我唔覺意穿越咗時空 遇到個神秘女仔？！（2）

更新到Chapter 110

Chapter 111

本桶今日心情欠佳
星期六會補文

Chapter 112 Leaving your wingman

松山？！等等先！松山機場？？！

「竟然係Su-67... 都唔知班土匪點樣偷返黎嘅！」Jennifer嘅語氣有啲驚，震住咁講...

我見到機翼有啲白煙！！？ 跟住突然閃一閃...？

冇晒？

我望一望頭戴式顯示器嘅速度...

M1.3... M1.4... 我哋已經突破音速！

我原本仲以為會有音爆添？點知原來喺戰機上面根本就唔會聽到！

但係雷霆一號個Wingman... 雖然依家仲有雷達信號見到佢...

但係我見佢咁樣嘅飛行路徑... 睇怕都係喺度避緊導彈！

雷霆一號：Secure Audio Channel... ACCPET/DENY

我喺touchscreen撳Accept...

「喂喂？Eagle能聽到嗎？這是雷霆一號，我們還有2分鐘就會進入某島的領空，很快就會安全了，請你們放心。」我感受到雷霆一號個女機師...

好似抑壓住傷痛咁講呢句說話。

佢哋兩個為咗保護我哋... 不惜要搵其中一個犧牲做餌...

『雷霆一號... 你的Wingman... 』我見到仲有信號！

如果某島而家send戰機上黎全速飛過去，可能會救到佢？

「叫我Celina就可以了。至於他... 唉。剛才我們的對手可是Su-67，第六代隱形戰機。」哦～ 原來「死靈」係叫佢個名...

『第六代？！』等我仲以為我而家坐著呢架F-35係無敵架添！

「第六代隱形戰機... 有Supercruise嘅能力，雷達360度3D全覆蓋... Blended Wing Body結構，搭載大量武器... 引擎可以長期維持喺超音速唔會損壞，而且機動性會好過我地，可以維持10G嘅重力加速度。非常之有可能係喺航空母艦度飛出嚟嘅。」Jennifer詳細咁解釋...

「你而家總算明白點解我會粒聲都唔出，直接加速走啦？」原來Jennifer都知道我內心嘅感受... 就算我冇講出口。

『如果唔係載著啲Sample，我肯定唔會俾你咁樣做！』點可以見死不救？！

「等等先... 點解雷霆二號會...」雷霆二號仲有訊號？

「死靈！他直接向你們的方向飛！」頭盔傳來頭先雷霆二號機師把男聲！

「咇咇！」我嘅飛行系統響起！

Su-67 or related SEARCH RADAR...

可惡！佢竟然追咗上黎！？

「Overwatch to Eagle，head overland, AEWC* is covering you.」有另外一把聲叫我地？

*Airborne Early Warning and Control 空中預警偵測機

「Overwatch！Possible Su-67 in the air！It is pursuing us！Request bandit's bearing！」Jennifer即刻緊張咁回應！

我眼前約略已經見到陸地！應該係高雄！

「Affirm, EAGLE. Standby for bandit's location.」佢哋嘗試幫手搵隻Su-67出嚟...

「Thunder I, this is Arrival Tower. Bring Eagle to designated location, air defense fighters on its way.」有一把英文唔係太純正嘅聲喺度講...

我見到前面嘅畫面出現三隻綠色三角形，向著我哋嘅方向飛！

係嚟攔截Su-67嘅某島防空戰機！

咇！突然見到紅色三角形... 我望真啲TSD...

架敵機喺我地嘅西南面80公里範圍！

奇怪啦？點解會見到隱形戰機嘅？

「某島空軍廣播，位於某島西南空域高度一萬五千公尺的PLA軍機注意！你已進入我空域，嚴重影響我國飛航安全，立即迴轉脫離！重複...」跟住聽到有把好惡同埋沙啞嘅聲喺度講...

應該係著咗防空雷達... 似乎某島嘅防空雷達勁到連隱形戰機都見到！

「咇～～～～～～～」係警報聲，仲要長響！

RADAR LOCK！我眼前有紅色字喺度閃！

架Su-67竟然鎖定到我哋！F-35喎？！隱形戰機喎？！

「嘟嘟嘟嘟嘟.... MISSILE MISSILE MISSILE...」警報系統不停喺度響！

真係打我哋！唔係講笑！

「Celina，立即分離！立即分離！」Jennifer即刻戴上氧氣罩，叫Celina分離？！

「收到。」只見Celina佢即刻急速轉左掉頭！

『Jennifer！？』我見到有紅色虛線，代表對方嘅雷達訊號鎖定咗我地...

