我唔覺意穿越咗時空 遇到個神秘女仔？！（2）

而家寫到113
但係由108開始就會chur

所以為咗唔好我chur到半路跟住停咗
我決定寫晒chur嘅部份先開始出

應該仲差5篇左右就會完咗嗰部份...
到時就可以恢復出文

支持

你mon到實嘅

咁啱見到啫

努力💪

肯定有save低我個post

要有靈感先得

上嗰個要，因為你不推文有時真係出咗文都無人知

而家習慣出咗文先會推一下

樓主上水未

唔通係新讀者？！
黎黎黎 我返黎啦

上水都冇文

等等等

等你

啱啱發生咗啲事
陣間返黎架啦

我又等

係你！
我唔催得架

由於今次篇文有啲特別...
所以會以會員限定形式發放

諸位晚安
是日特別文經已發放
請各位讀者笑納～
如無意外 由聽日開始會恢復更新

喺出Chapter 106之前
應該會整返個「上回講到」先～

俾大家重溫返之前嘅文先～
而家去校對Chapter 106

Chapter 106 訓練（下）

「Missile Launch！Missile！8 O'Clock...」今次已經唔知係第幾次訓練...

左邊嘅TSD冇正方形喺度閃，亦都冇紅色箭嘴，只有一條紅色嘅虛線指示導彈嘅方向！

我判斷追著我嘅導彈，係熱追蹤導彈。

立即執行相對嘅應變方法！

我左手第一時間擺落油門，拉後收油！減低引擎輸出嘅熱力！

然後左手撳武器欄... Select Flares，5粒，放！

右手同時拉動F-35急速轉向迴避！

導彈成功俾我引咗去啲Flares度！

我再改變方向加速爬升離開！

「Very good... 阿恆，練到熟晒啦。」Professor佢點點頭咁讚我...

『多謝誇獎... 多謝誇獎...』其實係F-35嘅設計令到所有嘢都變得好簡單... 並唔係我勁。

俾在係F-22或者之前嗰啲飛機... 邊會有touchscreen咁方便吖？！

我突然眼前一暈...

『嗚！』我嘗試離開駕駛倉嗰陣失一失平衡...

肚入邊突然有想嘔嘅感覺！

「垃圾桶！」Professor指一指門口...

Nikko即刻跑過去！

『嗚！啊啊啊啊啊嘔...』我突然反胃... 嘔返晒頭先食嘅晚飯出嚟！

好彩Nikko已經及時趕到，用垃圾桶接住我啲嘔吐物...

『咳咳咳...』我仲未唞順條氣... Professor遞咗支水俾我...

「嗯，似乎阿恆你仲未適合揸飛機，駕駛嘅工作到時留返俾Jennifer。」吓... 如果我唔係嘔嘅話？！

『但係Professor... 你都有眼見喎... 我頭先...』我唔服氣！

「冇得傾！始終Jennifer佢嘅飛行經驗多過你，我唔可以俾你飛飛吓嗰陣突然嘔架！嘔吐物會阻住你嘅視野，非常危險。主要嘅駕駛都係留返俾Jennifer，你要坐後座。」Professor佢斬釘截鐵咁講！

「不過... 我可以話你知，我嘅研究就係整一架訓練機版本嘅F-35。你就算坐後座，你都可以駕駛到架。只係因為你咁樣，我擔心你會出現Spacial Disorientation。」Professor佢語重心長咁安慰我...

唉... 我唔怕話俾大家知，其實我一直都好盼望揸飛機...

所以我先會咁中意玩嗰啲飛機戰機game...

原來真係要飛，唔係咁容易嘅。

「Jennifer嘅飛行控制做得好過你，其實你頭先睇佢飛嗰陣，你見到佢每個飛嘅動作都係好協調。但係佢放flares嘅時機掌握得唔好，始終佢對啲Avionics嘅操作唔係太熟，亦都唔係太pickup到。呢一點你叻過佢。」Professor拍一拍我膊頭...

Jennifer亦都有啲唔服氣咁望過嚟...

原來Professor係有呢個顧慮...

「嘻嘻嘻～ 但係至少我終於有得揸～」Jennifer奸笑望住我...狡猾咁講！

你個可惡嘅Jennifer！咁得戚吖嗱！

「隆！」「哎喲！」Professor突然一拳轟落得戚嘅Jennifer度！

我忍住笑！我真係好想恥笑佢！

「你個衰妹咁得戚吖嗱？你同我好好咁照顧住阿恆佢吖知唔知吖？咪亂嚟吖！」Professor呢個表情！

明眼人都知佢係詐嬲啦！其實佢頭先嗰拳都冇出力...

係估唔到佢會幫我口姐～

「嘿嘿～ 我會嘅～ 阿恆可～？」Jennifer突然走過嚟繞住我...

佢好狡猾咁錫落嚟我道！我一時避唔切... 塊面俾佢強行錫咗啖！

「唉吔！怕咗你哋兩隻嘢！使唔使俾間房你哋兩個吖？」Professor失笑...

『欸... 不了... 我諗返去R904 Ok架啦。』我有啲怕醜咁講...

「嗯，我帶你哋兩個返去訓先... 都夜架啦。」Professor佢望一望時間...

