我唔覺意穿越咗時空 遇到個神秘女仔？！（2）

更新到Chapter 101

Chapter 101 廝殺（上）

「佢哋想用腦聯叫啲人搵我！」Jennifer大聲咁講！

「咔擦！」Jennifer立即舉起槍指住Sabrina同埋阿謙！

Sabrina同埋阿謙面色一變！

『喂喂喂做咩吖？』Jennifer又跳掣啦！

「頸，即刻擰轉俾我睇！」Jennifer好惡咁講！

係喎！佢哋兩個如果裝有腦聯嘅話...！我都即刻舉起槍！

佢哋兩個竟然好合作... 慢慢舉起手擰轉身...

我同Jennifer慢慢用左手摸佢哋嘅後頸，右手揸住槍...

「咁樣你哋信我哋啦嘛？」阿謙佢有啲無奈咁講...

Sabrina都係一臉無奈，但係睇嚟佢哋兩個都好諒解，冇怪責我哋多疑。

『Sorry，不過我哋真係冇辦法唔動粗。』我都有啲唔好意思咁講...

「Ok... 」Jennifer確保咗佢哋兩個冇腦聯之後先冷靜少少...

『Jennifer，你部電話會唔會攔截到佢哋嘅信號？睇下佢哋send咗啲乜嘢command出嚟？』我示意Jennifer...

而家我唔可以同Jennifer用心靈感應...

我哋三個都控埋去望...

Search，Grab，Pain Ignore... Facial Recognition data...

「係喪屍模式。」Jennifer有啲絕望咁講...

「記唔記得嗰陣喺北角海傍，臨尾有個PLA挾持我，就算你開槍佢都繼續走埋嚟？」Jennifer拉一拉我問我...

屌！諗起都恐怖！我點點頭...

「你哋有辦法解讀到腦聯嘅信號？」Sabrina同埋阿謙好奇咁問...

「係吖，呢個係我同阿恆佢一齊合作整嘅Program... 可以解拆到一部分嘅signal...」Jennifer喺度解釋...

等等，Professor佢有裝腦聯喎！我望一望Jennifer...

「Jennifer，手上仲有幾多彈藥？」隻錶傳嚟Professor把聲...

Professor佢冇事？！

「你等等... MP7，兩個彈盒，仲有80飛。」Jennifer點算身上嘅裝備...

可惡... 我支MP7得返... 10粒子彈。

頭先浪費咗太多彈藥落裝甲人身上！

「我呢度搞掂晒，而家CCTV已經失效，盡快去R Core匯合。」Professor冷靜咁講...

Sabrina聽到之後，單手輕輕力打開殘廁道門... 另外一隻手揸住槍...

佢謹慎咁望一望... 跟住點一點頭！

「總之見到有人，佢一衝埋嚟就殺。」Sabrina認真咁講！

跟住我哋幾個出咗嚟... 慢慢放輕腳步行...

而家走廊嘅燈著晒...

但係，如果見唔到Jennifer個樣嘅話，咪唔會trigger到啲人囉？

『如果行Podium會唔會快啲？始終出面暗啲，冇咁易認到Jennifer出嚟。』我提議...

「啱！Sabrina，S Core出Podium，暫時收起槍。」阿謙佢拆咗地拖棍上面嘅刀，插返落腰上面嘅刀袋。

我都暫時遮一遮我支槍...

跟住嚟到S Core... 我哋慢慢落樓梯...

Sabrina帶頭，跟住係Jennifer，尾二係我...

阿謙佢背向住我行負責殿後...

我哋每行過一個轉角位就拍一拍下一位嘅膊頭，確保隊友仲喺度！

終於嚟到Podium嗰層...

唔知點解平時坐喺S Core個食蕉唔見咗...

Sabrina伸個頭望出去...

「出面都有啲人... 雖然唔多，但係都要小心。一旦trigger其中一個，佢哋就會有共振反應！」Sabrina細細聲咁講...

我哋要扮正常咁慢慢喺S Core行出嚟... Jennifer佢就耷低頭，盡量唔好俾人望到...

咦？原來佢唔知幾時着住吞噬俾我嗰件長袍！我冇留意到嘅？

『Jennifer，你有冇劍？』如果又有袍又有劍...

「有，但係我嘅力量只可以是但用一樣，兩樣一齊用嘅話會暈。」Jennifer細細聲喺我耳邊講...

我哋而家喺平台... 慢慢行緊上樓梯，呢個位置係R Core正門嘅另外一邊...