「應該係雷達導向嘅PL-15，距離我地75公里，導彈最高速度4馬赫... 我哋仲有50秒時間，如果Celina依家走嘅話，至少唔會連累佢。」Jennifer異常地冷靜咁講...

Jennifer，求下你話我知... 你有辦法吖...

我唔想死吖，難得連穿越時空嘅裝置都攞到啦！

我唔想死喺某國嘅手上吖！

我繼續聽到導彈警報嘅嘟嘟聲... 就好似宣判我哋嘅死刑咁...

「阿恆，戴氧氣罩，左下。」我即刻伸手拎！

『嗚！』我感受到當我戴好個氧氣罩之後，佢就緊緊咁捉實我塊面...

我仲感受到好似有空氣加壓...

「嚟緊呢兩分鐘，你有可能暈，甚至失去知覺。我會嘗試Break Radar Lock...」Jennifer冷靜咁講...

咦？我見到紅色虛線消失？冇咗雷達訊號？

『Jennifer？』

「係而家啦！忍住呼吸！」Jennifer右手突然用力一推控制桿，再扭！左手將油門推到最盡！

我閉氣！

「嗚～～～～～～」F-35嘅引擎喺度咆哮！

我感受到好大嘅壓力，然後係失重！

好恐怖！真係好恐怖！而家嘅衝力感受到自己好似就快跌死咁！

眼見出面嘅景色... 天空掉轉咗... 我哋喺度急速向著地面衝，仲要反轉咗！

我連而家係面向地下定係天空都無辦法分辨！

呢種感覺，仲恐怖過坐過山車10倍！

「PL-15嘅運作模式，首先係由戰機雷達導向，導彈接近目標之後先會轉為導彈自己嘅active homing再加速！」Jennifer你仲有時間喺度解釋？！

F-35再次喺空中轉轉轉！

我望見我地而家穿過烏雲... 出面嘅雨水不停地打落駕駛艙...

「嗖！」Jennifer大力一拉，我身子被壓！

架F-35變返水平咁飛...

「我做嘅嘢就係喺佢轉mode嗰個空檔黎甩佢。」Jennifer繼續不遺餘力咁解釋...

我哋一粒Chaff都未用... 我右手伸手撳武器欄，跟住撳咗countermeasures...

如果Jennifer一叫到我就放！

而家似乎甩咗戰機嘅雷達鎖定... Missile Warning 亦都消失咗！

我哋足足靜咗10秒冇出聲...

「暫時安全啦。」Jennifer把聲再次出現...

Jennifer利用導彈雷達切換嗰陣嘅短暫空檔嚟甩咗支PL-15！

『Oh my gosh！我愛妳吖Jennifer！』我激動咁講！

點解你可以咁叻...

每一樣嘢都係佢lead住我，磅住我，照顧住我...

「哼。傻仔，降落到先講啦。」Jennifer幽幽咁講...

「某島空軍廣播，位於某島正南空域高度一萬公尺的PLA軍機，你已入侵我方空域，立即迴轉脫離，否則我方會開火！」係防空警報...

「Eagle，留意西面有防空導彈。看來他們會把Su-67打下來...」Celina嘅語氣都帶點擔心咁講...

「咇...」我見到... 雷達信號...

MIM-104X PAC-5E ANTI-STEALTH (PATRIOT)

係愛國者導彈！

『掂啦！佢哋出愛國者導彈！』我興奮咁講！

誰知紅色三角形再次喺我哋嘅地圖畫面上出現！

今次近咗好多！只係得返40公里！

Su-67 or related SEARCH RADAR... 佢又開始搵我哋啦！

我哋明明Break咗Lock... 佢真係冤魂不散㗎喎！

不過佢咁快就追到上黎我哋附近？！唔係掛？！

「仲未完架...」Jennifer沉著氣咁講...

「睇嚟佢想同我哋Dogfight...」唔係掛...

「Eagle，我方防空戰機沒有辦法攔截敵軍... 他實在飛太快了，你們要小心。」係Celina把聲...

Celina喺我哋後少少，高好多嘅位置...

「吖恆，望實後面。我覺得佢今次唔會用Radar Guided Missile。佢應該發現我知道咗PL-15嘅死穴。」Jennifer細細聲講...

