在線解答養貓新手問題(10) 整合個新貓指引好

如果你諗緊成個玻璃櫃個啲應該99.9999都係大陸淘貨嚟

如果只係一嘅小貓窩個啲都係好多都係淘貨嚟
但都有唔係淘嘅
外國野貴啲
Petline好似見過一啲
上次去赤柱個商場都有間賣啲外國野
應該有其他分店嘅

想問如果我用開滴露洗衫，就算唔係洗貓貓用品，之後係咪都要轉埋連人都唔可以用滴露洗衫？

歲幾既貓貓接返黎第一晚有痾屎. 第2晚冇痾 同埋暫時都未見有痾尿. 請問係咪正常? 有冇ching隻貓一開始都係唔肯去廁所? 之後會正常返?

簡單分番名先:
新男貓B叫仔(3個月)

新女貓B叫女(3個月)

舊女貓叫妹妹(14歲女)

舊男貓叫哥哥(已番貓星)


仔同女終於三個月大,之前問既感冒同癬都好番晒,最近開始面對面脫敏訓練,因為屋企問題一開始已經做唔到完全隔離(最多係籠+布隔) 屋企人又會手多每日放佢地1-2個鐘出黎跑,依家入左屋一個月多DD

妹妹由八卦去到依家相處同一個空間係無視仔同女照去飲水(妹妹反應好一時時,有時會急急腳走入我爹娘房/衣櫃頂避風頭,有時會出黎食佢地D野,有時會係高處監視,交換過味道妹妹無明顯反感,久唔久有主動聞佢地屁股,但有時聞完會哈氣貓拳有時又唔會,而且有明顯護食行為,隻仔見到有人食野就想去八

其中隻仔太鐘意玩,成日見到野就想撲,然後比妹妹貓拳侍候,隻女呢一對望就會縮埋唔郁,但妹妹行過就會慣性哈氣然後打佢一拳(應該無出爪)

最近開始每晚會係我房做15-30分鐘既脫敏訓練,用妹妹最鐘意既零食去餵佢,佢緊張低吼就等佢平復D再比零食,目前差唔多試左4,5日進展都係一般,但應該有少少進步應該算係由唔願意落黎到有零食會落黎一陣到依家未比零食都會落黎,食完仲會HEA陣先上去,好難講好定唔好,但我個人覺得係好左既,但太近都係會哈氣同出拳,仔同女無反擊但仔依然好想去撲妹妹,無論係妹妹去廁所會係廁所門口等佢又或者好似123紅綠燈咁唔望就行埋去

尋日妹妹開始趴低對仔露左一陣肚仔,但仔跳埋去撲結果又變左貓拳侍候然後就變到好緊張,之後就話要出廳(訓練時我關左房門,妹妹叫開門我先開)

依家我應該KEEP住做脫敏訓練定係唔做住由佢地隔番好,另外妹妹本身仲有個哥哥,但哥哥前年腎病走左之後妹妹脾氣愈黎愈臭,成日唔鐘意就打/咬人,本身妹妹已經係社恐,有人上黎/噤鐘就唔出黎(可以12個鐘UP唔出黎),以前都係哥哥八卦完妹妹先會跟尾出黎八卦,所以我唔肯定妹妹係咪仲係社恐緊定係點

想問下通常幾大就要帶貓絕育？
屋企有隻自來貓女bb 本來有4隻
得呢隻嗲人嘅自己留低咗
佢依家應該2-3個月大
全家都未養過貓 仲有咩要留意
唔該

Lm

食antihistamine

早嘅話六個月就可以

求救

第一次養貓b（個半月大）
佢識係貓砂去廁所
但唔知點解會係我床小便

之後我已即刻洗床單同抹乾淨同噴除臭劑
而家唔比入房
係咪應該困籠多一排？

Ps佢屙屎會撥砂，但屙尿就冇，算唔算未識晒？

驚咪用清水快速洗多次，不過最好唔用

【酚類 如：滴露Dettol】

※ 常見成分
Hydroxybenzene（苯酚）、para-chloro-meta-xylenol (PCMX) （滴露）

※ 作用方式

藉由使病菌蛋白質、酵素變性，導致病菌死亡

※ 殺菌範圍
細菌、有封套病毒

※ 優 點
在有灰塵（或其他有機物質）的存在的狀態下‵，滅菌效果依然良好且無腐蝕性。

※ 缺 點
有異味，會對皮膚和眼睛造成刺激性，需要注意的是由於貓咪對酚類化合物特別敏感，一旦被貓咪接觸或誤食會造成中毒，嚴重時會有致命的危險。

※ 小提醒：養貓咪的家庭要避免使用酚類的消毒劑，減少貓咪中毒的可能

貓囡5個月大 養左個幾月
餵個陣就無野
平時行近啲都fee人
我係咪應該當佢以後都係咁

三個月大貓 好鐘意成日入廁所 有冇方法拎佢入少啲

啱啱領養咗兩隻三個月大嘅貓仔
佢哋以前可能喺山上面生活唔係成日有嘢食，所以每次拎嘢食出嚟或者係人類食嘢佢哋都好似暴動咁係咁叫
暫時諗住飲食Pattern係咁：
9:00am 一餐
7:00pm 一餐
12:00noon 一餐