原來而家都凌晨兩點... 點解我唔覺得攰嘅呢？

跟住我哋經地底行返去搭𨋢上R903，Professor間房...

Professor佢同我哋一齊合力搬一啲凳過去R904...

我哋用8張凳拍埋兩行... 咁樣整一張床...

另外仲有之前張病床... 其實都唔算係一張病床...

都唔知點解呢度會有張床啦...

「好啦你哋兩個今晚慢慢啦，我就喺隔籬房嘅姐... 唔 阻 住 你 哋 啦～」Professor你暗示啲乜嘢吖！！！？

我想講！我冇咁鳩痕囉！Professor你唔好亂諗嘢啦！

...

我無聊... 走過去門口附近熄晒啲燈佢...

我同Jennifer一齊坐喺R904入邊其中一張枱上面...

Jennifer伸一伸手... 攬住我個頭挨落佢道...

我哋兩個唔出聲... 喺R904望住維港嘅對面岸...

對面岸漆黑一片。

「你覺得佢哋而家過成點呢？」Jennifer細細聲問我...

『Ok啦，我見我上次打電話俾佢哋嗰陣... Angie佢都好似幾開心... 我諗佢哋相處得舒服，冇嗌交喎～』我仲記得上次...

Angie聽電話嗰陣好似同嗰個我哋喺山上唔覺意撞到嘅男仔一齊玩緊？我見佢哋兩個笑瞇瞇咁...

「嗯～ 我都希望係咁... 其實呢，我想令到佢哋照顧到自己。」Jennifer望住窗外嘅景色...

有人講過... 真正咁幫人，唔係就咁幫佢做一件事咁簡單...

係要教識佢點樣自己幫自己先啱。

而Jennifer就係想做呢樣嘢。

正所謂授之以魚不如授之以漁。

『咁Jennifer你...』唔通... Jennifer覺得自己唔會一世喺佢哋身邊？

「呢個宇宙仲好大... 好多嘢我哋都未探索過。我喺屋企嗰度仲有少少朋友嘅...」

「如果可以嘅話... 可能土壤樣本呢個外交風波解決咗之後... 我就應該會去第二個地方。始終XG島係佢哋嘅屋企，唔係我嘅屋企。」

「但係... 都要呢個朋友飛到過嚟地球先得架...」

『佢偷唔到太空船？你嗰陣點樣過嚟架？』我想慢慢了解下Jennifer嘅背景...

「嗰陣... 我其實係被人流放嘅。我一直都非常反對我哋嗰邊啲人去嘗試干擾藍星人嘅生活。呀Sorry，地球，地球。」

「但係我有話過你知啦，佢哋當你哋係玩具... 我就話，至少玩玩具，都要了解吓玩唔玩得先啦！一陣人哋有星球殺手嘅武器... 得罪錯人點算呢？」

「佢哋見我咁堅持己見... 我咁樣又無犯法... 既然我又咁心甘情願嚟藍... 地球... 佢哋都恨不得送走我呢個麻煩人。」

「而揸太空船... 係要經過嚴格嘅背景審查嘅。我哋太空船上面操作系統嘅Firmware係直接bind駕駛者。就算我想揸，都唔會俾我揸到。」

「原本陪我一齊嚟嘅拍檔...佢就係可以揸太空船嘅。 佢個名嘅拼音係A... A乜嘢呢...？？」Jennifer掩住個頭...

『Jennifer，唔好太大力去諗，你嗰段記憶傷過嚟。』我唔想佢崩潰... 我知佢嘗試回想嘅話會好痛苦！

「嗯，我淨係記得... 佢係一個好明白我... 好照顧我同埋體諒我嘅男仔，我嗰陣好中意佢。」我聽完有啲呷醋...

「但係... 我唔知道嘅係... 原來條賤人... 佢同我嗰啲同類嘅心態一樣！佢都係當你哋係玩具！」

「你知唔知點解佢會對我咁好吖？係因為貪我係𡃁妹仔，冇拍過拖！易氹，氹兩氹就冧佢吖！」Jennifer有啲晦氣咁講！

「佢好識摸我嘅心態。佢明白我份人要嘅嘢真係好簡單... 你跟得上我嘅節奏，配合到我，唔會嫌棄我嘅思維太跳脫，同其他人唔同... 其實我就ok架啦～」原來Jennifer嘅擇偶條件係咁樣嘅...

『咁點解我...』

「我都唔知... 真係好神奇... 你同我係出奇地合拍嘅！我係從來都冇諗過，我會喺地球遇到一個好似你咁樣嘅人！」Jennifer咁樣一講... 我心入邊有啲輕飄飄...

「你係咪喺地球... 都係冇乜知心嘅朋友吖？」Jennifer細細聲咁問...

『嗯... 我同佢哋普遍嘅人嘅思維... 都唔同，就好似我脫咗節咁。』

「你而家... 有我吖。」Jennifer溫柔咁喺我耳邊講...

今次... 係我主動錫佢啦。

『Jennifer... 你唔會掉低我㗎可？』

更新到Chapter 106
唔知可以捱幾耐，但係照寫！

哎呀 唔記得推一下