其實唔關structured or not事,四開與六開最明顯既差異,係裁片、省道、線同破口既組合導致垂墜既力既走向不一,四開身就算structured,例如拿坡里既Paone、Panico,加之有前省都好,佢地既衫都係好包屁股。講起nutter cut ,牛巴覺唔覺得michael browne啲衫好講求身材先著得好睇?
上面西裝客所講既Tommy Nutter係發明六開身既人(如果我無記錯),佢既style係好extreme,被稱之為nutter cut,具體啲的話你可以睇當年John Lennon 、貓王啲西裝,或者睇依家Edward Sexton 既衫。但構成呢種風格除左六開身之外,仲有好多元素,例如:直線打版、大量墊材etc.
香港裁縫普遍使用六開,但即使大家都用六開都可以個樣好唔同,舉個例,你當我啲出品、陳記啲出品、Gordon Yao既出品,大家都係六開為主(除非客人特別要求),但出到黎都好唔同樣啦。