[D322-] 抗俄衛國 151: 巴赫姆特/索萊達爾激戰中, 已成俄軍絞肉機

我喺另一個POST既回答.
路, 只有一條.
https://lih.kg/ziyfHDX

提督大人，我有睇過你post過既文
但現在我覺得問題唔係俄羅斯收皮，而係要係北約預算既範圍收皮，近呢四十年，美國既失敗例子實在太多，但以前都話係小國或者邊緣地域，影響有限，但今次呢個國無論地、人，都係世界數一數二大同複雜，處理得唔好，就間接引多場三戰

北約唔會想烏克蘭死，但亦唔想蛾佬死得太快太易

如果俄羅斯太早撤退, 就可以保留元氣,
繼續威脅歐洲, 所以北約一直唔俾戰機,
用烏克蘭戰場慢慢陰乾佢, 等於阿富汗2.0
but, 拜登要想辦法去解決燃料同通脹問題.
呢個講法, 我由上年3月已經講.

本來可以拖, 但隨著中國打台灣既心思愈黎愈強,
美國唔想打兩面戰線, 就必需作出選擇, 儘快結束烏克蘭戰爭.
但係拜登仲未決定俾戰機, 似乎美國依然覺得未到時候.
(有冇誤判, 暫時未知.)

另外, 唔好叫我咩提督大人, 大家咁高咁大啫.
K巴講笑叫我提督, 只係因為我個user name,
但大人就不必啦

宜家畢爾菲爾特Wagner Groups的利牙砲灰喺soledar被損耗得好嚴重。

純戰術角度上，真係好想再睇Wagner Groups點樣用佢吹的畢典菲爾特式豬突猛進6萬砲灰堆屍，正面硬爆巴赫穆特防線

剩係計巴赫穆特城區防線，接觸線約12公里。

12公里堆6萬名砲灰，我想像唔到係一個乜嘢概念

大約應該如soledar一樣，將6萬砲灰前後分n組，到達戰術行動目標前，前面果堆死哂後面的馬上補上，總之踩過前面砲灰的屍體不停同我衝！

打左個氣球落嚟

好奇點解要“救”
應該唔係拎返黎用？
係驚唔穩定會爆？

輪流上就好難發揮數量優勢
個情況好似守窄路咁
攻方人數受限但要突破就要夠人

咁只要烏方保住性命
其他子彈槍炮有補給
就好難突破

好似係支炮固定左落地
但係因為凍土拎唔返出嚟
咁咪要溶雪

sorry on 9咗 以為執緊粒彈

係好複雜+麻煩: 首先要用電鋸鋸開凍土, 再搵火燒熔泥土先起到成枝M777.

香港天氣, 絕對唔會遇到呢D事. 英國同歐洲會有機會, 例如架車大風大雪喺戶外停佐成晚 (撚有室內garage俾你擺車), 第二日發現卡死佐

現實唔係打機, 你唔係Leon S Kennedy有無限體力.

射擊都會消耗防守士兵的體力同精神, 你試下對住群不斷衝過來的喪屍"連續射擊"10個鐘以上冇得休息? 睇下你會唔會人都癲? 就算係打機, 叫你連續打10個鐘CS中間冇任何休息(連過場, 等休息室都冇, 喺相同地圖不停打)你都會痴線啦.

以上未計持續射擊槍管過熱, 卡彈, 因敵方華格納喪屍群還擊受傷等各種意外狀況.

香港人工作時數每日都10個鐘以上好平常

你返10個鐘工真係做足10個鐘咩

有冇扣番開下少差，食lunch，同同事吹水，飲水去廁所果d時間？

守soleder講緊係10個鐘冇任何以上的break，唯一的break就只有換槍換彈夾的時間。

world war z咁

你都傻嘅
戰場同公司每一分鐘燒嘅physical/mental resource根本都唔一樣
點可以咁樣比較

K巴, 連打十個鐘我相信係有發生,
但唔可能日日都係咁喪屍衝鋒法.
俄佬係人多, 但都無咁多人.
烏軍唔係Leon, 但俄軍既喪屍兵亦唔係無限.

我有小小疑問
俄軍發動一波波攻擊,都需要時間集結

好理想情況下如果情報做好D,俄軍一集結烏軍就可以先發制人用遠程武器炮轟俄軍

或者佈地雷又可唔可以阻擋

玩下bb彈槍wargame就知, 個人要高度集中, 腎上腺素會提升, 而家係真實戰場, 長時間保持同一狀態會崩潰, 美軍喺阿富汗outpost比塔利班圍兩三日之後都要即刻輪換

咁衝鋒都唔係真係10個鐘唔停啦
都係衝一波隔半個鐘再衝
如果真係集中到咁多人就call炮兵啦
都未計其他流動支援

同埋一個位置唔係得一個人守
都會輪調換更換子彈換槍
你估真係同一個人坐死10個鐘不停開槍以一敵百咩
兩邊人數其實唔係差好多

果堆炮灰真係炮灰黎，死囚、愛滋病、道友乜都齊，純粹消耗烏軍子彈同埋整污糟烏克蘭國土。

其實烏軍都有偵查小隊同無人機
基本上搵到敵人係可以投彈或者call炮兵
而唔係被動咁等俄狗衝陣地

Exactly, 當日守soledar的烏軍形容狀況，真係同world War z差唔多。