因為仲係好細隻貓，咁樣會唔會有問題，中間啲時間會唔會隔太耐或者食太少？
因為兩隻會爭大家嘢食，而有一隻食得慢啲，依家我望住都係仲會搶嘢食，所以唔敢用自動餵糧機，驚有一隻次次都食少左

貓仔應該放多d俾佢食，始終多數接返黎都偏瘦，需要幾個月時間養到正常身形，擺長糧等佢想食時可以食，同埋唔會一次咁猴擒食太多，小鳥胃食太多都容易唔舒服。我諗去到5-6個月大先變返4餐。7pm去到9am中間隔得太耐，最好加多一餐俾佢地，佢地都唔見得會訓成晚。
早晚就開罐頭等佢食慣先，大個再轉會好煩。
用自動喂食機就一定有隻會食多d架啦，兩隻就要買兩部或者係一部有分開跌兩份既款，否則可能有一隻完全食唔到。長遠都會需要用自動喂食機，早d用下睇下佢地習慣都好。

有啲遲覆你，不過通常第一二日都比較緊張唔食嘢唔飲水，所以就變相冇乜出

可以試吓將舊貓即係妹妹抱起坐喺梳化可能視乎情況比佢聞少少貓草咁樣坐喺度摸吓佢
然後兩隻新貓就可能喺地下或者有一段距離情況下玩俾佢望吓佢哋
再慢慢睇吓佢每日接受情況拉近距離，咁平時如果冇咩事睇吓佢哋會唔會打大交
因為舊貓通常見到新貓都會恐嚇佢哋俾佢知道呢度係佢嘅主場
之前代替照顧貓BB嘅時候屋企兩三歲嘅貓有時會過去睇吓佢哋舔吓毛
但係如果幼貓太過接近嘅話都會空返佢哋叫佢哋保持距離
所以我覺得可以喺你觀察嘅情況之下比佢哋做啲短嘅相處
留意吓妹妹相處完之後會唔會心情差咗？食嘢？少咗去廁所嘅情況會唔會改變嚟決定去到底會唔會會有太大壓力

如果只有一隻貓嘅話
貓女大概六個月已經可以做
建議喺一歲以前或者更好，發情以前就做絕育
減低因為女性病而產生嘅問題

如果未睇醫生就帶去醫生度檢查吓睇吓本身有冇咩病同埋打返預防針
上面都有大量嘅新手貓處理教學，如果唔明可以再問吓

佢可能有機會想同你親近，所以喺有你味道嘅嘢上面屙尿溝埋啲味
最好教一教佢
例如可以喺床裏面食吓零食，或者玩俾佢知道嗰個係食嘢嘅地方唔係廁所
或者暫時短期解決都可以喺上面鋪多一張容易洗嘅被鋪以減少佢可以屙尿嘅次數
假如佢屙咗尿喺床上面最好盡快清洗
以免佢經常都有L味轉移以為嗰度係廁所


會建議平時暫時關上房門喺有看管嘅情況下先上床同佢玩

假如佢去小便唔會撥沙都不是大問題
可以試吓教佢，但係如果佢唔聽嘅話影響都不大

唔一定嘅
夜晚同佢玩吓吓佢零食等佢知道你唔係一個敵人先
因為五個月大通常媽媽都開始俾佢開始獨立，而佢本身係街貓嘅話都有一定戒心

俾啲時間大家相處吓
可以試吓留意佢嘅安全距離係幾多，有時可能佢覺得你太近所以唔安心
或者有時你想摸佢嘅時候，佢會覺得有威脅
可以試吓打開手掌放喺度俾佢博吓問吓等佢覺得安全靠近先開始慢慢慢慢移過去輕輕摸吓下巴或者頭頂
最緊要速度唔可以太快，以免佢覺得你係攻擊

好奇心理只可以入一次抱一次，等佢知道原來入邊唔入得

兩個半月貓女 黎左屋企兩星期
早晚都會喂royal canin罐罐 長擺乾糧
乾糧佢成日行埋去聞兩下就算 一日應該食得30g
有咩方法迫佢食多啲乾糧 好擔心佢食唔夠

想問下咁樣係普通甩毛定其他原因

可能味道唔啱食
或者試吓第二隻
同埋可能早餐食飽咗之後瞓瞓到你返嚟夜晚再食都唔出奇
又睇過其實有貓基本上出咗門口都返屋企隨時可能中間係一起身一下又就繼續瞓