[D322-] 抗俄衛國 151: 巴赫姆特/索萊達爾激戰中, 已成俄軍絞肉機

俄軍長蛇陣 咪就係佢地成套陸軍思維落伍，後勤又落後導致

NATO 個套指揮同後勤系統，同俄軍根本就南轅北轍

戰術上唯一擔心的，係普京食過番尋味，喺基輔再玩一次放大版的soledar人海戰術。

今次普京呢個喪心病狂再次進攻基輔就唔止2-3萬，而係50萬以上砲灰，不顧一切代價（除佐普京自己條命仔外）踏平烏克蘭首都。

對付唔要命的人海衝鋒，需要大量重型武裝，裝甲部隊，仲有更多的面殺傷武器，造成一道道火墻阻止烏拉衝鋒。

出事既唔係陸軍思維咁簡單, 係由上而下都出問題.
班高層喺成個戰爭規劃無contingency,
無計劃過出左錯應該要點轉彎, 以減少損失.
俄軍之前入基輔事前係無準備,
普京只係預三日壓制烏克蘭,
佢根本無諗過要打長期戰, 所以先甩晒碌.
初期人人以為普京籌備左咁耐, 有晒全盤計劃,
大家都唔睇好烏克蘭, 德國直接話烏克蘭會亡國,
結果原來普京係咩準備都無做過.

打基輔實會, 但可以預期係一次又一次既瘋狂轟炸,
但啲士兵唔敢入基輔. 大城市巷戰係攻方惡夢,
就算無坦克, 你烏拉衝鋒除左送死同殺平民真係諗唔到有咩用.

https://twitter.com/new27brigade/status/1618300934446288902?s=20&t=RkswA9diwH_6eD6Af17ujg

烏拉衝鋒=短時間中重覆，多波次地做上述行為，好似電影咁，後面的砲灰踩住前面的屍體衝。直到overwhelmed 陣地的火力同讓防守陣地士兵開始透支（威力偵察可以估算陣地最大承受力有幾多），之後精銳同VDV就突擊攻佔火力衰減的防守陣地。

soledar証明佐攻方係要付出極大傷亡代價，但另一個意思就係只要攻方願意付出呢個高昂代價，就可以達成其戰術目標。

基輔的問題係佢係烏克蘭首都，冇得退讓，烏克蘭喺基輔方向要做到的係“無論俄羅斯願意付出幾多代價同損失，都冇辦法達成攻佔基輔呢個目標”。

如果大家仲記得, 烏東地方係北約偵察機既極限,
但基輔以北係偵察到, 加埋海馬斯做精準打擊, 點攻?
仲有, 基輔係大城市, 除非你用核武夷平,
否則一定要打巷戰.

巷戰唔同陣地戰, 咁多樓咁多屋, 今日我守A屋, 明日我守B樓,
除非俄軍炮火可以多到將整個基輔每一間屋每一棟樓都夷為平地,
否則我睇唔到佢可以攻得入.

更重要係, 你點將啲士兵運去基輔?

而且, 你點確保啲士兵入到基輔唔會去差館借油?

你應該要問二戰基輔攻防戰時, 雙方共投入160萬左右的兵力, 納粹德軍用76萬大軍去打一個基輔.

當時納粹德軍點運, 相信普京同俄羅斯國防部係"想"做差唔多的事. 但正如你我判斷, 俄羅斯不比當年納粹德軍的物流, 指揮力量, 我唔認為佢哋支持到一個幾十萬, 甚至上百萬大軍的大型軍事行動.

而且白羅斯集結百萬大軍的話, 冇可能暪過北約, 如果俄羅斯真係動用咁大規模兵力, 最近烏克籣的波籣, 分分鐘會殺入烏克籣參戰.

gop有班red neck拉成個美國後腿傳統嚟
班發瘟宗教狂熱本土保守愛國騎呢怪唔會消失，因為係由一大班rural 有相同價值嘅選民選出嚟，果班人係零國際視野，淨係覺得美國世界第一，俾歐洲啲網民成日笑無撚腦

至少當年德國軍隊真係敢打.
而家俄軍有幾多真係精銳, 有幾多係炮灰?
行到入基輔, 醒目少少既都射死指揮官去差館借油啦.

當年俄國係靠地利(包括天氣)同人數去拖死德軍,
今日做進攻方根本行唔通. 二戰時佢地一樣喺鋼鐵廠拉鋸,
而家基輔係現代化大城市, 打巷戰仲難搞過當年鋼鐵廠.

佢地消失, 左膠就真係無晒制衡.
大獲過班極端保守派上台.

Yes

"想"做到同實際上有冇實現計劃的能力係兩回事. 之前都講過, 支持15萬人規模的作戰, 係目前俄羅斯維持軍事物流最大極限.

都係呢句: 城市人同鄉郊人生活長大環境完全唔同, 注定彼此之間睇嘢的立場一定有分歧. 但同時亦要互相依賴, 整體先可以持續發展.

只要係幅員比較大少少的國家, 就一定會出現呢個情況.

同埋如果戰況如你所講，俄軍想用烏拉衝鋒消耗烏克蘭既防衛力量，除咗會造成大量既士兵死傷外，最大問題係費時甚久，會俾到北約有時間去作出應對，北約真係參戰對俄羅斯嚟講情況就會徹底失控

我相信普京當初玩突襲基輔想三日內完事都係擔心呢樣野

打陣地戰, 你玩烏拉衝鋒, 烏軍係焗住陪你玩.
打城市戰, 你點知烏軍喺邊? 衝鋒, 衝去邊?
烏軍唔出黎, 守喺屋, 你點知佢邊間屋?
唔通逐間逐間屋咁搵?

大城市, 軍民共住, 你根本玩唔到烏拉衝鋒.
真係玩, 等於送死, 或者話係逼啲士兵投降.

照咁睇點樣安置大量投降既俄軍士兵先係問題

食到你冇唒糧

烏克蘭糧食講緊養活全球幾億人

幾廿萬戰俘連一個零頭都算唔上啦。

咁又係

其實烏克蘭啲土壤好好？點做到生產咁多的？

機械化大規模種植
就咁睇都好現代化

岩岩係youtube睇完d片
真係同美國差唔多

土壤點唔知, 但至少有水源. 成條第聶伯河好長,
你可以試下trace下條河. 雖然我唔知上游係咪叫第聶伯河,
我記得條河係可以trace到白俄. 可唔可以trace到莫斯科就唔知,
不過我相信當年基輔羅斯解體, 部份羅斯人就係沿河北移,
最後去到莫斯科, 變成俄羅斯.

題外話, 我試過trace尼羅河,
青白兩條上游交匯成我地口中所講既尼羅河,
貫通烏干達, 埃塞俄比亞, 蘇丹, 埃及等多個國家,
上游既維多利亞湖更加係週邊三國共同擁有既水資源庫.
當係地理學習咁trace都幾好玩.

全球三大黑土壤土地之一，世界糧倉。

條河有啲料

訓係度都贏