做左護士十年，講下尋常醫院中嘅不尋常

我做嘅第一間病房係兒科，原因無它，醫院隨機分派。
係入去做之前，我對呢度嘅工作環境充滿期待：啲小朋友好可愛；又無咁多奇難雜症；仲無乜壓力添。
但係，工作起上黎，完全係兩回事：小朋友嘅病特別難治，尤其係癌症。有好多好多次，我見到啲小朋友就黎病好，由愁眉苦臉，慢慢變做笑容可掬，但係第二日啲姑娘話我聽佢地已經「包左」。
而我永遠喊得俾啲家屬更傷心，我係個好撚感性嘅人。
細碼屍袋上嘅浮凸，陰影特別深刻。
細嫩肌膚上嘅血痕，色彩最是殷紅。
空氣中瀰漫嘅漂水，難掩刺鼻尿騒。
有時候，我根本唔敢望佢地，一個唔小心，淚水就會傾堤而下。
但係我唔會放棄做護士架，因為係爸爸嘅遺願。

講返正題。

同好多病房一樣，兒科病房都有傳說。
入ward前，病房經理有意無意咁提醒過我一件事：「阿Ling,如果有朝一日，你係病房見到一個著病人服、膚色灰白嘅男仔，記住記住，無論如何，你都唔好同佢講野。」
我當時笑笑口：「咁佢地有啲病到咁交關，面色梗係差架啦，唔通真係唔睬佢地咩？」心諗：「又想嚇9我。」
「仲有，個男仔係白色瞳孔，眼白位置係黑色嘅。」經理翻一翻白眼，張牙舞牙嘅鳩樣。
「無野嘅，我時運高，同我又唔信呢啲野嘅。」我輕輕一笑。
「總之你要記住啦」經理拍一拍我膊頭，順勢摸左我鎖骨一下。
「每一個病房，都有啲野，唔由得你唔信架～」佢扮曬語重心長，色迷迷嘅眼睛，係我身上面貪婪咁遊走，仿彿已經奶足囇我全身。
嗰個經理出曬名鎖骨控，但礙於佢權力大，我只係退左退，未有多言。
過左好耐，相安無事，對於經理，我可避就避（當然，佢最後付出左啲代價，往後再提），灰白小孩，則從未出現。

幾好 留名

Lm

快啦

live.

今日出左場大意外。
有個小朋友係走廊上一邊大叫，一邊跑黎跑去，叫都叫唔住。
有個前輩上去追佢，一野抱起個細路。
「咪左住我，我玩緊兵捉賊架。」
「傻瓜，你自己係度跑黎跑去咋嘛。」前輩說過，便抱佢轉身，想送小朋友返床。
只聽到唰一聲，說時遲那時快，唔知點解，佢扑左個街，懷中嘅細路，就好似MMA裏面俾人鎖住嘅選手咁，直接撞左落走廊護士站嘅枱角。
個前輩聽到啪嘅一聲，已心知不妙，立即起身。只見懷裏全部都染紅曬，個小朋友眼耳口鼻全部都流梗血，躺沐於自己嘅血中。係嗰刻，四圍靜矖，行色匆匆嘅同事們都停左落黎，但竟然無人衝出去救佢。我諗大家嗰一刻都被嚇傻左。
啪噠啪噠，前輩身上嘅血掉落地上，聲音清脆。
呼嚕呼嚕，小朋友嘅血泉湧而出，染紅左米白色嘅地板。
「啊啊啊啊！你地仲企係度做咩啊？快、快啲救我個仔啊！！！！」一把尖銳嘅女聲劃破靜寂，婦人飛撲上去，用淺紫色嘅毛衣，蓋住頭部流血嘅位置。
呢個時候，醫生、護士先至如夢初醒，箭步上前止血。婦人則俾幾個病房助理拉開，一邊咆哮：「係你地班扑街害我個仔架，你地一定要醫好佢啊啊啊！」助理忙著安慰婦人：「我地一定會盡力救佢架。」
我當時年資尚淺，完全唔知點算好，幫唔到仼何忙，成碌鳩咁企係到。
「喂喂喂，阿Ling,快啲拎多條止血帶黎！明仔，你拎張急救床過黎！」
我立即轉身，衝向設備室，但我知道，嗰個細路已經失血過多，無得救…
…咣！
我行得太快，係走道嘅轉角位，撞到個小朋友，道衝力太大，我立即被撞飛到地上！
呢一撞唔小嘢，眼前竟昏昏沉沉，但係我都顧唔到咁多，連忙撐起身，同個小朋友 say sorry, 然後…
咦？被我咁樣一撞…佢，仲企係度嘅？
定睛一望，個小朋友，渾體灰白嘅皮膚，白色嘅瞳孔，黑色嘅眼白…
我立刻移開視線！！向設備室9沖！！
噠噠噠噠，急步揚起寒風，寒風呼呼地吹過耳朵，耳朵一片冰涼…！
病房燈火通明依舊，各處人來人往如常，但無人知道，我今次扑街喇。

留名

Lm

LM
Btw 做緊兒科病房，睇完好L驚

留名等睇

留一留

分段

Nursing留名

留明先

係醫院做野 經常出入兒童病房留名

半個仔房男姑娘留名

留名

留名

留名

唔明點解撞到枱角都眼耳口鼻流血
仲要失血過多

LM 好驚阿

留個名

留名 考完試睇

lm