出面狂風雷暴咁嘅款... 我仲見到閃電...

架F-35搖吓搖吓... 不過幅度唔係好大。

『不如直接加速甩咗佢啦？』反正下面已經有愛國者導彈...

「已經太遲啦。你望下，得返30公里。佢真係飛得好快。如果而家發射愛國者導彈嘅話，好大機會誤傷埋我地。同埋就快進入visual range啦。」係喎... 導彈都要時間飛...

「同埋我地一用Afterburner加速，佢嘅IR就會好容易lock到我哋...」Jennifer經過訓練之後，思緒已經變得細密...

但係我感受到，就算係佢頭先甩導彈嗰陣，佢都係就住就住，可能係擔心我會頂唔到...

『Jennifer，我相信你嘅技術，你唔使特登就住我。』我深呼吸...

Chapter 112

Chapter 113 Then it's a dogfight

『Jennifer，我相信你嘅技術，你唔使特登就住我。』我深呼吸...

「記住，記住，我一話要閉氣就閉氣！同埋換氣嘅時侯唔可以呼晒出嚟，如果咪你個肺就會俾G-Force壓住，唔會吸得返下一啖氣。」Jennifer千叮萬囑咁提我...

『Jennifer，我哋手上有兩支AMRAAM，仲有9粒Chaff，20粒Flare。Flare已經開咗auto dispense... 另外... 咦？原來我哋仲有100發炮彈。』我喺度撳緊武器欄...

「我有辦法。」Jennifer認真咁講...

「Celina，你手上有咩武器？」

「我方搭載三枚熱追蹤導彈，有效射程40公里。」唔知係咪AIM-9X響尾蛇呢？？

「麻煩你稍後尾隨敵方，匿埋喺佢雷達正後方嘅死角，睇準時機就發射。」Jennifer打算用我哋嚟做餌...

『得返15公里咋Jennifer...』我指著TSD上面嘅紅色三角形...

我撳咗落去，提早鎖定目標先！

而家有地面雷達嘅輔助，就算部Su-67喺我哋死角，我哋都依然Lock到佢！

「間中望一望後面，但係望一下就好啦。我一拉嗰陣你一定要坐正！」我即刻好快咁向後望一望！

咦？狂風雷暴之間有光點？

『Jennifer，有光點！有光點！』點解頭先冇Missile Warning架！？

「Missile Launch！Missile, 6 O'Clock！Missile, 6 O'Clock！」警報系統而家先響起！後知後覺！

我即刻坐好！準備閉氣！

另外右手已經放好喺flares嗰度，準備放！

「記住一樣嘢：導彈係永遠都飛得快過你。」Professor把聲突然喺我心中響起...

我望一望我哋嘅速度... 1.5馬赫...

「而家閉氣！」F-35猛然轉向！我忍住氣！

我感受到好重嘅扭力！F-35頓時不規則咁旋轉！

「Missile, Missile, Missile...」仲未甩到！

呼氣，唔可以呼晒！再吸！

我望住速度... 1.3馬赫... 我哋已經流失緊速度！

我再迅速擰轉頭望！而家機尾向著導彈嘅方向！

係時候啦！

「FLARES！」我右手撳touchscreen！

「碰！」我望到後面有一個大火球！

吓？！啲Flare唔係細細粒不停咁放嘅咩？！

我睇topgun好似係咁樣架喎？

我知道Jennifer即將大力轉向，嘗試離開熱追蹤導彈嘅可視範圍！

換氣！唔可以呼晒出黎！再忍住！

「再放，再放！」Jennifer大聲喝令！我隻右手嘗試用力伸前！

「嗚嗚嗚嗚嗚...」Jennifer好大力咁抽頭！

引擎喺度咆哮緊！喂，咁樣咪製造太多熱？

我差少少！唔得！重力加速度實在太大！我開始冇力！

真係差少少咋！

FLARES AUTO DEPLOY X1

「碰！」身後再傳來一下爆炸聲！真係好彩自動放咗！

「嗖！」Jennifer大力扭動機身！

我感受到機身突然大力向上抽！

https://static.wikia.nocookie.net/military/images/8/82/Sukhoi-plane.gif/

我望一望TSD，紅色三角形同我地重疊咗...

去咗我哋前面！佢收唔切制！咁而家終於可以攻擊佢！

我望見眼前有一架灰黑色，大型三角形嘅物體...

