩條外呔，諗住換返個靚呔，聽日踩返個靚車。點知……

唔岩size。

點解會咁？明明我有同Adam確認過個size，媽，為何結果不是我想像那樣？然後小明拎條呔一睇，冷冷地拋低一句：「下？你呢兩條係廿六吋乘一又二分一（26”*1 1/2）黎，同一點五（1.5）唔同架喎！」

我呆一呆，腦入面瞬間load返Adam去伊朗前聯絡我時既對話。我記得當時有同佢講明我要咩size，但因為佢唔太熟單車，就send左兩款黎confirm，而同樣唔熟既單車既我，見到個1 1/2就以為同1.5係一撚樣，點知差之毫釐，謬之千里。

老老竇竇，你話我醒咩？我覺得okay啦，但蠢野呢？又真係好撚多蝦碌架喎……

我苦笑三聲，收返埋兩條呔，諗起之前仲懶大方想俾小明換呔，如果果陣佢真係要，然後發現根本唔岩，我真係尷尬死。

就係咁，註定我同小明要繼續爆呔。

仲有無

好想睇多篇

仲有無

好想睇多篇

打緊
打多篇訓

計劃中我地既行程係離開Tatvan之後去Mus，但Fikret話如果換行第二條路既話，有機會避過風雪。領教過暴雪既我地其實都唔係太想再黎多次同樣程度既對待，本身係要改路線，但當我同小明一離開Fikret屋企，我就覺得咁樣特登兜路係一個懦夫既行為，而且之後再有冇機會係風雪下踩車都成問題，不如就自虐下啦！

當時既我太天真，出名地獄黑仔王既我又點會唔再係暴雪下踩車？不過咁，去唔去Mus既分別真係唔大，就算過埋Mus我地亦冇再遇到風雪。

但小明就冇咁好彩，只係離開Fikret屋企唔夠半個鐘，佢就爆左次呔。補完之後，再踩冇耐，我聽到後面有人大嗌，擰返轉頭，原來係小明再爆呔。知道咁樣落去唔係辦法，我就俾左兩個建議佢：一，截車去Mus，我自己踩，係果度等；二，返轉頭去Tatvan住多日，相信Fikret都唔會將我地拒諸門外。

小明揀左前者，於是今日去Mus既路程就得返我自己一個。



唔知點解，轉入分岔路後，成條路都係濃濃既冰霧，能見度只有大約十幾米，氣溫比分岔路前明顯地低，有一股危險既氣息係空氣中瀰漫。我甚至懷疑，自己係咪入撚左結界？

當然唔係啦，事後諗返，其實應該果一帶溶緊雪。聽講溶雪既時候仲凍過落雪果陣，只係作為一個文科生，我完全諗唔明，點解d雪溶緊會凍d，明明再凍d，但又唔可以保持雪既形態，究竟係凍先定係溶雪先？有共產黨先定有新中國先？



而令我有進入結界既懷疑，除左濃霧同低溫之外，就係忍者龜去得超快，明明平路，但完全唔使俾力去都keep住時速廿幾公里。唔好問我點解冇左碼錶都知，因為我晨早已經達到無碼勝有碼既境界，碼錶？在心中。信手拈來，一草一木，皆是碼錶。

戇鳩啦，係撚平路咩？暗斜落啦明顯！

車去得快，我既暖感（係咪咁叫？）去得仲快。加上之後直頭係落斜，我個人根本唔使郁，仆你個街凍到嘴唇都紫撚埋。好唔容易捱過個落斜，穿過濃霧，我已經置身係一個小鎮入面。



渣渣淋食個包補充體力，我就繼續向Mus進發，追趕小明，相信佢都應該到左整緊車。



而其實揀去Mus，除左因為自己硬頸之外，都係因為小明一早就係當地搵到個Couchsurfing host，咁有地方住，又唔想煩多次丫嘛，講到底，其實都係懶姐。

一路無事，我未夠四點已經到Mus。係城內不斷上斜，終於去到一間單車舖會合小明，見佢已經換左條粗呔頂住檔，應該捱到一排既。

接過老闆贈送既熱茶，聽小明講個host已經覆左，隨時可以去搵佢。但估唔到既係，最後我地並冇住係呢個host屋企。

大家都唔好咁夜訓
我地聽日見啦！呢排你地偷懶呀下，少左推post，唔乖呀

新鮮滾熱辣
睇完起身返工

屌你條撚呔撚唔啱size又幾好笑

留名

第一次入嚟
巴打好撚癲

你叫到咪推下你囉

推推

發覺真係好多好人 成日有人幫樓豬既

2014開始.. 巴打好撚有決心

大家都唔好咁夜訓
我地聽日見啦！呢排你地偷懶呀下，少左推post，唔乖呀

推推推推推推推

推下先

大家都唔好咁夜訓
我地聽日見啦！呢排你地偷懶呀下，少左推post，唔乖呀

再度推爆你菊花

溶雪會凍過落雪果時
係因為溶果時 雪吸收周圍嘅熱能先會變做液體/水 咁個環境溫度咪低左囉

大家都唔好咁夜訓
我地聽日見啦！呢排你地偷懶呀下，少左推post，唔乖呀

推太快驚推爆呀親