通常都冇人會行呢度... 所以而家周圍嘅行人都未去到近到望到我哋...

Ok... 終於俾我哋入到R Core...

「咿...」我哋正想行去防火門嗰陣...

「咦？你們是...」只見有一個着住保安制服嘅阿姐行出嚟...

佢突然面色一變，雙眼反一反白！

「我要抓！」佢突然衝向Jennifer，雙手舉起，打算熊抱Jennifer！

仆街！

「咔擦！」我拎起MP7上彈，手指Select單發Mode！

「撕！」阿謙突然掹出軍刀，擋喺Jennifer面前！

「目標確定！要抓！」個保安面不改容，繼續衝向Jennifer嘅方向！

「喝！」阿謙佢一個箭步突然上前！

佢右手用力連插個保安胸口三刀！但係個保安仲蠕動緊！嘗試衝過嚟Jennifer度！

阿謙佢一手甩開已經中咗三刀嘅保安！

周圍血液四濺，搞到成地都係血！阿謙把軍刀滴緊血之餘，佢手上同埋身上都染晒暗紅色嘅血！

好恐怖！好恐怖吖！ 殺人好恐怖！

我真係好驚血！

跟住個保安就失血過多... 無力咁暈咗喺地下...

Sabrina突然跑向門嘅方向！

「快啲幫手閂咗道門佢！」Sabrina喺度拉緊R Core其中一個入口嘅門！但係道門成兩層樓咁高，好重！

阿謙佢即刻過去幫手！同時我同Jennifer跑去另外一邊嗰道門！

可惜太遲啦！有另外一個睇落似學生嘅男人行咗入黎！

佢同Jennifer對望咗一秒... 跟住個人呆咗一呆...

「目標已確定！我要抓！」佢突然伸手侵犯Jennifer！

「吖！！！阿恆！！！」Jennifer俾個男人捉實咗，冇辦法掹槍！

屌你老母！你條死蝗蟲搞我Jennifer？！我唔會同你客氣！

「碰！」我用MP7近距離Headshot咗佢！

嘩。好恐怖... 佢頭部中槍濺咗啲血落我同Jennifer度！

我用力踢開佢嘅屍首！點算？

「咦？發生什麼事呢？怎會這麼大的聲響？」死！佢哋肯定聽到我開槍嘅聲！

今次眼前係一個矮矮哋扎著馬尾... 好可愛嘅女仔...

只見佢面上仲有啲稚氣... 胸口有一對未發育完嘅小饅頭...

佢突然變面，望住Jennifer！我拎住手上嘅MP7... 遲遲都冇力拉Trigger...

點解... 點解而家會搞到要殺個咁可愛嘅...

「碰！」Jennifer開咗槍！佢直接打中要害！

個女仔就咁就... 冇咗命。

我... 我哋... 呢度根本就係廝殺！

「對唔住... 請你安息啦。」Jennifer細細聲咁講。

而家開始有其他人行過嚟R Core！

「目標... 目標... 已.. 已經確定...」今次唔止一把聲！

係好多把聲！

我突然見到廣場上面好多人向住R Core嘅方向行過嚟！

今次真係仆街了，睇嚟應該Trigger咗共振反應！

恐怕係腦聯嘅電波已經不停哋由一個人傳去下一個人！

佢哋接收到發現咗目標嘅信號，所以就會向住我哋個方向行過嚟！

『阿謙！Sabrina！你哋嗰邊搞掂未？！』咁搞法我哋閂唔切呢邊道門！

我聽到身後有腳步聲，有人拍一拍我哋膊頭！

阿謙佢上緊把刀上地拖棍，Sabrina就拎起手槍，暫時退一退彈盒出嚟檢查彈藥數目，再入返佢！

「呢度閂唔到架啦！冇辦法啦！」阿謙佢大喝一聲！

說時遲那時快，R Core已經接近被包圍！

「隆！隆！隆！」我見到周圍有人拍打R Core大堂嘅玻璃！十足十喪屍圍城咁！

跟住門口開始有人湧緊入黎！

「喝啊！」阿謙佢舉起矛插向衝埋嚟嘅人！

「碰！碰碰！碰碰！」我，Jennifer同埋Sabrina同時開火！

每一槍都係對住頭部開！要一槍就攞佢命！

但係就算用咗單發模式慳子彈... 而家呢度目測至少有40-50個人！

我哋嘅槍... 邊度打得過吖？！！！

我寫呢度嗰陣...
其實都覺得有啲殘忍