測量(GP,BS,QS)討論區5

不過外行入黎，再進修去考到牌我都見過，佢地所付出既時間同努力真係比本科生多好多，我諗壓力都大好多，所以我都好欣賞佢地

有樣工作上既野想分享下，好多細既入到黎都係咁諗，以為好易做專業人士，原因就係因為聽過外行人入行既成功例子。老實講，最後都失敗多，因為佢地好多都假定左自己將會係呢班成功既人，但其實人地係背後付出左幾多幾多又係咪真係清楚又係呢一回事；人地受到既壓力，自己受唔受到又係一回事。好似俾人地既成功例子充分左自己頭腦咁

我唔係話睇少年輕一代，不過希望年輕一代唔好睇少呢行

好啊 我想讀嚟留返拜山用啊 咁可以點做啊？ 點解唔可以由低讀起一定要睇死人？ 我可能最後都係loser 堅持唔到而放棄 357年時間唔係問題 只係想問第一步可以點做 應該讀書（high dip)定就咁白紙去見低級職位 我就係唔熟識呢行先問 如果有咩得罪地方多多包涵

呢位巴/絲打，介唔介意透露下你今年幾歲？我覺得都會影響到你既決定

二十中 我知道自己起步可能遲 未必考到牌 但希望讀返個叫做「專業」少少嘅嘢 當然你地條路一定比我地外行人想像中難好多 亦好易失敗 但我覺得與其自己怨自己一世讀文商科無用 點解唔試吓另一條路 就算失敗咗 我最多做返文員仔過一世 但我起碼試過 我知道你地專業所以就探吓口風 都係果句 如果有咩得罪當我經驗淺唔識世界 還請多多包涵

有無bs巴打留個tg傾下 前路茫茫

https://t.me/catsaregood

mine 真心想問下師兄師姐一d問題

連登有愛

有咩唔可以係度問，有唔少BS 連TG係咩都唔知

學生哥year2 求指點

指點啲咩先？你唔係expect個社會會有人無條件將自己做野咁多年累積既社會經驗打晒出黎同你分享下嘛

唔夠膽話指點，但出黎做野，最起碼要學識點樣問問題。要sensible

我仲追緊post 我話求指點意思係見到唔明會問返
唔係想伸手黨 都知道自己上網做下功課先問

係呢度都多謝返答過我既各位巴打
你們的資訊很有用 比到好多意見我 同埋幫到我訂到目標
連登有愛

早喺2004 年已經有成堆同胞拎到MHKIS......

20中入行唔算遲
入行後條路點行
講到尾睇自己醒唔醒目
個人意見係入行後牌係要考
但唔好俾「測量」呢兩個字局限自己嘅想法

為咗收多D會費

D老細為咗平價請人....

出賣自己個行業，中門大開，

叫多D人入來溝淡個價

轉左咩

多謝指教 但可唔可以唔入行讀咗先 即係直接讀pt degree 或者 high dip? 但如果咁做相關學校係咪唔會收？ 因為自己都怕如果0知識 連sub仔見工機會都唔會有 然後陷入無經驗同無知識嘅輪迴

學會班高層就fat fat啦

建議有得讀就讀
肯請外行白紙多數有伏

呢行dup左好多啦
你洗左錢去讀書其實一定覺得唔好浪費喇，咩垃圾offer都搶住要
就算本科ugc搵工競爭已經好大，你估5 6年前咩
sub仔都未必有人肯帶白紙，識人另計啦，但你識人仲洗鬼上黎問咩

好，咁我當25歲
我意見同上面巴打一樣，一定係搵到份工肯請你，你先去報進修課程。因為咁樣風險細點，不過搵唔搵到工就靠你自己喇

上面有巴打都有講，可能會搵到sub仔工做，不過我覺得咁既情況唔太好。首先，我覺得考牌條路最大路都係係做consultant,其次main con咁去，如果做左sub 仔，加上年紀情況，我覺得好難好快地跳番去consultant/ main con 去開始考牌，到時跳左槽，讀埋書，可能都已經20到尾先開始簽簿考牌。

當你搵到工做啦，例如consultant, 你因為外行人，所以職位上應該係低既。工作上既野唔評論，有心做我覺得最後都會掌握到，不過有一樣野你要考慮，就係個心理壓力。當你25歲入去做，但其實你會發覺到好多同你同post 既人都會係細過你，可能會有情況係你上面個個年紀同你差唔多/ 仲細過你，呢種心理上既自卑同壓力我相信每個人遇到都會有點難受，咁點樣去面對就靠你自己。如果當你一開始係做sub仔，做左年幾度先跳到去consultant/ main con ，個陣都已經27、28歲，但職位上仲係最低個層，咁我上面講既情況就好大機會發生，心理壓力都自然增加。

學無先後，達者為先，如果有心既，終會有一日成功

所以我既建議係睇下你而家博大露睇下有冇公司請你先（睇下係邊類型公司），先再決定進修

做完sub仔後，consultant就算知你識野
明知你要人幫手開簿，要考牌
開個價隨時當fg出

個陣仲講過唔知乜野話俾班地產佬做會員（唔係專業會員）

心諗真係唔知痴左邊條根.

係

我覺得safety本身門檻低d，質素比較參差
無咁易比張cert局限，有料易d突出

都收緊左喇好似，聽d做安全既朋友講，個陣時好景，一班外行人入黎。同埋佢話佢地個資格相對上冇咁難拎到，所以都多外行人拎到資格做安全主任，變相而家都冇咁好撈

好啊 我想讀嚟留返拜山用啊 咁可以點做啊？ 點解唔可以由低讀起一定要睇死人？ 我可能最後都係loser 堅持唔到而放棄 357年時間唔係問題 只係想問第一步可以點做 應該讀書（high dip)定就咁白紙去見低級職位 我就係唔熟識呢行先問 如果有咩得罪地方多多包涵

呢位巴/絲打，介唔介意透露下你今年幾歲？我覺得都會影響到你既決定

二十中 我知道自己起步可能遲 未必考到牌 但希望讀返個叫做「專業」少少嘅嘢 當然你地條路一定比我地外行人想像中難好多 亦好易失敗 但我覺得與其自己怨自己一世讀文商科無用 點解唔試吓另一條路 就算失敗咗 我最多做返文員仔過一世 但我起碼試過 我知道你地專業所以就探吓口風 都係果句 如果有咩得罪當我經驗淺唔識世界 還請多多包涵

假如有surveying asso,之後先再有個non related top up degree ， 仲入唔入得番bs?

報左Hku MscCPM

希望有OFFER