知道Seval係女仔之後,有少少尷尬之餘,其實更多係驚訝。我估唔到係土耳其會有一個女仔鍾意踩單車到做埋Warmshowers既host。
係,呢下係我有d偏見,的而且確我暫時未遇過女host,伊朗既Afsoon嚴格黎講都唔係host,只係執我地返屋企。
如果Seval係玩Couchsurfing,我一d都唔驚訝,但Warmshowers真係……
簡單幾句道歉化解尷尬之後,我同Seval約定捽完老泥就上佢度飲咖啡。Well,聽落係有d邪氣,但可惜小明都一齊去,而且佢同佢家姐一齊住。
Oh well,更加邪添……但同時原來佢真係有玩Couchsurfing,依家host緊個智利妹。
Okay越黎越不得了。
斷斷續續落雪,為聽日既暴雪做足準備
坐船去返歐洲區,再行去Seval屋企,Okay,我承認,佢真係幾靚既,反而智利妹係唔掂既。
Seval已經三十歲,睇個樣一d都唔似,佢係有部roadbike,但擺係屋企擺到條呔漏晒氣都知佢好少踩,佢亦只係聽人講先試下玩Couchsurfing。佢話佢家姐唔俾佢host男仔,所以只係能夠上黎飲杯野,或者食餐飯咁。
屌你家姐,遲早燒鳩你春袋!
傾下d無聊野,飲下Turkish coffee咁,都係求其hea下話睇下會唔會再約食飯,到十點幾我地就走,行返Deniz屋企。
訓醒之後,係Deniz同佢朋友送別下,我同小明就踩去輝輝屋企。初頭還好,就冇跟Deniz既建議搭巴士,照踩,但一到海邊,d雪就倒屎咁落,勁既程度可能仲勁過果次去Tatvan。
雖然同樣係市內,但係咁既環境下,我地大半粒鐘都仲未到大學既山腳,就求其搵間野食避下雪先。海邊好多人放狗,唔知做乜撚落雪都要放狗既,食飽之後,我地繼續踩,屌你有隻狗追撚住我,我諗住有人養既狗應該唔會無啦啦咬人啦,丫屌佢追住一野噬落我後面個馬鞍袋度!傻的嗎?
如果你隻死狗公係咬到我呢,我一定捉你俾老納處置!
大學校園有人玩滑雪板
我地循小路上山,斜到痴線,又係前轆會飛起既斜,加上積雪,環境十分惡劣。而係市內,我係冇咁好恆心堅持下下踩既,我最後都係頂唔順推左陣。幾經辛苦,終於到達輝輝屋企,原來佢同屋主一齊住,加上另一個香港同學略爺,一人一間房,我同小明就訓廳。
而原來呢一日係年三十晚(唔記得2015年有冇年三十喇,總之第二日係初一),佢地有個大陸朋友就邀請佢同埋略爺去一間中國餐館自己員工既團年飯,托輝輝既雄福,我同小明兩隻狗奴才都有得跟埋去,汪汪!
原來今日係農曆兩周年!