我見到佢應該係雙引擎... 尾翼呈V字形... 成架機扁扁平平咁！

但係見唔到明顯嘅引擎排氣口，佢亦都未開Afterburner... 但係仲可以維持超音速！

呢架就係Su-67... 個外型好科幻！

完全係超乎我嘅想像...

支導彈似乎俾我哋啲特別嘅flares干擾到迷失咗方向... 冇再追著我哋！

我即刻操控TSD，左手撳咗選擇目標！

選擇武器... AMRAAM... 撳！

『已經選擇咗武器，Jennifer，右手flight stick紅色制發射。』我要做好我嘅角色！

「雙管齊下，我要兩種導彈同時追著佢！」意味着Jennifer仲想藉助Celina幫手！

「Celina，見唔見到佢？」Jennifer未開火...

「還沒有，可惡！這雨大得真的過份...」我哋仲未離開雷雨區...

誰知Su-67嘅尾部突然露出微微嘅橙紅光...

我望到佢開始加速... 點解呢？

Jennifer佢即刻爬升，確保唔好擋住Celina嘅視線！

「而家見到未？快啲開火！」Jennifer心急咁講！

「看到了！雙引擎的！我發射了，FOX-2*！」

誰知Su-67似乎已經估到我哋會開火，佢直接轉右繼續爬升！

唔打算做任何特別動作迴避？

「Firing FOX-3*！」我望到個mon顯示底倉打開咗...

Ok！見到導彈引擎點燃咗，飛緊過去！

「吖！別擋住！別擋住！EAGLE你擋住了！」Celina突然大聲喝我哋！

「可惡！佢特登利用我哋嚟擋熱追蹤導彈！」Jennifer大喝一聲，然後即刻抽頭！

「該死！我只能用頭盔的紅外線導向強行令導彈放棄目標！這傢伙真的狡猾！」好彩Celina都醒目！

只見我地嘅AMRAAM追著架Su-67...

但係對方亦都唔惹小... 佢即刻嘗試兜去我哋後面，不過今次Jennifer反應好快，一直追著佢尾！ 根本就唔俾機會佢！

「碰！」我透過紅外線鏡頭見到導彈爆炸！

終於擊落左啦！

『搞掂！早你就收皮啦，仲喺度揼波鐘！』我大聲喝斥！

誰知黑煙散開之後... 眼前見到一架冒煙嘅Su-67...

佢未死，導彈擊中咗其中一台引擎... 竟然冇爆炸！

『Jennifer，佢應該已經失去戰鬥能力，不如直接用雷達鎖定佢，逼佢投降？』我喺度撳緊鎖定目標...

點知架Su-67突然抽頭，猛然減速！

『避！避！避！』我大聲叫，同時右手下意識咁即刻推控制桿壓低機頭！

Jennifer竟然反應唔切？！

「佢... 佢想玉石俱焚...」Jennifer沉聲咁講，顯得異常恐怖...

「嗖嗖嗖嗖！噹啪！」我見到機身邊有曳光炮彈飛過！

佢開機炮射我哋！機身好似中彈！

『Jennifer！』唔妥！

「恆... 快啲... 快啲搞掂佢。望實水平線...」Jennifer壓住聲咁講...

奇怪！

「恆，我開始唔掂... 望住... 快啲搞掂佢... 要你嚟...」Jennifer莫非頭先用過對眼嚟？！

唔好理咁多！Don't think！Just do！

開槍射我？我閉氣！

「啪！」我大力推油門，然後右手用力向上一抽！

頭先我已經睇透咗Jennifer嗰個動作點樣做！而家模仿佢做返一次！

「Select咗Guns...」Jennifer弱弱咁講...

我見到眼前嘅武器欄select咗機關炮！

「咇...」仲有警報喺度閃緊...

Su-67再次喺我嘅視線之內！

專心！專心！

呢個同玩War Thunder一樣嘅姐！而家只係玩Realistic Air Battle！

啟動雷達將目標鎖定！見到綠色實心線！

頭盔果度有啲嘢喺度閃緊！明明頭先都冇㗎？

「啪！嗡嗡嗡！碰碰碰碰碰！」GAU-22開火！

我見到Su-67機身多處中彈！跟住慢慢失速...

我圍住佢墮落嘅位置嚟飛... 點解冇人跳傘嘅？

機師唔打算跳傘逃生？

我繼續保持警覺... 好快就見到Su-67喺遠處嘅海面墜毀... 冇人跳傘。

『全員注意，Su-67已經被摧毀，沒有降落傘。』我照常匯報返先...

