我唔覺意穿越咗時空 遇到個神秘女仔？！（2）

咁慳 好辛苦架

要儲多啲錢嘛

有時就算儲錢都唔可以太極端...

係啦 我近排終於有返少少靈感，去打一打文先...

唔算極端啦，啲坐緊監嘅手足咪仲慘

同埋我有時都會出街食

支持

都唔係打咗好多...
文都係聽日下晝先出啦

慢慢，反正我都係夜晚先睇文

更新到Chapter 90

Chapter 90 完全偏離計劃！

「咦，你要留心啦，今次個情況又超出我嘅預料。」Professor再次認真咁講！

「你睇下，係武警... 佢哋喺度封鎖緊道路。」Professor拎出Joystick，控制無人機飛向軍營附近嘅地方...

「大鑊啦，今次你真係要小心啲。」Professor佢指住軍營入邊嘅活動...

啲坦克車駛緊出軍營！痴線！使唔使出到坦克車嚟押送Jennifer吖...

「我真係冇預過佢哋癲到出埋坦克車，所以無人機上面未裝反坦克火箭...」Professor有啲唔好意思咁同我講...

『但係呢個會係唯一一個我可以救Jennifer嘅機會！如果佢俾人帶咗去青松觀就真係冇機會架啦！』我激動咁講！

『Professor你仲有冇乜嘢武器？激光槍嗰啲，Rail Gun嗰啲會唔會有？？』我認真咁問！Professor佢咁勁，點會冇啲絕招收埋架！

「呢啲我真係無喎... 你件袍... 已經先進過晒我有嘅武器。不過我可以借呢支槍比你。仲有如果你反坦克嘅話Javelin就用top down啦。」Professor佢拎咗牆上面一支類似AK47嘅物體落嚟...

「呢支係AK308，我花咗好多時間去改良佢嘅設計，not a scratch 吖。」Professor佢雙手交支槍比我...

「吖恆，係Jennifer。」Professor佢指住個畫面...

幾個人影押住一個唔識郁嘅身影... 係Jennifer佢！

我望住佢哋上咗邊架車... 可惡！係一架灰黑色嘅小型裝甲車，類似鈍武咁樣！

如果我用Javelin射呢架車嘅話，會殺死埋Jennifer佢！

「我呢支AK308裝住穿甲彈。如果你射得準嘅話，應該啱啱可以穿到防彈玻璃。」Professor佢皺住眉頭，打量住裝甲車...

「爭取時間啦，恆。」Professor示意我拎出水晶...

「嗱，左手用力一揸，聽到乜嘢都唔好應佢。你左手嘅手錶會寫住你仲有幾多時間就會暈低。記住，你唔係無敵嘅，每次抵消砲彈都會消耗能量。」Professor佢叮囑我...

我點點頭... 用力一揸紅色水晶...

嗚！我左手突然麻痺... 跟住感受到好凍好凍！

「吖恆... 吖恆你去咗邊吖？」咦？呢把聲叫緊我？

「我想要人陪... 點解個個都唔中意我吖...」點解我覺得呢把聲咁熟悉？

「唔好吖！你唔好消失吖！點解連你都會消失架？你去咗邊吖？！點解連你都消失埋架？」係Jennifer！把聲係屬於Jennifer架！

『Jennifer！係咪你嚟？』我嘗試叫佢！

「吖恆！聽住！呢個係副作用嚟。」Professor把聲突然出現！仲要不停有迴響！

我嘅聽覺靈敏咗好多，我甚至覺得係太靈敏！

我聽到冷氣機聲... 我聽到自己嘅心跳呼吸...

我睇到好多嘢！呢間房嘅格局...

出面嘅風景... 出面遠處嘅車... 我全部都一次過望到晒！

我再望一望隻錶... 上面30:00！

咁好彩？？

「Go.」Professor示意我開始行動！佢隨即坐返上位，用Joystick操控無人機！

我拎起炸藥插上引爆裝置，孭著Javelin同埋AK308，著上吞噬件長袍！

我一個箭步跑向R Core嘅防煙門，稍為用力一推！

「轟隆！啪呱勒！」道門竟然比我一掌震碎咗！

我一發力！如同突然掌握輕功水上飄一樣，可以輕易飛落樓梯，都唔會受傷！

不消30秒，我已經由9樓落到Podium！

我雙腳一用力，頓時喺10呎空中飛揚！

我用力集中向前跑！哇！

只見我已經跑咗去A Core，助跑嘅衝力令到我直接飛落樓梯！

我下意識伸出雙手平衡，身體以為我會跌落地！

誰知就快落地果陣，我非常之自然地做咗個前空翻卸力！

跟住我再起跳！已經嚟到漆咸道南附近，我望住右邊嘅槍會山軍營...

