[D369-] 抗俄衛國 153: 習大大 all in or not all in

套明居正的講法: 做嘢唔係1同0, 都有"力度"與"刻度".

中共援俄, 立場偏向俄羅斯果邊, 與及偷偷地支援俄羅斯, 澤連斯基全部都知. 精準D講: 澤連斯基同西方世界, 係希望避免中共進一步或者公開軍援俄羅斯, 例如直接公開地提供致命武器及彈藥, 就算無法阻止, 最少都要buy time, 盡量延長習近平的猶豫不決的時間.

習近呢個月決定, 同3個月後先正式決定軍援, 戰略意義上已經差好遠. 再次強調: 時間係一個好緊要的因素. 中共呢個月公開軍援, 同過2, 3個月後先軍援已經係兩回事.

跟據習近平呢類獨裁者"贏就谷, 輸就縮/猶豫"的性格, 提早決戰烏東反而係明智選擇, 起到拖延習做final decision making的效果.

意義應該不大....首先, 坦克未就位, 其次烏東地區太接近俄國領土,
佢地要撤退相對係容易好多, 你追殺唔到佢地.
最後好似伊久姆咁, 無辦法去消滅wagner group既主力,
同埋俄國餘下既有生力量. 就算收復烏東大部份城鎮都好,
俄軍同wagner group仲喺度, 日後都會無限麻煩.
到時習近平軍援, 一樣係結束唔到戰爭.

還不如退後, 等佢地遠離俄國邊境, 同等坦克就位先一鋪過打殘晒佢地,
到時佢地走都走唔甩. 到時習近平軍援, 俄佬都無辦法恢復元氣.

而家呢個位已經夠，唔使再退

退到邊先夠, 呢個提督同我其實都not professional enough to judge (楊提督唔係real楊提督各位巴打都應該知). 所以我係偏向唔comment, 只解讀事態發展, 問點解佢哋會咁judge.

常識同opensource最大極限就係常識, 點都準唔過常識 + real professional knowledge同前線實地歸納的情報3者結合後的資訊與decision making.

我哋只有第一樣(常識 + opensource intelligence), 冇足夠的professional knowledge, 更冇實地考察取得的資訊同情報.

而家佢買兩邊扮中間人啫
不過到最後都係得罪晒兩邊多

https://twitter.com/new27brigade/status/1635303850277244928?s=20

番到克里門納, 我的睇法係: 俄佬做乜春? 十足十打工仔hea做, 求其做D嘢當交佐功課

贏兩次的朋友

呢種要贏哂, 怕lose的性格, 咪導致習近平喺俄烏戰爭上成日猶豫不決攞.

坐這山, 望那山, 最後一事無成, 呢點上中共比俄羅斯患大頭症的"冬季攻勢"更嚴重.

其實大家知契弟想點，我都同意提督講既野。不過我覺得條友應該都計算緊打台灣呢一步，到底要點樣情況下打台灣先收到最大效果，佢契哥就係一個板黎。

契哥不能倒，但又不能贏太多，否則北約軍援仲多，最好係食少少頓巴斯就收手，再等北約注意力係契哥度就打台灣，家陣好有可能係打左金門彭湖返黎，再打沉幾隻台灣軍艦就要人上談判桌講數，逼台灣議和，然後就返去吹大自己就算數。

如果打本島，要面對既就唔係台軍，係美軍聯軍，傻仔要威，佢唔會玩到太大，學下金仔得閒打下飛機射兩野落海都夠。

習近平的理想目標大約係咁, 但實際執行上做唔做得到呢個目標, 唔係佢一尊玩權術或者戰狼可以決定的

仲有普京會唔會甘心照契弟的plan都係有疑問.

中國無軍援過烏克蘭, 扮都扮唔到.

