樓主可唔可以唔好用鄺體寫故
幾隻字都用逗號
🤔🤔喔?例如邊度?
「我停下腳步,回頭,脖子上的齒輪咔咔地響。」
我中文都唔係好得去邊但睇好多小說/書都唔會不停用逗號
文筆真係有待改善
仲有好多句都係咁唔copy晒出黎啦
如果寫作中經用逗號的話可以留意下自己係咪有寫完整句子(?
比如「我停下腳步回頭一看,脖子上的齒輪咔咔地響。」
咁件事會完整好多、如果按最初「我停下腳步,回頭,脖子上的齒輪咔咔地響。」
感覺我好似係睇緊劇本咁話比演員知佢接下來既動作係乜野、而唔係以故事形式話比讀者個個情形/環境
利申:唔識寫野 只係個人觀感
好多謝絲打嘅意見,可作參考
但暫時仍傾向用番原句,原因有二。
一,文字節奏問題。
因為係書面語驚慄故,所以都想控制番個文字節奏,盡量慢啲,凝重啲。要達到呢個效果,其中一個方法係多停頓,如果成篇文章都係長句,就難以做到慢節奏喇(以我嘅功力而言),例如:
「我停下腳步,回頭,脖子上的齒輪咔咔地響。」----------係一個一個動作,慢慢地做,氛圍係緊張啲嘅。
用絲打嗰句「我停下腳步回頭一看,脖子上的齒輪咔咔地響。」--------讀者就會連貫咁讀,語速會快左,但個氣氛就唔喺度。
如果用絲打嗰句,我都會寫番 「我停下腳步,回頭一看,脖子上的齒輪咔咔地響。」原因都係一樣,想減慢個語速。如果要改寫,我會改做「我停下腳步,慢慢回頭,脖子上的齒輪咔咔作響。」(我原本想咁寫)但係,問題又黎喇,「慢慢」同「齒輪咔咔作響」都係代表好慢嘅意思,可能出現語意重複嘅問題。
二,動作次序。
「我停下腳步回頭一看,脖子上的齒輪咔咔地響。」係講梗停低之後回頭望,加左「一看」二字,即已回頭望,脖子又何以響呢?呢個次序就好似亂左。
「我停下腳步,回頭,脖子上的齒輪咔咔地響。」就簡潔地交代左行為嘅次序。
利申:
純粹討論,引錄絲打句子只為作比對解釋,別無他意。
歡迎留言討文論句,我皆會參考茲以改進,只為令大家睇到更高質嘅故。
上屬個人意見,寫故新手,有錯莫怪。