我唔覺意穿越咗時空 遇到個神秘女仔？！（2）

其實，已經有哂畫面。。。

brain computer interface 係咪就係腦聯?

可以將思想轉化為行動，自動駕駛?

但接口一開，就代表可以反向😱😱

阿賴耶識系統的反控制版本。。。

今次嘅靈感 我都唔知喺邊度嚟啦
我淨係知我寫完都覺得好恐怖同埋殘忍

distopia

我頭先又寫咗文... 不過我好攰...

聽日先出啦

等等 依家校對緊 好快就出

更新到Chapter 102

Chapter 102 廝殺（下）

「碰！碰碰！碰！」我哋而家不停對住R Core嘅門口開槍！

「咔！」可惡！我冇子彈啦！

『Jennifer！』我淨係叫到一半，Jennifer已經塞咗一個彈盒俾我！佢係完全知道我想要啲乜嘢！

就算我哋而家冇辦法心靈相通，呢個就係我哋嘅默契！

跟住佢索性連佢支槍都塞埋俾我！我而家雙手揸住MP7...

「吱！」現場突然亮起一道刺眼嘅紅光！

「嘩。你玩晒啦...」阿謙佢望到Jennifer出激光劍都表示驚訝...

「去死。」Jennifer一揮激光劍！

即刻有三個人頭落哋！切口仲要燶晒嘅，連血都冇滴！

但係其餘嘅人... 唔係，呢啲我已經唔覺得係人。

佢哋係喪屍！佢哋就算見到Jennifer把紅劍，就算見到人頭落地都係繼續衝埋嚟！佢哋根本係喪失理智嘅！

「嗡！嗡！嗡！」Jennifer連揮三下！大量屍首俾佢斬開一半跌喺地下！

真係好恐怖！我哋呢度而家同大規模屠殺冇分別！

Jennifer佢雙眼發紅，一度揮劍完全唔眨眼，佢猶如進入咗屠殺模式咁！

啲喪屍繼續湧入黎，直接踩過地上面斷開咗幾截嘅屍首！

有啲就kick到，跌喺地下都繼續爬過嚟！

「碰！碰！」我開槍解決兩個喺地下爬嘅！濺到一地都係血！

「目標已確定... 目標已確定...」佢哋把口唸唸有詞咁講....

但係而家咁樣... Jennifer嘅體力會用晒架！要諗辦法！

『Sabrina，幫手去望下R Core樓梯係咪Clear？Jennifer佢唔會頂到好耐！』我擰轉身望一望Sabrina...

佢做出一個Ok嘅手勢，然後轉身退去R Core啲𨋢右邊頭先個保安行出嚟嗰度嘅樓梯...

佢拎住手槍，小心翼翼咁踢開屍首，慢慢打開門...

「碰碰！碰！」我聽到佢喺樓梯嗰度開槍！

「嗡... 嗡嗡嗡！」我見到Jennifer仲喺度揮緊紅色嘅激光劍！

但係激光劍道光暗過頭先嗰陣，道激光亦都短咗！

Jennifer嘅力量慢慢變弱緊！佢而家殺到興起，未必會留意到！一定要話佢知先得！

『Jennifer！收手啦！你唔得架啦！』我大聲咁叫住佢！

呢度仲夾雜住嗰啲喪屍喺度鳩叫嘅聲！

「嗡！嗡嗡吱吱！」佢繼續揮劍，但係佢可以攻擊嘅範圍越嚟越細！

可惡！

「咔擦。」我雙手揸住MP7，Fire Selector選擇Full-Auto。

『退開！』我大聲喝令！Jennifer踎低身！

「啪啪啪啪啪啪啪啪啪！碰碰碰碰碰碰碰碰！」我利用兩支MP7製造短暫嘅壓制性火力！

不停地開槍掃射嗰堆失去咗自身意志嘅狂人！

Jennifer身子一軟...

「咇撻...」佢冇力咁跌低咗！

「咔！咔！」兩支MP7都冇晒子彈！Jennifer冇力！

我點算好！？

「喝啊！」只見阿謙佢突然衝上前！

佢拎住地拖棍軍刀插！再捅！掹出嚟！再捅！

周圍血液四濺！阿謙佢繼續揮動地拖棍軍刀！

「我幫你拖延時間！你快啲拉佢去Sabrina嗰度！」阿謙佢繼續頂住！佢打算犧牲？！

陣間佢俾啲喪屍推跌，實踩死佢架喎！

我孭起Jennifer... 佢迷迷糊糊咁... 但係仲未失去意識...

