一手居屋/綠置居/首置盤討論 - 5

。。。。。。

要有絕對離婚令

要成個流程完晒 至少一年

唔知有冇人兩老搞離婚之後入表抽白長，但揀樓當日未完哂手續

或者其中一方想離好耐，終於有藉口

更大機會係入唔到白長，家庭隊又排得後，望住張離婚令同安達臣一房，企咗喺度

之前有單 本身搞緊離婚，入表都係自己+仔女名核心家庭（有分居紙定暫准令之類，確實唔記得），只係到揀樓日未有絕對離婚令要放棄或者加分居配偶審查

有朋友個老母聽啲「朋友」講，單親女人加仔女排公屋快好多，就叫老公離婚，輪侯冊除名，其實個老公本身都有啲想，就順水推舟咁離咗
結果失婚婦人加仔女都係等到本身個號碼派樓，冇快過

「朋友」害死唔少人

你問晒我想問嘅嘢

btw,巴打你係邊度睇到相關資料用白長抽會易中？

唔係白長易中 只係過往白長申請人數比較少
你諗下係香港地到左60歲又無公屋 又無私樓
即係做左幾十年租租 其實仲難過有公屋既人
所以早幾年白長既申請人會少過綠表 不過自從d人知住緊公屋都可以交白長之後機會又大d之後就開始多左人轉白表

白長DQ都多，要留意返

私人市場納米樓都無運行

納米私樓本身都係放租用 同埋抽唔中居屋個d咪又係焗買
居屋d收入限制調低左 62k出去到私人市場唔買幾十年舊樓既話 都係得返d細單位先買得起

佢個朋友教漏左佢要上社署一哭二鬧三上吊

Q11: 住緊公屋,兩老要攬住過世,唔肯買樓,點算?
A: 自己用白表申請,買到先除名

單人白表中嘅機會係咪低過6合彩

脫單，抽家庭隊囉

唔介意溢價就玩埋白居二
或者增加收入，直接買私樓，好過夾硬迫佢哋買，日日嘈交

想請教一下
獨居公屋戶長者 抽綠置居，係咪排一人隊？
咁呢個情況是唔是同 輪候緊公屋轉紙申請綠表條隊 一樣？
謝謝

單人長者都係排單人隊

如果通過派樓前入息審查，可以用綠表資格抽，係同一條隊

但特快公屋可以抽青富苑、蝶翠貨尾，就唔需要事先搞，但揀完樓就要做詳細審查

咁長者單人隊係咪機會渺茫
想運用大長老個公屋戶幫佢個孫 即係我上車

今期居屋有租置公屋單位，唔嫌舊嘅我覺得幾適合你呢個情況

想要新樓，今期單人隊有朗天苑、安達臣；
有能力嘅直接用佢間公屋買二手居屋就最理想

爭產事件同其他問題，可以爬文睇早幾頁嘅詳細討論

明白，但想問下，DQ原因係因為過咗入息限額/資產限額，定係房署唔比住緊公屋嘅長者走去用白長方式去申請居屋？