一手居屋/綠置居/首置盤討論 - 5

只有賣唔出嘅價錢，冇賣唔出嘅樓

你睇返居屋2022價單https://www.housingauthority.gov.hk/mini-site/tps/pdf/RTPSpricelist_hos2022.pdf
用呢個價錢同房署買，賺少少放出去冇難度
(除非個客睇樓時，隔離拎把刀出嚟）

但係同買家入手，就要睇地點同size，唔好彩又要急住賣，可能真係蝕

油柑頭首置盤新消息

發言人表示：「出售對象的資格由政府規定。『首置』申請人須為居港滿七年的香港居民、從未在香港擁有住宅物業、收入介乎居屋白表申請人的入息限額及該限額加三成，以及資產不超過居屋白表申請人的資產限額加三成。政府會在發展商出售『首置』單位前參考當時的情況訂定詳細的申請資格。」
 
「首置」單位設有轉讓限制。業主在買入「首置」單位的首五年內不可出售或出租單位。在首五年過後，業主須向政府繳付補價以解除轉讓限制，才可在公開市場出售或出租其單位。有關轉讓限制與之前的「首置」項目的規定相同。

https://www.info.gov.hk/gia/general/202306/23/P2023062300227.htm

https://www.scmp.com/business/article/3225212/hong-kong-property-land-parcel-starter-homes-tsuen-wan-likely-draw-few-bids-high-interest-rates
發展商唔多想玩咁喎

家有長者係咪好難入到配額??

綠表唔難入，白表有少少睇運氣，不過最重要都係自己資料齊全

睇你想分開住定係熱鬧咁住

冇長者，普通家庭隊要安達臣/朗天先有兩房（排得前可能有屯門低層）
而綠表家庭過去一定有樓揀，白表未必

完全正確
係純粹睇下未來想三個+你一間屋，定係分拆家庭

唔介意一間屋，就考慮埋安達/朗天兩房得唔得
雖然一房（380尺）𢵧兩房都夠，但當你結婚，配偶搬嚟一齊住就好勉強（除非啲房做哂隔音）
所以最終係睇自己人生規劃

係你要通過審查，再重新同房署簽租約，你做戶主
如果到時你係寬敞戶，房署會調你去細單位（派三次，唔啱就唔好住喇）

要留意，今年10月開始新例，買完一個月內要申報，到時白表抽中嘅除名，原則上唔可以繼續喺公屋住，而新居屋未入伙，中間呢段時間要出去租樓，好彩嘅同房署申請，住多一段時間（唔超過12個月），或者違反條例繼續屈蛇喺原有公屋

若然房署超高效率，整速調你去細單位，3條友想屈喺細單位都有難度

想公屋一開二最好留多條後路，準備定樓花期嘅租金

買得租置都係唔想再搬姐

佢要限你一定要當初成張租置list一齊入飛
不如繼續keep住租置，仔女等一開二抽到除名兩老先買返間租置

家庭成員本身可以用白表（任何資助房屋嘅家庭成員）

只係租置業主買完，想轉抽居屋要全部人，賣出間租置

簡單講公屋租戶嘅戶主抽中除名，家庭成員繼續住公屋
租置公屋業主抽居屋，就要冚家賣樓搬走

係呀，我意思就係咁
如果想抽唔建議買租置
不如等抽到d人除名先再買

買完之後，成員繼續慢慢抽
只係業主冇得一齊玩之嘛
早買早享受
唔駛兩年查一次，轉頭又話冷氣滴水扣分

抽新樓都係得兩房，仲要係觀塘半山

幾十萬買間市區租置4百幾尺唔好咩？住落唔啱咪抽新居屋，或者私樓，賣出租置賺嗰兩球擺去新屋

頭盔：租置公屋恆常化之後嘅調整，要等居屋2023申請須知睇清楚

(i) 「租置計劃」單位的業主及其戶籍內的所有認可家庭成員必須一同申請：申請者可以是「租置計劃」的單位業主／聯名業主／戶籍內的家庭成員。

呢段唔係講緊一抽就要之前租置計劃入邊既所有人一齊抽？
唔可以ABC三個人一齊住租置計劃，C落人頭買左，AB去抽居屋，要ABC一齊抽

(a)
私營房屋的住戶；

(b)
香港房屋委員會（下稱「房委會」）轄下公共租住房屋（下稱「公屋」）、香港房屋協會（下稱「房協」）轄下出租屋邨或任何資助房屋計劃單位住戶的家庭成員；及


我嘅理解係：租置嘅家庭成員係屬於（b),而唔係(c)

租置業主要抽居屋，就一定係全家抽，只係抽新居屋時，可以係任何一個成員做申請人，做居屋嘅業主

繼續頭盔：等申請須知睇清楚

租置果part有呢句
購買人及其租約上的認可住客均應填報在同一份認購申請書內﹔

我理解係租置一買無論邊個係業主，都要本身租置全部人落名

然後配合(i) 「租置計劃」單位的業主及其戶籍內的所有認可家庭成員必須一同申請

所以租置單位一入就要全家一齊入