「隆...？」誰知，我突然聽到一下聲響...

引擎聲冇咗...？！

我左手嘗試操控油門！冇反應嘅！？

我再將左手放喺Engine Mode Selector Switch扭！

點解引擎唔restart嘅？！

我再檢查眼前嘅儀錶板！

我終於望真頭盔閃緊嗰行字寫咩啦！

FUEL：0%

WARN ENGINE FLAMEOUT

GEN1 GEN2 SHUTDOWN

270VDC 28VDC BAT ACTIVE

115VAC FAULT

ALL WEAPONS INOP**

可惡！燃油耗盡！武器欄變左紅色，無辦法使用！

『Jennifer！我哋冇晒油吖！引擎停咗吖！』我大聲叫佢！

冇反應！點搞呀！

我眼前嘅LCD顯示器得返藍色啡色嘅水平線，速度同埋高度嗰啲基本資料...

TSD，同埋地圖全部熄晒！點算？！

--- 我係分界線 下面係補充資料---

*為咗避免friendly fire，通常發射導彈果陣都會同友軍講發射咗乜嘢導彈。FOX-1係戰機雷達導向導彈，FOX-2係熱追蹤導彈，FOX-3係導彈自身雷達導向導彈

**F-35上面有270V電池，用於飛行控制，而28V電池負責基本嘅飛行系統，115V交流電用於武器，由於引擎停咗，所以115V交流電斷咗。

Chapter 114 燃油耗盡？

『Celina，我們的燃油已經耗盡，失去了引擎動力。』拜託... 拜託radio要work！

「抱歉Eagle，剛才我已經拋下了外置燃料缸... 沒有辦法為你加油。」Celina遺憾咁講...

「松山機場在你的9點方向，我可以為你領航。」我揸住控制桿，慢慢扭向左邊...

「我幫你通知一下機場地面，讓他們準備好搜救的設備。」佢嘅意思係... 會墜機？！

『還有多遠？我已經無法維持速度... 現在下降速度為每分鐘1000呎... 速度400節...』我望住我眼前嘅LCD顯示器...

「松山Tower，MAYDAY MAYDAY MAYDAY這是雷霆一號。友軍燃油耗盡，FUEL EMERGENCY。要求立即聯絡機場救援。」我聽到Celina沉重咁講...

而家我哋喺2.5萬呎高空...

但係戰機嘅設計唔係攞嚟滑翔架嘛！

一般民航機嘅滑翔比例可以去到10:1，換言之姐係一尺嘅高度可以換到10呎嘅滑行距離...

保守估計戰機嘅滑翔比例可能得1.5:1！

我哋最多可以飛多... 11公里左右。

但係松山機場喺25海里以外嘅地方！以而家嘅狀態根本就無可能去到！

「EAGLE，this is Natham James do you copy？」係戰艦果邊？！

『Natham James, Eagle is out of fuel, I REPEAT, Eagle is OUT OF FUEL. We have lost all engines! Might have to ditch this plane.』睇怕已經唔夠時間去到松山機場...

「Roger that Eagle, Standby for Aerial Refuelling, an MQ-25 is already on its way.」空中加油？！

「嗖！」我嘅上空突然出現一架橙色翼嘅小型飛機！

我見到機身印有BOEING DEFENSE嘅標誌！

https://youtu.be/q2uGkF2J1Y0

我再望真啲... MQ-25！係空中加油機！！

「Eagle, on your right hand side there's a multifunction display, there is a menu for auxiliary systems, can you find it?」我撳右邊嘅mon...

AUX... 有！

『Got it！』撳！要快！

「On the bottom, there is a text box which says Refuelling boom, can you press that for me?」

REFUELLING BOOM... 有！ 我撳！

『Done！』

「嘰嘰嘰嘰...」我聽到機身有啲聲...

由於而家冇咗引擎聲... 機艙出面周圍嘅聲我都聽得好清楚！

「Now hands off your stick and maintain stable flight, the refuelling drone will do its job.」我放手！

係咪真係得架...

只見橙色飛機飛咗嚟我機頭... 跟住伸咗一個連住喉嘅雪糕筒形狀物體落嚟...

只見呢個雪糕筒套咗喺我機身右面嘅位置...

