啱啱重睇嗰結尾又係另一個感覺
第一次睇嗰時佢鏡頭一轉,影住由一家三口變到得番一個男人自己行上佈滿雪嘅樓梯我真係屌出聲,睇住老年版賢佑去拜海仁時嬲到麻木咗
反而過咗幾個鐘後再睇多次,當影到個墓碑上寫話同佢一齊嘅時光係奇蹟真係忍唔住流眼淚
同埋上面有人指出,又好似真係過咗四季之後賢佑就ready去天堂同海仁重遇
個畫面變番年輕版嘅佢哋,全白天使咁靚嘅海仁嚟接賢佑上天堂,兩個望住大家笑再一齊拖住手離開個畫面好靚,亦都感覺到白洪嘅最終結局係好幸福平靜
所以個結局的確係男女主以前提過希望死亡到來嘅時候會發生嘅事,亦係佢哋相愛多年後嘅最佳結局
海仁之前講過死後想葬喺嗰度又希望賢佑會攞住花去拜佢,手術前都講過呢個薰衣草園係佢哋美好回憶嘅一部分,又話過自己作為最愛賢佑嘅人,當賢佑時間到嗰時後會化身天使去接佢走,等佢唔洗怕可以安詳離去
如果之前冇鋪過呢d線就無端端跳50年後講佢兩個點死就真係多餘,但依家咁樣諗就覺得個結局都幾淒美,起碼佢哋講過同互相應承大家嘅野都真係實現到
所以結論就係,其實朴編只要喺呢個淒美結尾前加番20分鐘重甜嘅拍拖同再婚生活俾我哋睇下,呢個結局我係完全收貨
但依家就硬係覺得差咁啲嘢咁