我唔覺意穿越咗時空 遇到個神秘女仔？！（2）

sor 頭先掛住同人傾偈
而家出文

更新到Chapter 79
今次呢篇我好想急住出
所以可能未校對清楚
都係例牌有咩錯字我就罰抄

Chapter 79 噩夢開始

「其實... 我都好驚。」Jennifer震住咁講。

「恆... 我仲想...」Jennifer控個頭埋嚟...

佢想錫我... 我配合Jennifer嘅動作...

Jennifer口水嘅味道仲有頭先啲嘢飲嘅味...

我開始感受到Jennifer內心嘅恐懼...

Jennifer嘅呼吸好急促...

同之前佢錫我嗰幾次唔同嘅係...

今次佢係不停哋好aggressive咁摸我同埋捉住我嚟錫，好似好怕會失去咗我咁...

我開始感受到佢其實好驚自己會死... 但係佢最驚嘅係佢死咗而我就死唔去...

Jennifer... 我而家真係好愛你。

過咗一陣...

我望一望地圖... 如果無人機嘅數據無錯嘅話...

上到嚟呢度，車路附近嘅引水道已經受到污染...

我哋兩個仲係生勾勾。

『Jennifer... 你望下，附近係黃色架。』我指一指出面嘅引水道石渠，再指一指地圖。

只見石渠上面有一塊生滿青苔嘅牌寫住MPK23...

我哋距離大風坳仲有一段車程。

「嗯，你同我都仲喺度。」Jennifer佢雙眼望住我...

Jennifer都拎起電話望望... 跟住佢面色凝重。

「的確有反應，雖然唔強，但係我哋要小心啦。」佢講完之後就開車...

我哋一直上，一直上到去一個平地...

呢度就係大風坳...

我已經聽到車窗出面吹住強風... 呢度離地大概300米左右。

周圍都冇乜山勢阻擋，所以非常之食風...

跟住仲見到有一個好黑，好殘舊嘅廁所...

右邊係上畢拿山嘅無盡天梯... 前面有燒烤場，休憩設施... 跟住再落啲就係野豬徑...

同埋就係去大潭水塘嘅車路啦。

我果然無估錯，車閘係鎖上咗嘅。

「跟住點樣行... 」Jennifer佢望住我...

『你放心，細個果陣老豆有帶我行過山，我都ok熟路嘅，似乎未來嘅呢度都冇乜改變。』我打算開門落車...

「恆！要落車嘅話，我哋兩個齊上齊落！」Jennifer大聲叫住我！

可惡！我又犯相同嘅錯！一嚟到熟悉嘅地方就放低咗戒心！

「爬過嚟我果邊，我要拖住你！」Jennifer示意我爬過去佢個位...

我就爬咗喺佢對大髀上面... Jennifer對大髀真係好嫩滑...

「做咗嘢先啦... 我哋有命返去嘅話，我之後同你再曳過都得啦...」Jennifer喺我耳邊細細聲咁講...

Jennifer吖！！！！你係咪想引死我吖？！

跟住佢攞咗其中一條繩，綁住咗我隻左手同埋佢嘅右手。

「而家咁樣嘅話，我哋就永遠都唔會分開。」Jennifer雙眼望住我，認真咁講...

『嗯...』Jennifer...

如果你永遠都會陪住我，喺我身邊...

如果我哋永遠都唔會分開嘅話... 我為咗你，我做咩都得架！

「就算你有幾中意我都好，唔好為咗我而死，知唔知吖？」Jennifer有啲傷感咁講...

『嗯！』我大力點頭！

跟住我哋兩個落車... Jennifer拎住佢舊C4塑膠炸彈...

只見車閘把鎖真係好大，我諗用斧頭都未必搞得佢掂。

Jennifer抆咗啲C4落去個鎖同埋個扣位...

跟住裝上引爆嘅雷管，然後拉電線退後...

「掩住耳仔。」Jennifer抬起我隻左手...

