在線解答養貓新手問題(10) 整合個新貓指引好

額頭似貓癬

請問有無空氣清新機推薦? 前排買左Aeramax但係好似麻麻地, 想要部可以吸埋味既機? 想知LG 部PuriCare 360 得唔得?

我最近都想買番部, 都係睇中Aeramax PT65, 哩部唔好咩?
最主要係想吸下隻衰貓D毛

2隻貓B都好得意好靚

靚但真係好百厭我D無噴油入櫃既模型全部陣亡晒,隻仔一想捉佢就會想咬人,NO佢都會照咬(教左佢地知NO係唔得)，又成日踩屎，尋晚又踩到成腳屎焗住要沖涼

女就反而乖DD咁大把但係八卦到一個點，我床邊同牆之間有條4CM左右闊既位都捐到入去，目前已經掌握好跟人尾入廁所，出入廚房既技巧,而且依家用產房做籠,佢地經常將D砂撥到一地都係(佢地細用緊12蚊大創膠兜)，又成日跳上去拆籠，一係放監果時靜雞雞入妹果2個廁所痾

妹妹有跟上面巴打教既方法脫敏，但2隻B係度果時佢唔太比抱(本身佢都唔太比抱)，依家妹妹係行過就FEE然後就一巴打埋去,但有時又無野,基本上個感覺就係我想同你玩就玩,唔想果時就彈開

同埋妹妹係匿多左衣櫃頂,脫敏訓練時我都係零食引佢落少少等佢地接近下,佢自己有壓力就會跳番上去,但有時佢又會自己落黎(飲水又或者監視),佢地用過既物品又無唔用/抗拒/FEE,又會係佢地面前去廁所,不過妹妹係嚴重社恐所以依家都係睇住情況等佢地慢慢接近

你模型都係收返好啦
啲件咬甩又煩
又可能食咗
我地屋企呢啲都係入櫃或者放啲高位

你個砂盤可能唔夠佢轉身所以好易踩屎
要平可以試aeon有隻一百蚊內盤
個頂會阻到飛砂出去
唔係100%阻到但大部份

幼貓係好奇
同埋貓中意係呢迫嘅地方訓
你可以買返個同妹妹一樣嘅盤比兩個細用
可能真係daiso盤去得唔爽


妹妹可能暫時都係抱住比佢望兩隻新貓玩先
有時如果三個都眼訓就包住兩隻細抱佢地去妹妹隔離坐下一齊訓

妹妹都有返啲年紀唔係一時三刻就可以接受佢地
花多少少時間寵下妹妹以免佢壓力病

我果隻都係三個月大貓女 又係勁百厭同惡 成日入廁所廚房 又咬人手手腳腳

我試過佢咬就深喉佢又或者彈佢鼻鼻都好似無咩用
上次深喉佢仲一個樹熊唔撚係掛個樣望住我
不過佢係想兔仔踢應該係以為玩

咩叫深喉佢

唔建議用體罰方法
一來佢地唔受呢套
二來只會令佢地唔中意你

用手掌擋開就好了

無噴果D我預左佢地搞果D都擺左好多年佢地唔搞我都唔覺佢地係度
有噴果D全部入晒櫃架啦,係搵日要清理好床頭D模型費事誤食

佢地有用妹妹個大砂盤就好似無踩屎問題,我開頭唔敢買太大係怕佢地活動空間小左,依家都準備換大小小架啦 同埋佢地太鐘意訓砂盤

妹妹基本上我地個個出門口都會跟出黎要交過路費(摸屁股)先比走,夜晚都係會上黎我身上訓,基本上係佢地放監果時大壓力D,一收番佢地就無野

隊隻手指入去見過有人話WORK所以先試下

彈鼻其實都係好細力唔會痛果種

兩樣都唔建議
有啲人話噴水嗰啲都係唔建議

吸力麻麻, 放係房用都OK 既

照左紫外光，又冇反光，咩事呢？

咩都睇唔到
你返開啲毛再影
紫外光燈係會見到螢光，如果生貓癬

岩岩接左隻4個月貓b返嚟一星期 餵佢食緊隻乾糧 浸濕咗再餵 但係keep住痾爛屎 痾水咁濟 但係精神胃口都好好 醫生俾隻益生菌都冇乜用 係隻糧唔岩定咩問題 係咪應該再帶佢睇醫生？

