收工食飯。
無嘢嘅無嘢嘅無嘢嘅無嘢嘅無嘢嘅無嘢嘅無嘢嘅無嘢嘅無嘢嘅無嘢嘅。
啱啱嗰下撞得咁犀利,頭暈眼花姐。世上邊有嗰種樣貌嘅人啊?黐線架黐線架黐線架…幻覺黎姐。
…睇黎係工作壓力太大,再係咁落去,睇怕係我會訓係啲病床度,俾同事照顧返,到時仲有面見人嘅?啲老
鬼實話:「小小野都捱唔住,仲點撈呢 行飯?」佢地講嘢嗰陣個瞄咀瞄舌樣,真係見一鑊就想打一鑊,如果
問醫療界乜嘢最恐怖,我諗就係啲是非精。
好吶好吶,要放鬆下至得。就係放假,去邊度旅行好呢?唔…馬爾代夫,挪威,冰島,印度…唉印度,算
啦。等陣打俾男朋友傾下,佢揸主意成日都有驚喜嘅…
講到呢到,要介紹下我男朋友,佢叫 蘇漢森,成日自稱So Handsome,靚唔靚仔,就真係見人見志,米七
幾,有少少肉地咁囉。佢每次唔知醜話自己係So Handsome嘅時候,我都會叫佢 騷漢Sam。嗯…係,佢個英
文朵真係幾公厠,叫做Sam。
佢係個鹹濕到不堪嘅男仔,鑊鑊上我屋企都要扑野,仲要係兩次咁多,有時我話唔想要第二次,佢就話好事
當然要成雙。我心諗,又唔見你有兩碌鳩嘅。
不過咁講,佢「嗰度」除左堅係粗大持久到誇張,有效抒壓之外,真係無乜優點,每次啪啪啪啪啪啪完一輪
之後,啲工作上不如意嘅事情,真係會一肛春水向閪流,乜嘢壓力都俾我拋諸九霄雲外。
當然,其實,佢係個好溫柔嘅男朋友(都係嗰句,除左係床上),佢由中學開始追我,我year3先應承同佢
一齊,所以好珍惜我。佢記得曬啲紀念日,好有心機咁準備禮物同活動;我有小小唔開心,只係撅起啲啲個
嘴,佢都即刻feel到,會想盡方法黎呵我;又會陪我做啲好傻嘅事,夏天會同我,跳落德福嗰噴水池玩水,如
若行街太攰,佢會當街公主抱我,閃盲周圍啲情侶……每次諗起佢做呢啲「衰野」,我都會忍唔住傻笑。
嘻嘻嘻。
「喂,姑娘,你想食咩架?快啲點餐喇,後面好多人等梗架!」點餐姐姐對我咆哮,成間canteen嘅人都聽
到曬,瞬時靜左幾秒。我相信,除左A level中文個人短講嗰陣,突然完全諗唔到仼何野嗰幾秒,人生從來無試
過咁接近死亡。
「唔,啊…照舊啦。」
「姐係想食咩呢,娘娘,請問?」語帶不屑。
請問你老尾啊我黎左三個月日日都叫油鷄飯你琴日係我點餐嘅時候仲要同我講日日吃呢啲唔撚健康食少啲
我仲話你好好人觀察力好好你依家連個落臺階都唔俾我
「豆腐火腩飯。」眼尾瞥到呢幾隻字,我隨口道來。旋即聽到後面,有幾聲冷笑。
屌您。
拎住碟飯,我緩緩行返去醫護人員用餐區。
頽然坐低。
「嘩~呢碟咪係男人的浪漫?」係一把令我好有安全感嘅聲音。
一抬頭,係阿Sam個尻樣,佢成日會無通知下接我放工,俾驚喜我。
「想問呢,黎梗想去邊旅行啊?」我即刻露出笑容,隱藏心中陰霾。
「印度。恆河。必遊,之地。」佢慢慢坐底,煞有介事。
「恆河呢,靚係靚,但係…好似唔係好安全喎?」
「唔驚啦,有我係度架嘛,我倚天劍一出,誰與爭鋒…啊?」突然,佢望住我身後,楞左一楞。
「小朋友,你係咪黎搵姐姐啊?」
聽到呢句,唰地一聲,全身酷涼,鷄皮疙瘩,毫不爭氣,滿是手臂。
硬著頭皮,我轉頭望去……身後