Nikon無反Z 誕生於Nikon成立第101年
Z mount擁有無反相機最短嘅16mm法蘭距同埋55mm嘅最大口徑 ，Nikon設計師認為最完美嘅配搭，有助於鏡頭設計，Z鏡嘅強勁光學質素就建基於此。16mm法蘭距可以有效轉接各種老鏡，甚至Sony FE / Canon EF鏡都可以轉接到Z機使用。
Nikon無反相機大部份用咗由Sony生產嘅CMOS感光元件。塊CMOS本身性能優越，加上自家調校，擁有優秀DR(Dynamic Range)、ISO表現、色彩深度同解像力。
喺Z9推出之後，Nikon展現出自己對開發對焦、追焦、連拍性能嘅技術，追上Sony同Canon嘅水平。Nikon更喺以往冇乜特別嘅拍片性能中後來居上。至於入門至高階機種就要等下放換新機
Nikon嘅無反相機喺做工、手感、操控、menu、mon、WR等方面依然保持單反嘅一貫水準，姐係user friendly+襟用。至於有幾襟，好多師兄部Nikon單反用左好多年，用到甩皮甩骨都冇壞，唔洗update新機。呢個係Nikon相機賺少左錢嘅其中一個原因。Nikon嘅WR(weather resistance)出名勁，基本上地球上任何極端天氣都可以應付到，例如極地、沙漠、草原、高山，都唔會熱/凍到開唔到機。連地球之外好似都仲得：
NASA喺太空影嘅Time Lapse
https://www.youtube.com/watch?v=ls41cPlKbz0&ab_channel=NikonEurope
無反相機
全片幅 FX
Z9 一部真正嘅無反旗艦機
以自家設計嘅stacked CMOS、新嘅EXPEED 7處理器達致完全無black out、真正嘅real-time EVF，以及4570萬像素下嘅20fps高速連拍、用1100萬像素嘅120fps連拍等等卓越嘅功能。
拍片方面，因為Canon Sony Panasonic有賣電影機，所以佢地嘅相機點都會閹割拍片嘅spec。但Nikon一如既往，將佢可以俾嘅都俾哂用家，8K30p、4K120p、 N-log、Prores HQ、10bit內錄應有盡有，令Z9媲美專業電影機嘅性能。甚至2022年firmware update之後更加可以做到8k60p 12-bit raw內錄。
除左拍片性能媲美攝錄機，Z9革命性取消左機械快門，呢種大膽嘅做法完全釋放左相機嘅高速連拍性能。一句話，快到癡左線。最新嘅對焦系統有埋全自動3D tracking，AI自動識別人眼、動物眼、賽車、電動車、巴士等等等等...追焦又快咬得又實。神一般嘅連拍性能配上有雙摩打嘅S line高階鏡頭，諗下已經濕嗮。
影相喺畫質方面保持Nikon一貫嘅高水準。由原生ISO64開始顯示呢部有著超高速連拍嘅旗艦，都有極好嘅靜態畫質，影風景一定好靚。得益於電子快門，快門速度一路可以收到1/32000，喺日頭用58mm f0.95都唔驚過曝。
仲有好多Nikon品牌嘅優秀傳統，Z9都繼承左。優良嘅做工，握持手感，頂級嘅天氣防護同可靠性。仲有use-friendly嘅操控，貼心嘅功能，包括為低光環境拍攝而設嘅夜光按鍵、為互外拍攝而設光度最高嘅EVF、為專業攝影師而設方面高低炒嘅翻揭式螢幕等等。
Z9係Nikon比我地用家最好嘅禮物，Z9呢部性能強大且完整，售價極有競爭力嘅旗艦相機，佢嘅出現令本身係Sony/Canon年嘅2021變成左Nikon年。嗰句Nikon要執笠，終於成為一個笑話。
Z5 抵玩入門 Full Frame無反相機，十分推薦學生哥/初哥買嘅第一部全片幅無反相機。有D750嘅Full Frame sensor(畫質幾好，14級DR)，有IBIS，雙SD卡槽，同高階機一樣嘅鋁鎂合金機身、操控同手感，369萬像素EVF，電池襟用。拍到有crop嘅4K。喺呢個價位比到咁多野你，暫時只有Z5。雖然唔係用Z6嘅BSI sensor，但ISO3200或以下幾乎冇分別。惟獨連拍4.5fps，未必符合到要高速連拍嘅人。
Z6 2400萬像素，抵玩Full Frame無反，BSI sensor同Sony A7iii係同一粒，綜合性能優秀。缺點係單XQD/CFExpress card，仲要額外買Card Reader。
Z7 4600萬像素，頂級靜態畫質，用左D850同一粒sensor，Nikon獨家嘅ISO64，用ISO64影風景一流。ISO 64仲有一個好處係喺晴天用大光圈鏡，快門唔洗爆左1/8000s。一樣係單XQD/CFexpress。
Z6ii Z6升級版，相比Z6多左個SD卡槽，多一份Backup安心好多，雖然XQD/CFexpress嘅quality好好，唔容易壞。對焦進步左。連拍去到14fps，錄影有4K60P，不過有crop。
Z7ii Z7升級版，雙卡槽(XQD/CFE + SD)對焦進步左，有唔洗crop嘅4K60P。係一部適合唔同場合又有一定要求嘅人用嘅高階無反。
Nikon全部Full Frame無反相機由一代開始已經搭載IBIS(in body image stabilization)，喺手持攝影嘅時候可以讓你降低快門速度，唔洗下下推高ISO，錄影時都會令畫面定啲。
半片幅 DX
Z50 抵玩APSC機，細部，但好好渣手。用左單反D500粒2090萬像素sensor。畫質唔錯，連拍可以去到11fps，拍片有4k，輕便適合拍vlog，雖然冇IBIS，但支kit防震好出色。而家街價一機兩鏡好平。
Zfc 呢部機未出嗰陣，我睇到spec覺得售價有小小貴。但諗唔到嘅係，一出即賣斷貨，訂貨要等好耐。呢個就係好睇嘅復古FM2造型比對消費者嘅吸引力？ 的確，呢部機嘅外形一啲都唔輸主打外觀嘅富士相機。經典轉盤操控令用家可以感受菲林機一般嘅操控。 功能上基本同Z50一樣，但螢幕就改為多角度，即使用腳架/遙控手柄都唔會阻住你望個mon。對焦系統亦採用咗Z6ii Z7ii嘅模式。
Z30 規格上大致同Z50、Zfc一樣。不過為主打vlog市場，喺正面加咗錄影提示燈，亦拎走咗EVF令機身更輕巧。同Z50/Zfc嘅主要分別係最長錄影時間可以去到125分鐘。不過Z30未有喺Zfc加入嘅900秒快門。
Apsc鏡喺Zfc推出之後只有某啲大陸廠有出副廠鏡，原廠鏡選擇不多。雖然都夠用不過要定焦就好可能要選擇Full Frame鏡。
中、高階機完全無update
