容我張狂，由香港踩單車去英國幫曼聯洗廁所 ( 拾 )

輕力一推

雪唔大，但偏偏兩個轆剷上黎既碎冰封實左我個brake同轉波，轉波真係冇乜所謂，橫掂我雙腿好似摩打，上斜重腳冇有怕，但剎唔到車既話認真會淆底，大佬呢d性命攸關架！

嚇得我拿拿聲停車將d冰撩晒出黎，確定無礙之後先繼續上路。

越諗越心驚，如果係我落緊斜既時候先發現剎唔到掣，後果真係不堪設想。

六點幾食完個早餐，一路上上落落，捱到十一點我已經餓到決定見到乜就食乜，點知勉力踩到十二點幾，仍然見唔到有任何野食，就算經過油站，呢間見鬼既油站都罕見地冇野食賣，實情係上帝要我滅亡。靈光一閃，醒起行李入面有係伊朗Tabirz時Maisam媽媽包好既兩袋糖，唔係糖果個「糖」，係真係一粒粒、佢地飲茶果d方糖，之但係蔗糖，清甜d，果陣俾我地係因為佢話算係特產咁話。



你冇估錯，我餓到拎左兩包糖出黎逐粒隊，一放入口就咬碎吞。唔好講笑，我未食過咁好食既糖，食左成半包，呢半包可以話無論係心理抑或生理，都拯救左我，等我可以捱多兩公里，搵到間餐廳。

係果下，我徹徹底底咁明白，舊時d人飢荒果陣點解會食樹皮，仲會易子而食，換轉係我，莫講話樹皮，包皮我都食呀！


入個油又關你米奇老鼠咩事呀？



起伏拖慢進度，踩到天黑，竟然距離Ankara尚有成四十公里，更慘既係，我條前呔又漏氣！踩下泵下，煩過我老母。因為首都既關係，沿途有唔少市鎮，除左幾公里，其餘時間都有街燈，減去左唔少不便同危險，而果冇街燈既幾公里，因為有個大油站同前面d光實在太勁，我連頭燈都唔使開。

入到Ankara，經過佢既市中心時，我竟然有種去到金鐘既感覺。講明先，我九龍仔黎，如非必要都唔會過港島，一直都覺得港島同九龍係兩個世界，所以d感覺可能唔準。高樓大廈、寬闊馬路，商業味好濃，不過電話冇電，冇影到相。




影埋呢張電話就收左皮

七點半入城，因為盪失路同呔漏氣，我竟然搞到九點有多先搵到小明係Couchsurfing搵個host屋企。好死唔死，電話因為太凍，舊電唔夠照係咁熄機，要放係我個肚仔度暖勁耐先開到機打俾小明，等佢落樓接我。

Host Muzzafer係一個公務員，本身係Istanbul人，因為工作關係先過黎Ankara。據佢所講，Ankara好悶，由多姿多釆既Istanbul過黎，係慘過食兩舊屎，認真狗也不屌。

聽完佢咁講，我亦暗暗期待Istanbul究竟有咩咁吸引。

早兩年冇喺香港過節，搞到今年有啲想行年宵，明明從來都唔鍾意行
有冇人陪我

搵你巴打Terence bb

佢有女了，我甚麼都不是

早兩年冇喺香港過節，搞到今年有啲想行年宵，明明從來都唔鍾意行
有冇人陪我

搵你巴打Terence bb

Terence bb呢排幾好嘛

星期日先同佢踩完單車，幾好，代佢同你講有心

聽Muzzafer講，土耳其政府棄最為發達既Istanbul而立Ankara為首都，係因為佢位處土耳其中心，便於控制整個國家。而作為一個首都，以發達程度黎講，Ankara一d都唔失禮。


Ankara有唔少呢d賣果汁既「美食車」

首先，Ankara佢有地鐵。生於香港既各位巴打，相信大家都清楚地鐵係一個城市既重要性，姑勿論港鐵呢間公司有幾西，但無可否認，有地鐵係大城市既其中一個不可或缺既因素。


有麥記都係大城市既象徵！


地鐵站


地鐵飛，屌你老母原來out fo左

其次，佢係一個商業中心。同我先前果晚感覺都既一樣，Ankara商業發達，食飯同放工時間見到唔少西裝友OL係條街度行，又有酒吧俾佢地happy hour（係喇，土耳其雖然係伊斯蘭國家，但並唔禁酒），而且街上熙來攘往，店舖林立，當中唔少係名店，可以見到呢度既人消費能力並唔低。


