舊 post
https://lihkg.com/t/389705/1
係講咖啡之前
首先講下咖啡豆其實係咖啡果實既種子
未烘焙之前係白白地色既
烘焙之後就成為我地平時見到既啡色豆
根據烘焙度可以簡單分為 淺焙,中焙,深焙
一般平時係coffer shop 叫杯latte
有拉花會加奶
果啲就是 中~深焙既豆
味道會偏向深沉啲厚實啲
而最近開始多左人飲 淺焙既 手沖咖啡
又或者係精品咖啡
淺焙情況之下,可以飲到咖啡果實本身既果香酸味
而手沖亦可以令到更多既層次帶到出黎俾人去品嚐
有咩味會飲到? 理論上可以有好多種
我又簡單講一下
檸檬 橙 蘋果 葡萄 菠蘿 藍莓 咖啡花 茉莉花 薰衣草 肉桂 羅勒 等等都會有,甚至係 甘蔗 碗豆 牧草 小黃瓜 都有機會會感受到
以上講既,可以大概分類為 果香 花香 草本香
仲有朱古力 焦糖 堅果
太多了我都唔知點講好
其實我是來推廣精品咖啡的
大家都歡迎講下你地平時會鍾意飲啲咩
espresso都無問題架
即溶就盡量唔好因為好多添加劑