其實許願生生世世相遇結為夫妻係可以既,就好似釋迦文佛同佢既妻子因燃燈佛結緣,以致釋迦係七次往返當中都與其如為夫妻,所以釋迦連夜離開修行,其夫人都是滿心歡喜的 ,只係相遇未必有好結果,每世都會因某些惡業而有一方死去,正所謂愛別離苦,亦因此等逆緣而使阿難尊者(釋迦身旁待者)差d比人色誘,毀壞戒體。
但普通人係唔係想咁就可以咁做?
許願無分凡唔凡人,只係願力既大小,一許左就會納入第八識,只係呢個業同其他既業 邊面行得快,所以有d眾生會互相一見鐘情,都因為呢d因緣之故
係咪行善積德可以幫願快d成真?
行善 係為左積善業 得來生可以生天/去佛國 可以再修行,佛法最奇妙既野就係因果唔能夠改變,但可以影響佢,有大量善業就可以令惡業沖淡 或者同佛菩薩做感應,令善業現行快過惡業,而願望就係其他因緣 同修行無關並不納入諸佛菩薩既大願,佢地幫你係為左你能夠將呢d福緣用黎修行,當然善業具足自然會生活富足,但不加修行或行善 終會福緣用盡。
謝賜教
咁現世即係冇乜野可以做去令願望易d成真?
D人去拜四面神呀黃大仙果d又係咩原理?
我原本理解係夠福報就可以用黎兌現願望tim
佛要講因緣 你既願望係咩?如果係修道有關 佛教可以幫你 但如果係其他錢銀女人 只好請外道,例如泰國降頭之流,但我一定唔建議,因為生命流轉 都源於一個執字,呢個世間一切事物都是因緣和合而成,眾因緣生法、我說即是空、亦為是假名、亦是中道義、未曾有一法、不從因緣生、是故一切法、無不是空者。
再者福報可以係生天 可以係生為貴族 有無數錢銀女人,但佛亦說:即使有8萬4千牀,我每晚都只用一張,即使有無盡財寶,係我身壞命終既一刻,都變得毫無意義。