在線解答養貓新手問題(10) 整合個新貓指引好

pet23
特價$850/4盒=12劑
包郵寄送上門

問左中心，佢地用果隻砂叫CAPPY
應該冇零售賣，google都search唔到

之前幾日一係屙係門口
一係屙係窗下邊

琴晚清潔完現場之後，放多左個貓砂盆係呢兩度
佢之後想屙
係個新盆聞左幾下，四隻腳冇行入去個盆
轉身想係個盆出面屙果下，同我四目交投
然後就跑走左

過多陣去左梳化張毛毯上面屙

心很累

你用咩貓砂？
正常用礦砂佢地會易啲適應

啱啱再睇先見到你寫礦砂
定係你個貓砂盆佢唔鍾意？
你個貓砂盆係開放式定有蓋？

已經係開放式砂盆
佢好似唔想隻腳踩落d砂咁
呢幾日都試過帶佢入去d盆
次次行到盆邊都唔肯踩入去

你隻砂係咪無味嘅？（諗唔到其他原因了）

有少少
岩岩再買原味豆腐砂同費洛蒙礦砂試試


頭先換砂
一清哂個盆佢就自己行左入去
加完砂又打回原形

我隻貓四歲 絕左育 男仔
點解佢晚晚都一隻貓係廳喵喵喵

黎緊搬屋想裝d躺門同貓窗 有冇咩推介
見fb同ig雖然有好多呢類型廣告 但驚中伏

新手想養貓
睇領養遇到隻一歲貓貓
見佢眼屎鼻屎都多
眼外都紅咗一圈
體溫都比較高
義工淨係話佢有感冒食緊藥
唔知難唔難好返/ 照顧呢

而家貓b咩環境

新手身一次養貓想問幾條問題

For 腸胃嘅益生菌你哋會用邊隻？
英短屙完屎之後屎眼有屎漬係咪屎太淋？
每次開冷氣個鼻好似鼻塞咁係太凍定因為閂窗空氣唔流通？

我隻貓無端端發癲好大力R自己後頸
R損左自己 搞到啲毛禿左
平時佢好少R痕
自己檢查左 唔覺有貓癬
唔知佢做咩發癲咁大力R
淨係琴日一次
猶豫緊帶唔帶佢去睇獸醫
因為每次睇完返黎都肚屙
仲衰過唔去睇

出去睇，然後淘寶買同款。
香港買價錢貴幾倍
$1xx一個香港賣成$900

你等康復完先接佢囉，唔好病緊既時候轉環境，誘發埋其他病就大鑊。
感冒呢d細個經常發生，食下藥滴下眼藥水就ok，飲食健康少壓力就會改善好多。

屎眼有屎漬唔出奇，屎係咪太淋要睇屎本身個形態。
開冷氣唔存在空氣唔流通呢個問題，本身冷氣就換緊氣。
鼻塞可以係因爲太凍/空氣塵埃/感冒等等...會唔會冷氣好耐冇洗？

佢要嘅係個人陪佢玩啊

咁即係唔中意啲砂啦？
重點係要睇佢用紙砂豆腐砂定礦砂同用咩味

悶？ 餓口喝通常都呢啲
再唔係可能捉到玩具叫你睇下

壓力大
啲毛打kick
？
或者痕
同佢掃掃毛
近排應該換毛應該會甩好多可能佢唔舒服

成日幫佢抆屎
我幫佢com 被仔佢唔要
我2月洗左次
今晚返去洗多次先

唔該大佬

已經試左4款貓砂
用埋野食引佢都唔肯踩落去

琴日屙左落糧兜隔離
約左睇醫生check下係咪UTI

佢唔玩逗貓捧，喵完我又走咗去，可以點玩？

我個隻有時都唔玩
我會係咁行埋去搞佢
抱佢 趴低同佢傾計 摸佢 梳毛呢d
好似做兵咁
之後我比佢玩到攰會行埋一邊打機
之後佢就會調返轉黎嗲我

Btw 佢有機會係玩厭左個玩具

我都係咁喎，但佢好抗拒我搞佢
佢嗲我，我就摸一下佢

會唔會佢玩厭左我呢個玩具