我哋兩個都掩住咗耳仔... 跟住Jennifer單手撳掣！

「轟隆！噹噹！」C4爆炸產生火光，只見車閘被炸開咗。

條鐵桿垂直咗，無再阻住條路。

跟住我同Jennifer都上返車，Jennifer先肯解開條繩...

Jennifer揸車慢慢駛落去，一度落斜...

我而家哋非常之接近水塘嘅位置...

再過多兩個彎就到！我心跳不禁加速！

我都見到Jennifer全神貫注咁望住條路，佢隻手好大力咁揸住軚盤... 佢都好緊張！

跟住Jennifer就停咗車。

佢拎起電話一睇... 面色非常凝重。

我亦都望望... 信號反應強度非常高。

「呢個強度，仲高過我喺北角發現你果陣。我從來未見過咁高。」Jennifer嚴肅咁講...

「恆，你有心理準備啦嘛？」Jennifer拖住我隻左手...

『Jennifer，你呢？』我同佢十指緊扣...

「嗯，嚟啦。」Jennifer再次綁住我哋嘅雙手，然後落車。

佢啱啱仲拎咗一個類似玻璃樽嘅物體...

「呢度，遊繩落去。」Jennifer將另外一條繩綁住喺樹...

跟住再將條繩綁喺我哋身上面... 我哋慢慢拉著條繩接近水塘嘅範圍...

但係中間有啲矮樹，啲樹枝不停刮傷我哋... 又要避開！

好不容易先開始見到下低有啲石頭...

前面就係水塘！

我同Jennifer一望... 只見白色火箭嘅殘骸就喺水塘盡頭嘅中心位置... 距離我哋遊繩呢個位置有30-40步左右...

火箭嘅殘骸係白色嘅，但係我都見到零散有啲碎件喺度，我都好似見到有紅色盒...

「慢慢行，小心唔好掂到地下嘅水或者嗰啲物件。」Jennifer慢慢同我接近個殘骸...

一步... 兩步...

我哋好小心咁踩住喺啲石頭上面... 一個唔覺意失平衡我哋就會掂到啲水！

真係無人知會發生咩事架！！！

我哋一直行，小心咁踩住石頭... 由於近排冇乜落雨，水塘盡頭呢度嘅水，其實只係啱啱浸濕咗啲石頭...

行到一半啦... 等等，點解好似覺得有啲暗嘅？

好似唔對路喎？我打算叫Jennifer...

『Jeeeeeeeeennn....nnniiiffffeeerrrrrrrrr........』我嘗試講嘢... 等等，點解我把聲拖慢咗咁多？！

發生緊乜嘢事？！發生乜嘢事？！我望住Jennifer！

佢仲喺我隔籬！但係佢望住我...

我望到佢嘗試擘大口講嘢... 我一樣聽唔到佢講乜嘢！

佢都發現咗自己講唔到嘢！

我哋兩個停咗喺度。我趁我仲望到Jennifer果陣，用力撞一撞Jennifer嘅手臂！

Jennifer好似想挨過嚟... 大鑊！好似越嚟越暗... 我眼前好似得返Jennifer嘅身影...

火箭嘅殘骸... 我哋頭先爬過嚟嘅地方...

慢慢都開始見唔到！

「恆，我講唔到嘢！你感唔感受到我？我求下你，快啲答我吖！」Jennifer把聲喺我腦海入邊出現！

『聽到吖！Jennifer！我聽到你把聲喺度！你聽唔聽到我吖？你都要答我吖！』我好用力咁諗，好激動咁喺個腦入邊講！Jennifer，求下你，你要感受到我吖！

我好驚... 我完全無辦法明白發生緊乜嘢事！

「我喺度，恆，你都好激動。但係我真係估唔到... 我仲感受到你。」Jennifer嘅語氣稍為緩和咗...

「我諗... 我哋... 呢度附近嘅空間，時間或者重量可能被扭曲緊。」Jennifer認真咁講...

終於要穿越時空

係咪真係係咁歹呢

防火牆唔係咁咩？