我唔覺意穿越咗時空 遇到個神秘女仔？！（2）

真係好難有哩啲女仔

凍冰冰 邊度香架...

話明佢都係非凡嘅人吖嘛
咁易搵到咩

正㗎

咁又係

唔敢搏

不過如果真係講Jennifer嘅話...
佢想匿埋 就算連我都無辦法搵佢出嚟

莫講你哋

可能訓醒先出

支持

更新到Chapter 77
抱歉 近排都冇乜寫文

Chapter 77 Search and Recover

#####

其實我成晚都訓唔着... 我好擔心吖恆佢會唔小心掂到G-Particle... 跟住... 好似之前咁！

我成晚都攬住佢... 我好驚我攬埋今晚... 以後都見唔返佢！

佢... 過咗一陣似乎好似瞓著咗啦...

我望一望電腦嘅時間... 凌晨4點... 仲有少少時間。

我靜靜哋落咗床，放輕腳步... 深怕我太大力閂門嘅話會嘈醒吖恆佢...

或者就好似吖恆你咁講，我係一個慣咗自己做嘢嘅人嚟...

對唔住... 我真係仲未識得同人好好合作。

#####

我一擘大眼... 咦？

我身邊嘅床空空如也... 我都感受唔到餘溫...

Jennifer去咗邊？佢應該都離開咗一段時間...

我望一望電腦嘅時間... 0507...

只見出面仲係有啲黑... 我諗起Jennifer琴日同我一齊睇日出...

唔知，我聽日仲會唔會見到日出呢？

我望住鯉魚門嘅海峽... 望住個天慢慢光...

Jennifer... 你會返嚟架可？

Jennifer... 你唔會掉低我架可？

Jennifer...

「咔擦！」身後傳來開門嘅聲！

係Jennifer！

「對唔住... 我... 我太遲返黎，搞到你擔心添...」Jennifer有啲後悔咁講...

『你又知？』點解隔咁遠你都感受到架？

「你嘅面上咩都寫晒出嚟啦。」Jennifer望住我...

「係啦，比呢個你睇。」Jennifer拎起Laptop比我望住架飛機喺東區走廊上面預備起飛...

『你特登等埋我架？』我喺度望住機頭嘅影像...

「係吖，架飛機係我哋兩個一齊砌架嘛。」Jennifer比我睇住一張地圖...

係架飛機今日Plan咗嘅航線... 主要都係環繞港島嘅山區不停哋用魚骨嘅搜索路線...

「起飛啦喎。」Jennifer示意我撳個Start...

只見畫面嘅飛機喺公路上面加速... 跟住就離開咗地面，開始爬升...

同時另外一邊見到地圖同埋G-Particle嘅反應...

跟住見到架飛機開始靠近附近地面咁scan...

地圖上面就顯示住反應嘅分佈...

「我哋等佢搵到嘢先出發，唔使太緊張。」Jennifer喺度安撫我...

但係我都見到佢好緊張咁望住個mon...

原來Tune好咗Autopilot之後真係可以全自動咁，唔使我哋用手！但係前提係見到Jennifer佢已經set好晒條航線...

我一度望住張地圖... 只見個地圖每part慢慢出現啲data... 好似天氣嗰啲衛星雲圖咁...

但係暫時每個地方都係藍色...

「如果有反應嘅話，呢度會出現黃色或者紅色...」

「如果紅色或者紫色嘅話，好大機會係污染源頭。不過我諗我都未試過真正接近污染源頭... 所以嗰個數值我都係隨便set...」Jennifer都有啲唔肯定咁講...

我望住張圖... 突然，一條黃色線出現咗！

『Jennifer！你... 你望下...』我震住咁指住地圖...

我開始見到唔止一條黃線... 係好幾條...

唔係，係好多條！分散到周圍都有，全部都係黃色！

點解個pattern係咁恐怖嘅呢... 好似樹根咁樣？

Jennifer第一次嚇到出唔到聲...

「唔... 唔怪得... 唔怪得之前會... 出事。」Jennifer震住咁講...

『點解個Pattern咁奇怪...？』我望住啲黃色線，硬係覺得好熟，但係我諗唔到喺邊度見過！

「啲G-Particle好似識郁咁周圍流...」Jennifer嘅說話！

我突然有一個大膽嘅假設！我拉著Jennifer隻手激動咁講！

『Jennifer，Google Maps嘅地圖唔夠仔細！你呢度有冇辦法上XG政府網站？』我諗到啲嘢，可能係Google Maps冇show到出嚟，所以我先會未留意到個pattern同乜嘢有關！

係河流！土壤樣本可能外洩咗，落雨果陣啲雨水沖咗一啲落溪澗同埋河流！

唔怪得我覺得咁熟悉啦，原來係我中三果陣讀嘅地理，Map Reading入邊嘅政府地圖會顯示河流！

「你等等，我要開咗個VPN先，唔可以比佢哋知道我哋喺度做緊乜嘢...」Jennifer借咗部機去用... 跟住見到佢開咗個紫色嘅VPN App...

