lihkg 咖啡同好區

係
因為由佢炒豆當天起計
入面每一日都有味道流失緊
當中有好既味道, 有壞既味道
同步咁流失緊
通常炒完豆頭 1個星期入面
唔好既味道比例會高啲, 所以我地會等
大概等1星期之後先開始飲
呢個我地稱為 養豆

因為亦都會有唔同既味道成分係到變化緊
有部分既味道係要 2個星期後先會出黎

但我最初亦都講過
味道係一直咁流失緊
所以我地會建議最好 4個星期內飲哂

所以成件事係一直都變化緊
每一日都有少少細微既不同
先需要去調整
而唔係用死同一種方法

哦
樓主解釋好詳盡
不過我等日日飲咖啡提神嘅凡人
邊有錢下下用新鮮靚豆
唔好話4星期，超市嗰啲有4個月都已經唔易
不過試過就知 味道的確係豐富好多

我平時開班咪就係講呢啲
不過宜家打字姐

其實你買啲新鮮炒起既豆都唔係話太貴啦
個味又好啲, 自己又開心啲

有無計過你手沖1杯成本係幾多錢

未計過 而家計
其實我用緊cheap雞咖啡粉
聖誕買咗磨豆機送畀自己，飲完包粉就會開光
咖啡30g，約$3.5
濾紙，$0.15
電費，計唔到
4蚊沖到兩杯咁啦

新人留名

樓主有開班？咩類型？

教手沖咖啡
少少歷史基本認知
由咖啡果實開始認識
味道, 品嚐, 萃取理論, 沖煮 都會包含

tg 上面有放過出黎
想join 就追下 post 順手睇下啲巴打討論

咁你啲豆又真係太 cheap
我平時沖既 精品咖啡
個層次都算係高檔
次於比賽等級, 高過 Starbucks咁
平均沖 1壺 250ml 左右既啡
8~10蚊左右

其實唔貴
平過出去飲貢茶啦

想窮風流嘛
其實我喺外國，咖啡豆都唔貴
不過就唔係咁方便成日去買
遲下搬屋就或者方便啲

早知有呢個post就上嚟問問先
磨豆機係最昂貴嘅嘢
我買咗下面呢部，應該不太差吧？

外國真好
香港買乜都貴

其實我無用過你呢類機
答你唔到好唔好
但價錢可以反映一切
我宜家用緊小富士(日本制電磨)
正價4500左右
有時樂天唔知做乜會特價
我買果時連運費全包 2800

之前就用手磨, lido3
1300 左右

磨豆機既重要性你知唔知個分別先

咁我返出去先
我呢部400蚊唔洗
我唔知磨豆機有咩重要性，請指教
我只知唔可以用blade grinder，因為磨出嚟大細唔均勻，又太熱

懶得打
Google 返自己 2016年既咖啡 post 曾經咁講過

磨豆機，唔係對於 手沖 重要咁簡單
而係手沖，機沖，所有野總之係咖啡就 十級重要

上面我有提過少少 萃取
咖啡，其實成件事都係環繞住萃取
不論係 手沖 定 espresso
萃取，extract
簡單黎講，就係咖啡粉入面，有幾多物質可以溶到係杯野入面

你幻想杯入面既係茶葉就會易啲理解
茶葉放得愈耐
入面既味道出得愈多
杯茶咪愈濃
咖啡都一樣

但咖啡唔似茶
咖啡唔同時期 萃取 到出黎既味道
係完全唔一樣
簡單分做 前 中 後期
前期，酸味
中期，甜味
後期，苦味

咁如果 咖啡粉磨到出黎 形狀大細不一 既時候
大小適中既 粉粒萃取緊適當既味道果陣
過小既 粉粒 由於太細粒，佢已經萃取到後期
出黎既既味道會過苦
過大既 粉粒 由於太大粒，佢仲萃取緊前期
出黎既味道會過酸

成杯野就乜味都有
唔夠清晰，雜亂無章
就唔好飲

所以好既磨豆機，首要係磨得平均
令你可以有效咁控制萃取率

除非真係好有興趣
否則投資幾千蚊買部磨豆機唔係一般人願意
雖然一分錢一分貨
但一般家庭環境都冇咁大地方擺
手動又唔方便
真係好難取捨
樓主嗰種級數嘅機，應該係商用級吧？

家用級

其實都唔算好大部
手沖用既磨豆機其實佔既空間唔大
好似幾本書拍埋企係到咁架咋

手磨其實都好方便真心
我果部 lido3 已經係中高階既手磨
1000 蚊樓下既, 幾百蚊都大有選擇
沖1杯都係磨 30秒左右
量埋豆磨埋粉, 啲水岩岩好差唔多煲完

我用過

入門平平地玩下冇所謂，當試下，反正真係好平

但唔好對佢有太多要求就冇所謂

但佢用起上黎係 超～ 級～ 麻～ 煩～
D粉痴晒喺個兜四周，要自己搵野掃返佢落黎

話說我呢部野仲喺度，有巴打想粗粗地想試下自己玩下磨豆入坑嘅我可以送俾你，你唔嫌佢煩就得啦

有冇人用開moka pot, 有冇咩豆推介, 同埋奶你地用咩奶, 我平時用開雀巢紅色果盒鮮牛奶, 我見d 酒店餐廳都係用呢隻

宥無玩Moka壺既巴打
Moka壺咖啡粉 有無邊隻平靚正

要用就用日本奶啦,價錢差唔多
雀巢果D奶一陣怪味

小弟而家搬左set 手沖返office 返工時沖啡
但用緊個Hario 手磨，磨到手殘仲要d 粉唔得
所以諗住買個細細地既電磨用，可以快d 輕鬆d
想問下有無推介？
首要條件係要細部慳位，因為諗住擺自己個位
之前有既巴打用WPM ZD-10, 係未都ok?
佢同小飛馬比邊部大部d?

自己磨啦巴打

係真係有怪味
小弟20年嚟都唔飲奶因爲覺得好臭
之前爬文見人用明治紅盒話易拉
點知發現原來味道都易接受好多
早知細個飲多啲就唔洗做矮撚

教部機磨最幼都係勁粗,你可以慳番

買奶真係一個好麻煩既問題,有時又想平d等超市減價
有時連隻奶都無貨,宜家我買奶個價都keep係15蚊左右

講起同豆傾計
有個關於舊豆嘅問題想請教
利申咗新手先
小弟有包豆大概一個月啦
沖嗰時沉曬喺底咁
出到嚟比較苦同埋水
唔知係咪側邊流走咗
想問吓一般嚟講對付舊豆其實有咩方法？
沖力大啲沖起佢or磨粗啲咁

咩豆黎?
邊度買?

兩樣都可以試下

但你果包咩豆黎, 係邊到買架
其實就算1個月, 應該都唔會去到咁苦同水架喎

應該係技術因素比較大