其實金門馬祖一早係中國架啦, 滲透晒,
佢地本身都係親大陸多過台灣, 大陸打佢地其實無必要.
大陸亦唔會同台灣講數, 佢係要吞左成個台灣,
同台灣講數係變相承認左台獨. 正如陳同佳唔可以司法互助.

https://twitter.com/new27brigade/status/1635317064897556480?s=20

1. 三國漢中之戰, 普京 = 曹操喺漢中陷入進退兩難困境, 巴赫穆特變成同漢中一樣的雞肋, 食之無味, 棄之可惜.
3. 正係宜家烏克籣增兵支援真正目的: 殺俄佬精銳, 殺得愈多愈好.

仲有講慘烈, 有排都未比得上史大林格勒呢D二戰痴線戰役.

佢講到明, 巴赫姆既殺敵效率正在下降

有冇再仔細睇佢quote的內文，佢講的意見同佢quote的文章有矛盾。

篇文話, 守巴赫姆係正確.
但佢列嗰四個point, 就話巴赫姆既殺敵效率正在下降.
搞乜???

我睇埋篇文既留言, 個作者係引用呢篇文,
但似乎佢係想反對呢種講法.
下面有人留言, 話佢歸納既四點係由唔同source組成.
不過, 無貼到source.

係，佢果4點係對果篇文（西方世界的軍事機構轉向支持烏克蘭堅守巴赫穆特的決定）的反對立場。

但果4點又缺乏相對的source 支持。

BTW，等戰爭結束後d機密文件declassified ，就會知道宜家烏克蘭點解會make 呢個decision making。到時大家都有相對足夠的資訊，先再事後孔明judge呢個決定。

宜家我都係保持觀望態度 + 當解說者。唔熟唔係professional的嘢，我唔會隨便評論或者俾意見。

佢係咩人黎?

佢四個point個source係佢自己
早一兩星期同其他學者一齊去咗前線考察
https://twitter.com/HoansSolo/status/1632656131460833285?s=20

佢話巴赫姆殺敵效率不如其他地方,
係符合其他source既講法. 之前係訪問過前線士兵,
佢地都話巴赫姆好撚大獲, 壓力極大, 支援不足.
同埋巴赫姆雖然無被孤立, 但確實係包圍多左.
我傾向相信佢既講法.

金門果d名義上仲係台灣，而且契弟要解放佢，一定會正式用兵打返黎，唔係點出去同人講自己點威。

大陸點解唔肯講數呢？入侵成個台灣就預左要同美國打。就算再快既閃電戰都避免唔到，美國亦唔怕同你打，仲要英澳日幫拖添。但囉左少少甜頭，登登又好，其他元首都覺得會接受，只要本島無正式受攻擊。

提督你軍事上分析無錯，契弟一定想囉晒，但政治上美國唔可能為左一個金門叫台灣同大陸打，大陸會唔知？一直唔打，係政治籌碼黎，到要用先用。

而且睇番不換肩份人，佢想要威，想超越前人，但佢更怕失勢，因為佢最識鬥人，更怕被人鬥，所以佢唔會做任何危害自己地位既野，佢就算要出兵，都只會出動小規模，輸都唔影響佢地位，你睇下咁多年寧可花錢去收買國民黨都唔直接出兵打，就知道佢地想玩最安全既內裡策反再出兵平定。

提督你強於軍事，但我善於相人，我睇死佢愈大聲就愈縮

壓力極大，支援不足。可唔可以睇成唔夠支援，倒唔夠人去防守的結果？

呢個係1，2星期前，瑟爾斯基上將未去巴赫穆特前的情況。而家瑟爾斯基上將變相親自坐佐喺巴赫穆特，全部接觸線包括兩翼都加派哂增援，咁前線的的壓力同支援應該得到改善，比1，2個星期考察前好好多，唔係你唔會睇到呢幾日俄羅斯突出的鉗縮番轉頭。

我都係呢句：無論死守定撤退，只要做齊decisions mading相應的動作（死守 ＞ 繼續倒人倒資源，撤退 ＞ 準備好撤退路線同後面的防禦陣地），咁就問題不大。

之前我覺得人力，資源不足，係因為未有戰術上的final decision making拖住先。宜家決定佐同俄羅斯喺度鬥倒人倒資源，剩番的就睇華格納同普京加唔加注碼，唔加的話就係咁先