「咦？！ 嘩！呢架乜鬼嘢嚟架？！」Jennifer驚訝咁講！

『Jennifer！空中加油緊，唔好掂啲control！』我緊張咁講！

「Su-67呢？哎呀Sorry... 我又用得太大力... 點解會空中加油嘅...？」Jennifer啱啱瞓醒迷迷糊糊咁...

『我臨尾用機關炮打咗佢落黎... 但係冇人跳傘。似乎佢墜機死埋！哼！至於空中加油... 頭先喺你暈咗嗰陣... 我哋啱啱冇晒油。啱啱米國嗰邊趕得切send架空中加油機過嚟。』我一一解釋俾Jennifer知...

「嗯。我聽聞6代戰機... 有一啲根本就唔係人控制嘅，係半AI操控加人手遙控。唔怪得頭先Su-67嘅表現有啲奇怪。」Jennifer喺度分析...

我望一望儀表板...

FUEL 25%...

「Eagle, aerial refuelling is complete. Wish you a safe landing, good bye.」頭盔傳嚟一把聲...

跟住見到個空中加油管甩返，架橙色嘅MQ-25爬升掉頭離開...

『Engine restart procedure.』

「Battery masters confirm on?」

『On.』電池一直都著...

「Confirm we have 270 knots and less than 20 thousands feet?」要借助風速啟動引擎...

『可以嘅，等等。』我用控制桿壓低機頭加速！

「Thrust Levers Idle.」我將油門拉返落黎...

『Idle』

「Engine mode selector switch, Ignition/Start.」

我左手轉動引擎模式嘅制...

「嗚嗚...... 隆隆隆隆！」機身猛然一震！

「Engine N1 rotation at 20%」引擎着返！

「Engine stabilizing at 50%，applying TOGA thrust to stop descent.」Jennifer接手restart咗引擎，確保引擎穩定之後重新啟動最大推力！

『搞掂！真係好彩米國佢哋及時趕到！』我興奮咁講！

「阿恆，你係咪想飛吖？」Jennifer溫柔咁問我...

『嗯...』你又知嘅？

「俾你飛啦，我陪你飛。」Jennifer交俾我...

「Your Aircraft.」Jennifer認真咁講...

我唔知俾咩反應好。

「喂吖，俾你揸吖。你要答返我，My aircraft！跟住你先可以揸㗎！做機師，溝通係好重要㗎！Crew Resource Management！」Jennifer半認真咁喺度教我...

『係係～ 再嚟一次～』哎吔，陪吓你玩吓啦。

「Your Aircraft，you have Control.」Jennifer再嚟一次。

『My Aircraft. I have control.』我真係認真咁跟住做。

『好！等我玩返轉先！』我左手大力推油門！

F-35猶如狂牛咁瘋狂加速重新爬升！

...

「你們兩... 別得意忘形啦！松山機場快到了，看到了嗎？」Celina提醒我地！

『見到見到。』我都正經返先！

「我們會用28號跑道，方向為271度。」我即刻開navigation嗰頁...

跟住入返啲資料先...

「ILS*頻道為108.10。」我跟住入返落飛行電腦先...

「我們降落後在機場再見。」Celina爬升，讓咗我哋降落先...

我撳LOC... Ok，鎖定咗機場嘅ILS...

降落速度... 180節... Set好。

AP1 AP2撳撳！

而家架F-35慢慢跟住ILS自動降落...

「Eagle，you are clear to land on runway 28. Local wind 5 kts, crosswind.」控制塔嗰邊俾我開始降落。

『Cleared to land runway 28, Eagle copy.』有少少風，不過還好。

『Jennifer，我哋用ILS Approach，維持速度180節，Flap settings F-35會自己搞掂。』降落之前要同自己身邊嘅機師brief一次自己陣間會做咩。

呢個都係Jennifer俾我玩嗰陣時順便教我嘅～

「我仲以為你會想手動降落添～」Jennifer有啲疑惑咁講...

「係呢，點解你會識得用ILS架？Professor佢好似冇教你架喎～」Jennifer好奇咁問...

『因為我以前其實係一個飛機迷囉～ 黎之前有玩過Flight Sim嘛～』我一直都好想飛...

而家望住我自己set好，等佢自動降落，真係好有成功感！

「松山Tower，request for local QNH and runway elevation in feet.」Jennifer係radio度講... QNH?

