【好快會涼】經典男裝討論區（51）【皮鞋、西裝、皮件、配飾】

ching，本身我都無話覺得你講既野有對錯之分，但睇完你呢個回覆有幾點就真係要話聲你知。
第一，我從來無否定過你既suggestion，但我對你既論點有疑問，所以想你闡釋。可惜既係你俾我感覺就係只要一ride on你既point反問就等於係唔接受，係一意孤行。如果你呢個post想有多d人了解多d專業野，勸你改變一下呢個缺點。
第二，"識野同識野既人之間先有討論"，呢樣野你太一廂情願，唔現實。如果你堅信呢樣野，不如你開個member club，set個exam，過到先俾入會同"討論"，咁會比較可行。
第三，邊個話唔識分單排雙排？
第四，奉勸你唔好亂用"你喜歡"呢一類語句，好明顯你係做唔到呢種境界。你一而再，再而三咁reply，證明你根本好想人認同你，你好想我最後係接受你講既野，否則你根本連我講咩都唔會望。
鬧人？請問係言之有理果種定潑婦罵街果種？

唔該唔該

Btw 懷疑ss 4k落唔到樓
Rtw總有野要改，加埋alteration 就唔止呢個價
如果冇db budget 咁就上面拗咁耐都係嘥氣，隨便執套G2000, uniqlo 即可

係無你咁好氣既意思。問野問到你咁樣，都無乜好講了，嘥氣。

ching 你又黎喇，如果你覺得 "都無乜好講了，嘥氣"又點會繼續覆 同埋我又問喇，"問野問到你咁樣"係咩意思？同埋應該要點問？

我早排上去睇最平個套都要4499 未計改
計埋應該最少都要$ 5000到

5k真係加少少上db/bt
又或者減多多落G2000/uniqlo

想問下哩2對鞋減完價值唔值得買，千五同二千好似都買唔到咩鞋。
https://www.paulsmith.com/hk/men-s-dark-navy-munro-flexible-travel-brogues
https://www.paulsmith.com/hk/tan-leather-philip-shoes

paul smith 唔建議

不如你貼下你想要件點嘅款

藍灰其實一直都係最多款嘅 不過你冇筆直自然咪冇選擇
你唔明唔緊要 可以自己去交下學費先
不過呢個係總結左無數巴打第一套學費嘅結論

見巴打你咁好耐性，我都唔好意思咁燥底。

其實西裝布同西裝款式有咁多，組合起上黎有好多唔同變化，由完全casual去到非常formal既都有，咁點解俾果位清既建議淨藍淨灰唔好搞咁多野，其實講到底都係邏輯同常識。

工作中或者見工既著裝其實係好睇企業文化，就以銀行為例，疫情前中資行好多都係西褲加件恤就得，褸都唔洗著；大摩之類就行smart casual，唔洗你打呔不過見客一定要著褸同長襪；最嚴既高盛，莫講話其他花款，淨藍淨灰都唔可以，只可以著黑色。每間銀行／大公司會有自己既要求，呢樣野係要靠自己問前輩／做research。

當然，疫情之後好多行都放寬左，casual wear都可以番工，中資行有啲人甚至著運動衫番工都唔出奇，但見客時大部份人都會稍微專重番自己個形象，有啲人著番套suit，有啲人打番條呔。咁當然，係唔係一定要著淨藍淨灰？答案係否，正如上面所講完全睇公司文化，甚至我識得有美資行（對銀行）既高層，見親客都係打住golf傾，自然就著乜都無人理，亦見過某四大會計師樓日本仔Partner，成日著住套Solaro走黎走去。

其實係公司角度黎講，只要你升到夠大粒，又或者你幫公司瘋狂拎到Deal，基本上係你想點就點，你做得野、你有地位，自由度就自然高。

然而，當去見工，或者係新入職，本身就唔熟公司文化，你都仲未有機會去證明你自己幾做得野幾叻仔，低調啲、尊重重啲、唔好咁突出永遠無壞，再者當你著到有「特色」既時候，自然犯錯或者講錯野既時候人地都會特別容易留意到，衰啲分分鍾俾人送多句︰「俾咁多時間扮靚不如俾少少心機做野啦！」，再者制服或者dress code呢樣野，本身就係一種去自我化既行為，言下之意即係要融入公司配合公司，你見工時套衫就已經玩突出，除非係做創意產業或者設計師（呢啲工你分分鍾唔洗著西裝啦），否則難免心入面會有個疑問「到底呢個人日後會唔會唔聽話？」

言歸正傳，咁點係淨藍同淨灰色最好？因為去啲嚴既公司可以成套著打條呔，去啲唔嚴既公司可以著單褲加恤衫（有暗紋既單褲加單恤真係好核突），無論咩環境都唔會俾人覺得整色整水懶係野，最少唔會俾人抽秤左衣冠先。

其他場合、其他環境另當別論，但見工、番工就一定係穩陣行先，如果講到咁都仲要問點解，咁我都唔知講乜好喇。

Cashmere wish 真係好正

可惜呢個spec無左

Huh 我本身諗住下套做… 唉早買早享受。我覺得loro好似有唔少野都係咁樣

西裝本來就係上流人士先著
要貴先夠class
正如連登係無人會討論豪宅
因為住得起豪宅根本唔會亦唔使上連登
開個豪宅post但啲人入嚟問「偽豪宅」甚至「上車盤」
完全唔同lv自然得啖笑

好野成日無聲無息消失

同意
但goldman剩係可以著黑係邊到聽返黎

你有無款俾我揀？ 我都未有心水wo...款同色唔係兩個概念黎既咩？款多咁就good啦，但我驚一陣又俾人話我整咁多"花臣"博出位bor...你仲要話有咁多"款"tim

舊時係只可以黑架，不過幾年前已經鬆左其實未有疫情之前已經開始鬆，面試著深灰都唔會炒車。

其實ching你都打到咁大篇野，好似好informative咁，不過我想講，先莫論你自稱既背境有幾大可信性，單憑後半段已經可以判斷你係極武斷既人。問款=想搞花臣/想搞大龍鳳行cat walk 照你邏輯，淨灰藍都只會係噱頭野。

btw "如果講到咁都仲要問點解，咁我都唔知講乜好喇" 呢d語句真係真係可免則免，唔同演繹方法，同一意思 呢頭講完 果頭又做番。相信呢個post實有你by你，不過你不妨學下唔出聲既佢地。佢地就真係做到"你鐘意啦/你喜歡啦/同你講都嘥氣"。

呢鋪真係"杰"，一陣揀左有"款"既淨灰藍實俾所有interviewer批鬥我搞花臣 唔揀灰藍色喇

你岩

係咪呀？參考下lo， 肯接受意見係好事，記住持之以恆

即係想你見工收皮兼死全家但係鑒於新年又唔係幾好意思講出口