容我張狂，由香港踩單車去英國幫曼聯洗廁所 ( 拾 )

1001 回覆

254 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

基斯道化杜蘭 2017-01-22 23:31:49

留名

賭神3.3 2017-01-22 23:49:54

因為天氣唔好，加上冇錢，我地並冇係Cappadocia搭熱氣球，只係去左奇石林影下d陰莖狀怪石同埋去Underground City睇下以前d人點樣係地下住。

Underground City自公元前已經有，直至中世紀，當地既耶撚係阿拉伯人侵占之後，為避難而搬入去，並慢慢擴建。但奉勸各位一句，如果唔俾少少錢請導遊，不如唔好去，因為你入到去只會見到一個個空洞既石窿，最多有塊牌寫呢度以前係咩，譬如酒窖呀教堂呀咁，就咁架咋，冇架喇！我到依家都好後悔點解買飛果陣個導遊叔叔黎R生意但我冇理到佢呀！

真係就咁架咋！

係Cappadocia同小明試下自己截順風車，又得喎

而係奇石林，你會見到中日韓等等為數唔少既旅行團，事實上d石係生得幾得意，碌碌都好似賓周咁，唔知係天然抑或有變態佬咁好心機磨出黎。

Bam

屌你雙頭假狗咁

然後隻駱駝係度跳舞

無無聊聊咁，就行左Cappadocia其中兩個比較出名既景點。

除左行景點，我地仲去左搵我地個host其中一個朋友。當晚識左佢之後，食飯果陣我同小明有拎部電話出黎覆下message咁，跟手就俾呢個朋友話我地太依賴科技，佢聲稱自己住係山入面，係平時要買下野或者過黎搵我地個host玩先要出山，仲邀請我同小明去探下佢。於是，行完奇石林之後，我地就踩單車去搵呢個食大麻既風清揚。

左邊呢個

事實上呢條友係住得極撚隔涉，我地穿過山林，有陣時仲要搬車、擒石同涉水，先搵到佢果間新假期遲早會介紹既隱世小屋。而佢又真係住得幾淡泊，同佢荷蘭黎既女朋友同居，養下狗，又會種下野賣，兩個都係對野對到個人乾枯左咁，活生生既例子教人不可一不可再。

攀山涉水

佢話佢阿爺定邊代已經係度住

就係咁，係Cappadocia過左兩日，所以對呢個地方冇乜感想，可能有錢黎玩下會開心d既。

你地住咁多host都有隊草你地有冇隊埋一份

你估吓

你咁講一定有啦

食過但冇乜反應咁

雜近評 2017-01-23 00:29:35

因為天氣唔好，加上冇錢，我地並冇係Cappadocia搭熱氣球，只係去左奇石林影下d陰莖狀怪石同埋去Underground City睇下以前d人點樣係地下住。

Underground City自公元前已經有，直至中世紀，當地既耶撚係阿拉伯人侵占之後，為避難而搬入去，並慢慢擴建。但奉勸各位一句，如果唔俾少少錢請導遊，不如唔好去，因為你入到去只會見到一個個空洞既石窿，最多有塊牌寫呢度以前係咩，譬如酒窖呀教堂呀咁，就咁架咋，冇架喇！我到依家都好後悔點解買飛果陣個導遊叔叔黎R生意但我冇理到佢呀！

真係就咁架咋！

係Cappadocia同小明試下自己截順風車，又得喎

而係奇石林，你會見到中日韓等等為數唔少既旅行團，事實上d石係生得幾得意，碌碌都好似賓周咁，唔知係天然抑或有變態佬咁好心機磨出黎。

Bam

屌你雙頭假狗咁

然後隻駱駝係度跳舞

無無聊聊咁，就行左Cappadocia其中兩個比較出名既景點。

除左行景點，我地仲去左搵我地個host其中一個朋友。當晚識左佢之後，食飯果陣我同小明有拎部電話出黎覆下message咁，跟手就俾呢個朋友話我地太依賴科技，佢聲稱自己住係山入面，係平時要買下野或者過黎搵我地個host玩先要出山，仲邀請我同小明去探下佢。於是，行完奇石林之後，我地就踩單車去搵呢個食大麻既風清揚。

左邊呢個

事實上呢條友係住得極撚隔涉，我地穿過山林，有陣時仲要搬車、擒石同涉水，先搵到佢果間新假期遲早會介紹既隱世小屋。而佢又真係住得幾淡泊，同佢荷蘭黎既女朋友同居，養下狗，又會種下野賣，兩個都係對野對到個人乾枯左咁，活生生既例子教人不可一不可再。

攀山涉水

佢話佢阿爺定邊代已經係度住

就係咁，係Cappadocia過左兩日，所以對呢個地方冇乜感想，可能有錢黎玩下會開心d既。

你地住咁多host都有隊草你地有冇隊埋一份

你估吓

你咁講一定有啦食過但冇乜反應咁

神級丹尼爾 2017-01-23 00:38:07

咁多個隊友入面，同小明一齊係最自由，或者係因為大家都已經出得黎耐，對於有隊友抑或自己一個都已經習慣，除左係伊朗開頭幾日，之後我地都好自然地分開踩，諗到有野傾就會合，又或者成個上晝都分開，食飯會合，食飽又分，搵住宿又會合，總之就係跟返自己車速，唔會再勉強自己去跟隨隊友既步伐。

加上之前亦講過，小明好隨心，佢想踩就踩，唔舒服或者頂唔順就會搭車，從來都唔執著，因此係土耳其我地有更多時間係分開踩。

今次又因為小明想係Cappadocia留多日，個host唔方便佢都寧願住酒店咁留，於是我地又約定兩日後係首都Ankara會合（係呀，土耳其首都係Ankara，唔好再以為係Istanbul）。

離開host屋企

由Cappadocia去Ankara都差唔多三百公里，冇乜上斜既情況下，兩日去都唔算辛苦。但好死唔死，中途竟然落大雨，淋到我戇鳩鳩，係呢d氣溫之下，停低食下野都咪話唔凍到騰騰震。

如果你係一個油站職員，有條濕鳩臨天黑淋到成身濕晒咁走入黎話想係度訓，你同佢講冇地方，佢唔要面到話出面實在太凍，只要可以俾佢係度嘆到暖氣，佢係你d貨隔離打地鋪都得，你會點做？講緊你果個位係同香港d油站一樣，係間7-11之類既舖頭，你會唔會俾佢係度打地鋪？

我話俾你聽，土耳其人唔會俾，佢地好難為情咁拒絕左我，只係俾左杯熱茶我，冇計，始終要做生意。

當時踩到距離Ankara仲有大約一百六十公里，開始天黑時又咁岩見到油站，於是就走過去問。淋到落湯雞咁既我就算有暖氣都震得jj縮縮，可以話係我見猶憐，換轉我自己見到自己，都一定會有股走埋去攬住自己俾溫暖自己既衝動。

屌我講緊乜撚野？

但你以為土耳其人咁絕情？唔係，佢地並冇就咁趕走我，佢地做多左一樣野──打電話。唔係打電話報警拉鳩我，係打過去油站隔離既Motel，叫左佢地既經理過黎。屌唔怪得佢係咁指我去前面，原來係咁。

Motel經理帶我返過去，俾我鎖左忍者龜係大堂出面後，就叫個散仔帶我上房。上去之前，我仲有少少怯懦咁話：「我驚我俾唔起錢。」經理只係笑住咁搖一搖頭，示意我唔使擔心。