重點係條女



最後，係佢新舊共融。除左市中心既商業區、博物館等等新建築物外，Ankara依然保留住一d古舊建築，例如超過一千年歷史既Ankara Kalesi，即係又係Castle呀。先唔好理點解好似每個土耳其城市都有城堡，但並唔係每一個政府都敢於保留傳統，有d戇鳩政府係鍾意拆走人民既集體回憶黎起d佢地認為叫做「發展」既濕鳩野，Ankara就有果種包容既胸襟。


d麵包好香，忍唔住要買


Ankara舊區


腰針，艾針


個天好撚西

而重點係，呢個城堡都係唔收錢架，佢地擺係度冇收入架。

Ankara Kalesi位於小山之上，係上面能夠俯瞰Ankara舊區全景，而隔離連接民居，有種去左古裝街d人住係城牆附近咁既感覺，同Van或者Elazig既城堡唔同，呢度比較有人氣，亦更加貼地。


有唔少遊客，當中有唔少exchange

除左城堡，本身我地仲想去土耳其國父陵墓，但因為我地太hea，去到先知五點就閂門，最後淨係行左城堡同係條街度鳩流流就返屋企休息。


市中心街景

Okay，講埋Ankara作為首都最重要既因素──屌你呢度好撚多靚女呀，同埋我搵唔到一條女係粗腳呀，個個都可以玩成晚架……

各位巴打，我食左藥好攰，要訓喇
多謝你地今日繼續睇我既文
仲想點名多謝天水圍雙失巴打，日日係咁幫我推post，我有時都懷疑係咪自己精神分裂用分身撐自己
晚安喇

仆街我明明rotate左

小弟而加喺利物浦working holiday
想問下樓主搵曼狗工係咪walk in 掟cv?
利申：猁 想幫利狗洗廁所

帶住忍者龜搭地鐵有無香港咁麻煩

小弟而加喺利物浦working holiday
想問下樓主搵曼狗工係咪walk in 掟cv?
利申：猁 想幫利狗洗廁所

係呀，英國好興walk in遞，識講國語應該大機會

帶住忍者龜搭地鐵有無香港咁麻煩

搭得地鐵就冇踩車啦，落雨濕濕

小弟而加喺利物浦working holiday
想問下樓主搵曼狗工係咪walk in 掟cv?
利申：猁 想幫利狗洗廁所

係呀，英國好興walk in遞，識講國語應該大機會

點樣開口講
小弟乜都唔識
Are there any vacancies?
係咪咁問

btw 樓主係我啟蒙人
當年見到你個post 好似post到西藏
我先有過黎利物浦做野嘅諗法

小弟而加喺利物浦working holiday
想問下樓主搵曼狗工係咪walk in 掟cv?
利申：猁 想幫利狗洗廁所

係呀，英國好興walk in遞，識講國語應該大機會

點樣開口講
小弟乜都唔識
Are there any vacancies?
係咪咁問

嗰陣我係問'Excuse me. Is there any job vacancy for someone who speaks mandarin?' 諗起都柒

btw 樓主係我啟蒙人
當年見到你個post 好似post到西藏
我先有過黎利物浦做野嘅諗法

要好好加油
Btw Liverpool係一個幾吸引我嘅城市，以旅遊嚟講，絕對好過Manchester

係呀，英國好興walk in遞，識講國語應該大機會

點樣開口講
小弟乜都唔識
Are there any vacancies?
係咪咁問

嗰陣我係問'Excuse me. Is there any job vacancy for someone who speaks mandarin?' 諗起都柒

冇記錯你係做merchandise ?
好犀利

早兩年冇喺香港過節，搞到今年有啲想行年宵，明明從來都唔鍾意行
有冇人陪我

搵你巴打Terence bb

佢有女了，我甚麼都不是

唔知點解有d sad，本身好期望你地可以開花結果...能成為密友

想問一樣野 其實係咪大部份巴基斯坦呀印度或者尼泊爾既男人都中意細細粒既女仔？
我自己發覺佢地係特別偏好呢類
連小明細粒小小都俾佢地以為係女

小妹日日係英國就係睇你d文

巴打 係咪我睇漏？
小明本身嘅目的地係邊

推 留名

加油加油..繼續出文..!!!!!!

推呀推

囡囡圖plz