「EAGLE，local QNH is 1007, runway elevation is 18 feet.」對方回答... 似乎係高度？

「松山Tower，thank you. QNH 1007，elevation 18 feet，EAGLE.」Jennifer重複讀返... 確保冇聽錯。

「Gear down吖，掛住講～ 仲有你未set高度計用QNH**。」好彩Jennifer提一提我！

「順便幫你set埋啦～」真係貼心嘅啫～

我開始見到跑道嘅燈...

而家雖然仲落緊少少雨，但係已經冇頭先嘅雷暴咁誇張...

呢種第一身嘅感覺，同平時坐飛機實在差太遠...

「Minimums, Minimums.」係飛行系統要我確保我見到跑道...

見到，繼續降落。

「Continue.」Jennifer確認我哋繼續降落...

「Five hundred....」

「Three hundred...」

「One hundred... fifty, forty, thirty, twenty, ten...」

我感受到機頭緩緩抽起！係Landing Flare嘅動作！

「隆隆...」係起落架著地嘅聲！機身稍為震一震！

我哋降落咗啦！

「雙腳踩Rudder Pedal啦，你唔記得開auto brakes。Thrust levels idle呀仲有。」Jennifer命令我！

唔怪得好似唔減速啦... 我雙腳大力踩！

好！慢慢減速啦！

...

『吖，終於搞掂。』我哋降落咗...

機場嗰邊有架車黎拖我哋架F-35埋一個偏遠嘅地方... 呢度似乎係機庫...？

我打開咗駕駛艙嘅蓋，地勤嘅人員攞咗條梯架喺駕駛座嘅側邊，但係佢地指示我地要原地等候... 唔俾我哋落機...

跟住過咗一陣見到有幾個著住西裝，帶晒手套嘅人行過嚟...

全部都係外國人，其中一個中年女人率先行過嚟...

「Jennifer, nice to see you in person. I'm Margaret from the AIT.」個中年女人友善咁同Jennifer打招呼...

佢連Jennifer個名都知...?

「Good to see you too.」Jennifer冷淡咁回應...

顯然係不滿米國喺我地俾Su-67追殺果陣冇伸出援手。

「I heard that you and your brave partner has retrieved the samples for us. May I have a look?」個中年女人依然繼續保持友善咁講...

同時佢哋都離架機大概5米嘅距離...

態度友善，但係姿態上非常警覺。

「Here.」Jennifer喺機頭駕駛座嘅位置拆咗土壤樣本嘅盒出嚟，跟住揚一揚俾佢哋睇...

「Now, slowly climb out of the cockpit, and bring the container here please.」點解我覺得聽到呢句... 有啲唔舒服。

「放心，佢哋有戒心啫。」Jennifer望我一眼，腦海傳嚟佢把聲...

Jennifer佢拎住紅色嘅盒... 慢慢爬落機...

「Slowly, gently put it on the floor... Good.」Jennifer好乖咁照做...

跟住見到嗰幾個西裝友拎住啲唔知咩電子儀器，喺度圍住個盒照照照...

跟住佢地微微點頭打個眼色。

「Good, the container is genuine. I'm glad that both of you made it.」個中年女人終於展露慈祥嘅笑容望望Jennifer同埋機上嘅我...

然後另外嗰幾個西裝佬就直接抬走咗隻盒...

希望佢地唔好突然見鬼或者穿越時空啦，嘻嘻。

唔知點解，我都係對班米國人冇乜好感。

「Come on, you guys must be starving.」個中年女人都示意我都爬落黎...

我雙腳踩喺地下... 雖然只係過咗一個鐘...

但係... 但係實在太掛住地面啦！

我真係未試過飛都飛得咁攰！

『吖吖吖呀！係陸地吖！終於腳踏實地啦！』我興奮咁係度高呼，跟住喺地下度碌碌碌！

「Is your partner alright?」中年女人有啲猶疑咁望住我...

「Nah, never mind him. He'll be alright. He is just too excited that he could land an F-35.」Jennifer幽幽咁講...

「Hahahahahahaha... indeed he is.」一眾人喺度大笑～

*ILS, instrumental landing system, 簡單嚟講就係機場跑道有一組特別嘅天線，會發射一個信號指示飛機最佳嘅降落軌跡

**高度計有幾個setting，通常係指佢跟邊個氣壓嚟判斷高度。當就快降落果陣，就要set返對準機場嘅海平面氣壓(會因當日天氣而變化)。

更新到Chapter 114
今次文盡人亡了

新年快樂

安全著陸!

幾時有115呢？

輕輕一推