「掉低我... 走... 走啦恆... 你唔值得... 唔值得為咗我...」Jennifer佢喺我耳邊斷斷續續咁講...

『Jennifer！你係我最重要嘅人嚟架！我就算死都要保護你架知唔知吖！你頭先咁努力保護我哋，而家想功虧一簣吖？』我大聲鬧，同時急步行去樓梯嗰度...

Sabrina向我揮手示意我過去...

突然...

「噹！」係R Core嘅𨋢響起嘅聲！

只見𨋢門慢慢打開... 我一望！

係裝甲人！仆街了！

「嚓！」咦？

「隆... 隆... 隆！」裝甲人慢慢喺𨋢道行咗出嚟！

佢嘅雙手，冇着上裝甲！

不過佢手上今次多咗一把Benelli M4半自動散彈槍！

只見佢舉槍！弊！今次死定啦！

「龐！」佢開火！咦？

佢打中阿謙... 眼前隻喪屍！隻喪屍中彈之後向後跌！

「龐！龐！轟隆！龐！轟隆！」裝甲人用嘅係HE（High Explosive）彈！

「阿謙，退後！」裝甲人把聲大聲喝令！

係Professor佢！Professor條痴線佬！

連人哋套裝甲都搶埋嚟用！

佢暫時用槍炸退咗啲喪屍，拖延到少少時間！

佢迅速咁反起Benelli M4上彈！

只見佢喺腰間一次過掹咗4粒子彈落嚟，然後用左手好快咁以兩粒子彈為一組咁推入槍管！

嘩！係Shotgun Quad Loading！呢個技巧係要練好多次先可以做得咁純熟架！

「龐！轟隆！」佢仲係用緊HE彈！當打中喪屍嗰陣會發生爆炸！炸到血肉模糊！

痴線... 我哋真係喺度屠殺！

「隆... 隆！」Professor佢慢慢向後退...

阿謙佢拆緊支軍刀落嚟... 點解？

Professor佢慢慢退，同時繼續開火遏止啲喪屍嘅攻勢！

Professor佢突然一閃入黎！跟住阿謙就用支地拖棍穿過門上面嘅環！

咁樣就俾佢鎖咗樓梯道門！

Professor佢除咗個防彈面罩落嚟...

「阿恆，我哋又見面啦。」Professor望望我哋... 望望我孭著暈咗嘅Jennifer...

「呢度唔會頂到好耐。呢支棍防到喪屍，但係防唔到PLA。」Professor望住嗰啲喺度嘗試推門，塞咗喺度嘅傻鳩...

R Core呢道防煙門係要拉嘅... 佢哋喺度推...

駁咗腦聯之後，佢哋真係同弱智冇分別。

等等，連接住QR嘅地方... 點算？！如果有啲人喺嗰度攻入黎呢？！

『Professor！QR呢？』我緊張咁問！

「R Core係我嘅控制範圍之內。我頭先一路行過嚟嗰陣，已經將啲門鎖晒。」原來Professor搞咁耐... 係做呢樣嘢！

「但係而家咁樣嘅情況意味著今次唔會係出NSD咁簡單。佢哋要用到呢個手段嚟捉人，就已經可以見到佢哋想捉到你嘅決心。」Professor對住Jennifer講...

「Jennifer，我哋要諗辦法收埋你。」Professor佢望住迷迷糊糊嘅Jennifer...

但係... 要收埋佢喺一個從來都冇人會去嘅地方...

又要係安全嘅...

『Professor，你喺玻璃大學入邊，仲有冇其他朋友？』我問問Professor...

「有嘅... 我哋上咗九樓先講啦。」Professor佢除咗一部分嘅裝甲落嚟，然後拎住Benelli M4帶頭上樓梯...

而我就孭住Jennifer... 阿謙同埋Sabrina跟喺我哋後面...

R Core樓梯嘅燈一閃一閃咁...

就算俾我哋暫時搞得掂啲喪屍... PLA嗰啲見到呢度嘅情況，肯定知道Jennifer匿咗入R Core啦！

佢哋實上嚟反轉成個R Core咁搜Jennifer出嚟！

Benelli M4示意圖：

https://youtu.be/KGWhSuXMvZA?t=452
Shotgun Quad Loading示意片段
留意佢第一次係double loading （比較容易）
第二次就係quad loading

https://youtu.be/erQ_J5nWZFk?t=60
裝甲人示意片段

教授型到

Professor不溜勁架啦
Jennifer都係佢訓練嘅

Professor係老咗啲姐 仲有魄力嘅