只見一架坦克車慢慢咁碌緊出嚟！

我企喺A Core巴士站附近搵掩護望...

我見到漆咸道北仲有途人！大家喺度好奇咁望住坦克車！

跟住仲有軍營嘅PLA喺度對開閘門，指揮後面嘅車排隊出嚟！

我確保無人望到我，拎起Javelin嘗試瞄準！

只見帶頭嘅係一部坦克，後面仲有一部裝有防空機關炮嘅裝甲車...

我感受到！係Jennifer嘅氣息！

佢！佢喺後面架鈍武入邊... 咦？點解...

Jennifer嘅氣息有啲虛弱？班變態對佢做咗咩嚟？！

我只有一次機會！如果我亂咁發射Javelin嘅話，可能會錯過最好嘅機會！

我一用力，邁向歷史博物館方向！

只見坦克車轉入漆咸道南... 成對車隊都一字形排開...

我雙腳一跳！輕輕跳上咗連接歷史博物館嘅行人天橋...

暗中望住坦克車經過橋底...

跟住係防空炮車... 跟住就係Jennifer身處嘅鈍武！

我抬頭一望，Professor嘅無人機一早已經喺空中盤旋... 似乎仲未被發現。

我舉起Javelin瞄準最前嘅坦克車！

「嗚嗚嗚... 咇！」目標鎖定！我選用Top Down模式！

「轟碰！」Javelin嘅彈射引擎點火！火箭主體飛出發射管之後，喺離我4米左右嘅空中點燃推進引擎！

「嗚嗚嗚嗚...」火箭急速爬升上半空，正當火箭喺度調整角度之際...

不妙！我見到防空炮車嘅機關炮座喺度旋轉！

佢發現咗我！我立即舉起長袍！

「吱吱吱吱隆隆隆隆隆隆隆隆隆隆隆隆啪啪啪！」防空炮對住我開火！我件袍不停中彈！

我突然暈一暈... 可惡！原來真係會消耗能量！

只見天橋嘅欄杆唔夠2秒就被防空炮打爛晒！啲士兵喺度將下一排炮彈裝上防空炮！

「轟隆！」帶頭嘅坦克車被從高空一躍而下嘅Javelin轟中，直接報廢！

我望一望隻錶！得返18分鐘可以用！

再望一望手上嘅AK308... 支槍都被佢哋打到用唔到！

真係對Professor唔住...

我可以點樣做呢？！只見啲士兵就快裝完炮彈，控制防空炮重新對準我之際...！

我扶住已經半爛嘅欄杆借力一跳！感受到個人浮緊喺半空！

呢個時候，士兵對住我開火！

「嗖嗖嗖嗖！」係砲彈飛過嚟嘅聲音！

咦？

身邊所有嘅嘢... 好似進入咗慢動作咁！

「嗡！嗡！嗡！」我拎住件袍一揮！再揮！

我好自然哋咁避開啲砲彈！猶如Matrix入邊嘅Neo喺度避子彈咁，不過我今次避嗰啲係砲彈喎！

我雙腳著陸喺炮座上面！雙手用力抓起嗰兩個士兵！

突然，所有嘢都回復正常速度！只見喺炮座上面嘅兩個士兵反應唔切！

我雙手一抓！再用力向前一甩！兩個士兵被我一嘢轟落Jennifer所在嘅鈍武車嘅車頭玻璃！

車頭玻璃撞裂咗！但係完全無打算爛嘅跡象！

「碰！碰！碰！」空中傳來爆炸嘅聲！

我舉頭一望，幾個類似手擲式催淚彈嘅物體喺空中爆炸！

跟住見到Professor架無人機低空俯衝經過！

我一個C4掉入防空車嘅駕駛座！

「轟隆！」司機頓時被我炸成肉醬！

而家隊車隊被我強行整停咗喺漆咸道南！

哼，今次你地如同sitting ducks一樣！

救唔救到Jennifer都係時間嘅問題姐！

誰知鈍武裝甲車突然發難！佢猛然使出一個倒車撞向後面尾隨嘅武警警車！

我舉起防空炮瞄準佢！

慢慢 反正我嘅讀者都唔多

瞓唔到就唔好迫自己要瞓著，嘗試放鬆全身，放空自己，以輕，細，長呼吸，換一種方式去休息，人體有一定程度的自我回復機能，慢慢會不自覺進入睡眠模式。

我係訓得着 但係訓唔耐就扎醒咗

我都好易醒，之前怕第朝唔知醒返工唔敢瞓，但又驚冇精神做野而閉目養神(通常即使唔瞓，都一樣可以衝到午飯後先開始冇電。。)

可能我仲有嘢擔心掛

我現在憂心的不會比你少。。。