「Ok啦，你搵你嗰張地圖比我睇。」Jennifer比返部機我...

www.map.gov.hk 我飛快咁喺鍵盤上面打！

然後畫面出現咗我以前熟悉嘅地理科用嘅政府地圖！

我對比下啲黃色線嘅位置... 果然無錯！

黃色線嘅位置全部都係河流同埋溪澗！

『Jennifer，水係高處流向低處嘅！只要我哋搵到黃色線最高喺邊，我哋就可以集中scan嗰個高度入邊嘅嘢！』我用埋我僅餘嘅地理知識！

「有一個問題，你假設咗G-Particle Obey地心吸力同埋萬有引力。G-Particle嘅全名係...」

「Gravitational Field Augmenting Particle.」Jennifer嚴正咁講...

呢個已經超出咗我physics嘅認知...

「佢有扭曲時間，空間，重力嘅能力。G-Particle可以做嘅嘢... 佢可以... 吖！我... 我！可惡！」Jennifer大力掩住佢個頭！

『Jennifer！做咩事吖？』Jennifer佢唔妥...

佢好似好痛苦，就嚟崩潰咁...

「可惡！恆... 我記唔起吖！」Jennifer崩潰咁望住我...

「我記唔返吖！係我無用... 我... 嗚嗚嗚...」Jennifer突然崩潰咗...

死啦，我記得發生咩事啦！Jennifer嘅記憶係俾人刪改過嚟！

可惡！應該係刪改果陣順便洗埋佢之前一啲認知！

我輕輕攬住咗Jennifer... 安撫下佢...

『唔緊要架... 唔好逼自己去諗... 你越用力，可能只會更加諗唔到架咋...』我唔知到佢嘅腦部結構係咪同人類差唔多...

「係我無用... 係我自己大意... 一個唔覺意就比佢... 比佢捉住咗我... 嗚嗚嗚嗚... 跟住就...」Jennifer攬住我喺度喊...

『Jennifer... 喺我眼中，你係一個好叻，好堅強，好獨立，亦都好溫柔嘅女仔... 我知你已經盡咗力架啦。 有啲嘢發生咗，當時無辦法避免... 我知你都唔想嘅...』我繼續輕聲講...

唔知點解臨到要出發... 我對Jennifer嘅慾望越嚟越大...

我而家呢刻好想錫佢...

正同我控埋Jennifer嗰度之際...



我望到Jennifer身後個mon...

我突然停咗，無再郁...

『Jennifer... Jennifer... Jennifer吖！』我好驚...





『係紅色... 仲有... 仲有紫色...』

咁快搵到源頭

哼 係Jennifer佢以前唔識用無人機去搵
次次都人手搵姐

用無人機快好多

咁你要諗下，點解海防基地成立咗3年，都要去到今日先可以用到無人機呢？

係喎，明明連s400、激光炮都有

諗唔諗到呢？

劇情需要

記唔記得吖恆未嚟果陣...
其實Jennifer同大家嘅關係一啲都唔好架？

Jennifer話佢哋係飯桶
佢哋就覺得Jennifer收兵，仲要害死人

明明哋，班人嘅研發能力不足？

你估佢哋果陣嘅關係
仲可以合作到 打到隻無人機落嚟咩？
無俾啲PLA炸咗個總部都好好彩啦


至於Jennifer之前段回憶，係海防基地啱啱成立果陣

但angie佢哋唔係本來同Jennifer關係唔錯嘅咩？

你見到之前段回憶
係佢哋啱啱識果陣

之後其實嗌咗交...

但係礙於Jennifer嘅地位，加上Professor處處保護Jennifer
令到海防基地嘅大家更加同Jennifer對立

佢哋又慢慢睇住Jennifer一次又一次咁帶咗啲中意佢嘅男仔上山
跟住又出事 又消失咗
但係礙於Jennifer嘅性格...
Jennifer佢唔敢解釋俾佢哋聽發生咗咩事
甚至連佢自己都唔明白發生咗咩事

但係你應該見到其實佢係自責嘅

直到阿恆嚟咗之後 謎底先慢慢解開
同埋阿恆佢主動幫Jennifer闢謠

加上大家本身唔討厭阿恆
所以先慢慢可以好得返，可以好似以前咁...

但係呢... 阿恆佢似乎要俾人帶上山了

睇嚟恆仔係咁歹了