在線解答養貓新手問題(10) 整合個新貓指引好

想問隻貓兩個月大，見佢有時會食貓砂可以點搞？我用緊豆腐砂原味 （富士貓）

同埋佢會咬電線，係咪除左包好d電線之外冇咩方法？

ching又唔講埋住邊區

各位有冇貓砂推薦
用開果款用到尾碎曬盤底好多粉
想要可沖落廁所

汪喵米粒砂，冇乜粉塵又包得實冇咁臭

試下先

Sorry ，我住天水圍

啱啦，我去開元朗柏圖

剛剛接左新貓兩個月大，一開始都肯周圍行
開左吸塵機一陣就驚到哩埋左
而哩左係貓架底

今晚點算好 其實係咪要放入籠

新入屋唔係應該都要困籠，等佢慢慢熟習下既咩

我見網上話唔可以放籠....................
咁我狠心D...

罐頭倒出嚟食淨咗你哋係咪會即刻倒咗佢？定擺多一陣睇佢仲食唔食？

同埋隻幼貓啱啱開始喺籠度放出嚟等佢自由活動，佢夜晚成日一嘢跳落我度又或者咬我D手腳可以點

我都係養英短，
五個月接返屋企
可能喺貓舍社會化做得幾好
屋企個籠有兩層
都feel 到佢勁想出黎
所以喺佢肯用貓砂盤
食飲廁所全部都兩日內正常
我地就喺有人嘅時候放左出黎
放風一陣
見佢又無搵地方匿埋
訓覺我地抱返佢入籠
佢都好唔想咁
所以返左屋企四五日就俾佢自由行了

我果隻第一日都驚
第二日就望住佢吸
你放佢入籠俾佢適應吓先

佢唔肯係籠入面 不停叫又抓
尋晚我要攬住佢先無叫
食野仲要餵先食

出入過貓砂盤 但有陣時會長期坐係貓盤
佢堅係細膽
少少聲都要呢埋

之後點返工呀

我隻死仔都係長期係砂盤入面
但屙左野又好似唔會長攤係入面。醒到佢
無架佢地唔鍾意入籠都要忍疼放佢入去
唯有每日放佢出黎適應下
你果隻要抱先得咁嗲咁你試下抱住佢成屋咁行 同佢傾多啲計
我而家都係咁做。但出籠就唔肯抱了明明前屋主果陣任抱唔反抗。可能我抱得佢唔舒服

呢啲真係好睇佢本身性格
而家唯有攞多啲箱仔同毛巾砌多啲安全地方俾佢喺屋企入邊行多陣啦
分開整幾個匿埋嘅位俾佢多啲活動空間只有
我暫時未試過搬屋，但係如果拎去返舊居嘅話，佢而家都只係會攬住我全日

可能食得太耐耐厭咗隻味道會唔會試吓俾啲有咬口嘅肉佢食？
之後再可能隔幾餐再俾佢食吓溝吓唔同類型嘅食物

每次開罐放少啲份量，另外嗰啲攞保鮮紙包好放返喺雪櫃
到下一餐前面二三十分鐘拎出嚟用暖水浸住凍再拍少少俾佢食睇吓佢肯唔肯
或者你可能食飯嘅時間太相近，佢未肚餓

貓砂其實如果唔計少少尿尿嗰啲嘅食就冇乜所謂

電線嗰啲保護膠包住佢
我最初都係有幾條線要包住阻止下佢哋
隔咗一輪俾我阻止得多佢哋就冇再有興趣

咁吸塵機當然會驚啦，你停咗吸塵機佢覺得安全就會出返嚟

並沒有講唔可以放籠
一開始放佢入籠
除咗以防本身有貓會受到新貓嘅細菌感染之外
都可以令佢明白個係佢嘅安全地方或者係瞓覺地方
同埋可以話俾佢知呢個地方係你管嘅
而唔係佢自己話事
另外都係可以清晰留低氣味落啲毛巾同貓砂度

再加上如果本身冇養貓嘅話，最初困籠係防止佢喺屋企冇人嘅時候撞到其他嘢受傷之類

如果已經倒出嚟嘅，就唔好留
通常如果食量少嘅話，我會打開個罐
放需要食嘅份量出嚟剩低嘅用保鮮紙包好放雪櫃
再下一餐食飯之前用暖水浸住解凍
貓體溫通常36至39度，所以食物最好都大概呢個位置嘅溫度就好了

通常BB貓出牙，所以牙痕會咬你，你可以適量地阻止佢俾佢知道咬你會痛唔好咬
佢跳上嚟黐住佢都係當你係佢玩伴或者媽媽所以黐住你如果夜晚瞓覺想安靜啲嘅話可能都係放返喺籠入邊瞓覺

其實就唔係話需要二十四小時放六，如果你有時間睇住佢嘅話其實可以放佢出嚟自由活動吓
主要係睇佢活動嘅時候會唔會有啲咩危險嘢影響到佢
所以唔係話一定要俾佢坐喺個籠入邊兩個星期唔出嚟

佢只係暫時新到貴景唔放心同驚
如果佢黐住你，即係代表都信任你
之後如果確保屋企安全冇問題，就可以嘗試自由行睇吓會唔會會有危險，因為都唔會成世都困喺個籠入邊
主要睇吓佢去邊度活動開有咩危險嘅就要處理咗佢
如果唔放心，整返個cam喺屋企得閒冇事睇吓佢