Cappadocia出名既係奇石林、地下城同坐熱氣球，可以話係土耳其旅遊熱點之一。果度有幾個小城市，分別係外圍既Urgup、Avanos，同埋內圍既Goreme等等，而我地既host就住係Urgup。
老夫老妻
又係自己踩足全日，去到Urgup會合小明，我地再一齊去host屋企，入面已經係一對紐西蘭情侶surfers同埋host既兩個朋友。點講好呢？Host係一個俾我感覺好玩物喪志既人，睇個樣三十幾歲，對黑眼圈大過我春袋，食大麻，仲同果對紐西蘭情侶整大麻蛋糕，話係紀念Bob Marley既忌辰咁話。
但呢d唔係我麻麻地既位，因為我對呢d野完全冇任何反感，令我唔太自在既係，佢地係咩呢？根據MK既講法，佢地要做到好chill呀，chill到要求佢每一個guest都咁chill，甚至係要長期處於一個好hyper既狀態。
呢個亦係我鍾意Warmshowers多過Couchsurfing既主要原因，我唔使應酬呀！
我正式宣佈，土耳其國粹係Rice pudding
當然，你可以話呢個係等價交換，人地俾得地方你住，give左自然有take，佢亦有權揀佢鍾意既客人。冇錯，100%正確，所以我都會chok個ocamp mode出黎同佢地玩，只係可免則免，有得揀，我一定揀Warmshowers。
的而且確，住當地人屋企係可以體驗到當地文化，但對於我呢個長途旅行者黎講，最根本既原來係我想慳錢，呢個係老實mode，唔呃你。要體驗？我留咁撚耐，唔敢話多，但體驗一定唔會少啦！我唔係清高撚，我就好撚誠實既，只係我都會做戲做全套，做一個稱職既guest，唔會俾佢覺得我住緊免費酒店。
呢一個係基本禮貌，但亦聽過同見過有d人係連戲都唔交，大家唔好學，入得呢個network，用得佢提供既野，就要尊重果度既文化，無論你本意係點都好。
所以係我去到英國之後，我再去其他地方旅行，冇左單車光環跟身，用唔到Warmshowers，我都冇用過Couchsurfing，都係住返hostel、airbnb或者酒店。之但係我亦好想回饋返d野去呢個圈子，之後亦有從Couchsurfing同Warmshowers接待過唔同國家既旅行者。
喂好似講遠左，但補充多句啦，係Couchsurfing度，我都有八九成係非常好既經驗，同d host相處得好開心。
左面係host，中間佢朋友，右邊係紐西蘭仔，扮緊耶穌
講返個host，佢曾經有個日本妹老婆，仲有對仔女，似乎離左婚，仔女都跟阿媽返左日本，我唔知係因為佢呢個狀態令到佢屋企人離開佢，定還是係佢屋企人離開佢之後佢就放棄自己？
唔知呢，關我鳩事？