我都想求救新舊貓問題

而家我屋企嘅貓：

舊貓 仔：1歲多少少
新貓 女：2-3個月

搞左一段時間新舊貓關係暫時都ok？，但就係舊貓幫新貓舔毛到一個程度嘅時候，應該係新貓開始唔耐煩就咬舊貓，舊貓都會咬翻佢轉頭，新貓就係咁叫叫到好慘咁，但我估應該係舊貓教緊新貓？所以冇乜點阻止佢哋。

而家最慘係舊貓食嘢不嬲都中意食兩啖hea 吓又再食，食得比較偏慢。新貓就係暴風吸入完全相反。一開始新貓困籠時係入面食，舊貓都冇乜嘢。而家開始放出嚟嘅時候，新貓暴風吸入完就會去搶舊貓嘢食，舊貓之後就會停低望住新貓食舊貓可能只食到大約一半（哩個係罐嘅情況）
乾糧我哋係用自動糧機餵，到一個時間就出糧啦，一出糧新貓第一時間跑過去食，舊貓又係坐喺度望住佢食，仲要一食就食晒咁濟我哋試過出糧嘅時候捉住新貓拎開佢唔比佢食，結果舊貓好似好驚佢會搶咁就食得好快（之前乾糧都係食吓停吓咁）。過咗一陣之後就嘔翻晒出嚟，好多都係原粒/碎糧。再之前又嘔咗兩次黃色液體（我估係太餓？）。到今日，我哋凌晨12點會出一次乾糧嘅，大約凌晨5點令又嘔咗一次碎乾糧

真心想問吓可否點搞感謝大神

今朝帶咗貓仔去睇醫生，要餵佢食藥丸藥水
醫生有教我點餵，但返去餵完一次貓仔就嬲鳩我咁
新手貓奴表示十分擔心之後嗰十日點餵好
有冇過來人分享下心得

新手養唐貓 兩隻貓女 5個幾月大
見到佢地個原始袋越黎越大 係咪正常

新手貓奴 想問下拎左隻兩個月大既唐貓番黎兩星期左右

拎番黎開始就困籠 係籠入面隻貓都算乖 又會撒嬌要我摸佢抱佢佢又好enjoy

到早兩日放佢出籠之後佢就長期匿埋 一見到我就好驚咁 我想摸下佢同有咩郁動佢又即走

想問下係咪太早放佢出籠要困番佢又籠 定由佢keep住匿埋到某年某日就會自己出黎

我嘅問題會係問你點解要浸濕啲乾糧俾佢食？
如果要去飲水嘅話就係俾佢飲水，一係俾佢食濕糧
四個月大，其實足夠可以食乾糧啲牙力
你不如試吓買啲只有雞嘅乾糧或者濕糧俾佢食吓先
雞肉通常比較少啲腸胃唔適應而肚瀉

會唔會試吓分開兩邊唔同地方食嘢
咁樣大家同一時間各自去各自嘅地方食飯就應該唔會騷擾大家
另外既然新貓啱啱嚟可以試吓俾佢食多一種唔同嘅糧
一嚟可以睇吓佢對啲咩敏感，另外佢食嘢食擴闊佢可以食嘢嘅範圍
跟都可以去可能會偏向食自己嗰兜嘢嘅味道，不過搶舊貓嘅嘢食

新貓只有兩三個月，應該盡量食返佢哋自己嘅幼貓糧
會吸收得比較好
三個月幾有貓都仲係發育期，其實食嘢應該盡量少食多餐

而舊貓本身有習慣嘅話，一日四餐大概都可以

另外佢哋兩個相處嘅時候如果有時可能會打交可能都先制止一下用隻手擋一擋
以免佢兩個打交受傷之後對大家有成見或者憎恨


同埋貓有時食得太快，所以冇完全咀嚼所以令自己嘔
睇吓解決咗佢哋搶食嘅情況之後會唔會會解決埋呢個問題
黃色嘅話應該係因為嘔晒啲食物出嚟仲有冇其他嘢嘔而嘔少少胃液黃膽水之類

都係要照餵

最多餵完之後安慰返去玩返或者餵佢食零食

只要記得餵佢嘅時候盡量唔好太大力整傷佢咁都冇乜事嘅